Fréttablaðið - 16.11.2007, Side 52

● tíska&fegurð10
Sýning til heiðurs verkum franska fatahönnuðarins
Christian Lacroix stendur nú yfir í Arts Decoratifs-
safninu í París. Sýningin heitir „Christian Lacroix,
History of Fashion“. Þar má líta hin ýmsu verk af
ferli fatahönnuðarins.
Christian Lacroix fæddist 1951 í Arles í Frakk-
landi. Lacroix ólst upp við nautaat og dvaldi löng-
um í söfnum og las gamlar bækur uppi á háalofti.
Hann stundaði nám í listasögu við háskólann í
Montpellier og síðar í Sorbonne og Ecole du Louvre
1973. Stefna hans á þeim tíma var að gerast safn-
stjóri.
Á svipuðum tíma hitti hann Jean-Jacques Picart
sem kom Lacroix í vinnu hjá Hermes árið 1978 og
síðar Guy Paulin 1980. Við útskrift frá École du
Louvre árið 1981 fór hann að vinna hjá Jean Patou.
Með hjálp Picart kom Lacroix fram með margar vin-
sælar fatalínur. Bjartir litir, glæsileiki og nákvæmni
gerðu Lacroix og Picart að vinsælustu hönnuðum
síns tíma.
Árið 1987 opnaði Lacroix sitt eigið hátískuhús.
Árið 1988 setti hann á markað hversdagsklæðn-
að þar sem hann fékk innblástur frá hinum mis-
munandi menningarheimum. Gagnrýnendur töldu
hann hins vegar ekki hafa skilning á því sem hin
venjulega kona myndi vilja klæðast. Síðan þá hefur
Lacroix hannað allt sem viðkemur tísku. Allt frá
skartgripum, veskjum og skóm til gallabuxna og
nærfata fyrir konur og karla.
Lacroix er kannski best þekktur fyrir stíl í
ætt við leikbúninga. Hann er einnig
þekktur fyrir „le pouf“-kjólinn (þar
sem pilsið er hálfgerður bolti) auk
þess sem hann lýkur öllum tískusýn-
ingum með fyrirsætu í brúðarkjól.
Lacroix hefur hannað kjóla fyrir
ýmsar stjörnur. Til að mynda hann-
aði hann brúðarkjól fyrir Christ-
inu Aguilera. Á tíunda áratugnum
var hann þekktur sem uppáhaldshönnuð-
ur Edinu Monsoon í bresku gamanþáttaröð-
inni Absolutely Fabulous. Þá má einnig geta
þess að Lacoix hannaði búninga á flugþjóna
og -freyjur flugfélagsins Air France árið 2004.
solveig@frettabladid.is
Leikrænn ferill
Lacroix
Christian Lacroix
innan um sköp-
unarverk sín.
NORDICPHOTOS/GETTY
● Verk frá löngum ferli fatahönnuðarins Christian Lacroix
eru til sýnis í listasafni í París.
16. NÓVEMBER 2007 FÖSTUDAGUR