Fréttablaðið - 16.11.2007, Síða 74

38 16. nóvember 2007 FÖSTUDAGUR
Það verður nóg um að vera í dag í
tilefni af 200 ára fæðingarafmæli
þjóðskáldsins Jónasar Hallgríms-
sonar og degi íslenskrar tungu.
Hér er tekinn saman hluti þeirra
viðburða sem fram fara til að
halda upp á daginn.
Í Þjóðmenningarhúsinu við
Hverfisgötu má líta á sýninguna
Ferðalok – um manninn, skáldið
og náttúrufræðinginn Jónas Hall-
grímsson. Sýningin er opin frá kl.
11-17.
Fagráð í íslensku við Kennara-
háskóla Íslands býður til hátíðar-
samkomu í Hylnum, bókasafni
skólans við Stakkahlíð, í hádeginu
í dag. Flutt verður tónlist, ljóð
lesin og verðlaun afhent í ljóða-
samkeppninni Ljóð á tungu – ljóð
um tungu. Dagskráin hefst kl.
12.05.
Minningarstofa um Jónas Hall-
grímsson verður opnuð um
hádegis bilið á Hrauni í Öxnadal.
Minningarstofan og fræðimanns-
íbúðin á Hrauni verða opnar fyrir
almenningi á morgun og á sunnu-
daginn kl. 13-18.
Íslenskuskor Háskóla Íslands
og Mímir, félag stúdenta í íslensk-
um fræðum, standa fyrir hátíðar-
dagskrá í tilefni af degi íslenskrar
tungu frá kl. 16-18.30. Hátíðin fer
fram í stofu 201 í Árnagarði við
Suðurgötu. Menntamálaráðherra
flytur ávarp og fræðimenn og
skáld ræða stöðu íslenskunnar.
Í tilefni af degi íslenskrar tungu
lesa nemendur 10. bekkjar Hvols-
skóla á Hvolsvelli Brennu-Njáls
sögu í samstarfi við Sögusetrið á
Hvolsvelli. Lesturinn hefst kl. 7.30
að morgni og lesa nemendur úr
sögunni til skiptis fram á kvöld.
Áætlað er að lestrinum ljúki um
kl. 22. Öðru hverju verður gert hlé
á upplestrinum og verður þá meðal
annars boðið upp á söngatriði og
ljóðaflutning.
Eins og sjá má af þessari upp-
talningu, sem er engan veginn
tæmandi, er af nógu að taka fyrir
unnendur íslenskrar tungu og ljóð-
listar í dag. Nánar má kynna sér
dagskrána á síðu menntamála-
ráðuneytisins: www.menntamala-
raduneyti.is - vþ
Til hamingju
með þjóðskáldið
Vart hefur farið framhjá nokkrum Íslend-
ingi að í ár er 200 ára fæðingarafmæli
skáldsins ástsæla Jónasar Hallgrímssonar.
Margvíslegir viðburðir hafa sett mark sitt
á hátíðarhöldin, en þau ná hámarki í dag, á
sjálfum afmælisdeginum, með glæsilegri
dagskrá í Þjóðleikhúsinu.
Sveinn Einarsson skipuleggur og leikstýrir hátíðar-
höldum kvöldsins. „Alþingi fól menntamálaráðuneyt-
inu að skipa nefnd til að hafa yfirumsjón með
hátíðarhöldum og viðburðum á afmælisári Jónasar.
Halldór Blöndal er formaður nefndarinnar en auk
hans sitja í henni þau Páll Valsson, Margrét Eggerts-
dóttir, Jón G. Friðjónsson og Sigrún B. Jakobsdóttir.
Nefndin fékk mig svo til þess að veita ráðgjöf
varðandi viðburði og hafa umsjón með framkvæmd
þessarar stóru hátíðar í kvöld.“
Mikið hefur verið um dýrðir það sem af er
afmælisárinu og munu hátíðarhöldin halda áfram í
einhverri mynd allt til áramóta þó að aðalhátíðin sé í
dag. „Nefndin hefur staðið fyrir nokkrum viðburðum
á árinu og styrkt eða stutt fjölda annarra með
einhverjum hætti. Svo hefur grasrótin í menningar-
lífinu verið ákaflega öflug í að hrinda í framkvæmd
ýmsum viðburðum til að heiðra minningu skáldsins.
Fjölbreytileikinn hefur þannig einkennt hátíðarhöldin
hingað til og við tökum því fagnandi, enda var
nefndin ekki skipuð með það í huga að vera einráð
yfir þessu afmælisári heldur mun fremur til að koma
með tillögur að viðburðum og veita þeim stuðning
sem vilja hrinda hugmyndum sínum í framkvæmd.“
Dagskrá kvöldsins í Þjóðleikhúsinu verður afar
glæsileg og koma þar fram margir af okkar þekkt-
ustu og virtustu listamönnum. Má þar nefna Arnar
Jónsson, Arnbjörgu Hlíf Valsdóttur, Benedikt
Erlingsson, Bergþór Pálsson, Gunnar Eyjólfsson og
Þórunni Lárusdóttur. Dagskráin verður send beint út
hjá Sjónvarpinu. „Hátíðardagskráin í kvöld er
samstarfsverkefni nefndarinnar, Þjóðleikhússins og
Sjónvarpsins. Útsendingin hefst kl. 19.30 og verður
boðið upp á mörg glæsileg atriði. Jónas verður
heiðraður með ljóðum, í tónum og með leiklist.
Menntamálaráðherra flytur ávarp og afhendir
verðlaun vegna Dags íslenskrar tungu. Svo má ekki
gleyma að minnast á ávarp Matthíasar Johannessen
skálds. Einnig er ég sérstaklega ánægður með að
fram koma þrír kórar skipaðir börnum og ung-
mennum, enda á skáldskapur Jónasar ekki síður
erindi við yngri kynslóðirnar en þær sem eldri eru,“
segir Sveinn.
Sveini þykir afmælisárið hafa verið vel heppnað í
alla staði og segir að sá gríðarlegi fjöldi listamanna
og annarra sem kusu að minnast Jónasar á sinn hátt
hafi ekki komið sér hið minnsta á óvart. „Ég er
sjálfur alinn upp við skáldskap Jónasar og hef alla tíð
haft mikla ást á honum. Því hefur það glatt mig mjög
að sjá hve sterkan sess hann á enn hjá þjóðinni og
ekki síður hefur það glatt mig að finna hve áhugasöm
yngsta kynslóðin er um hann og skáldskap hans. Við
eigum öll Jónas saman og því er það svo mikilvægt að
heiðra minningu hans og skáldskap.“
Útsending frá afmælishátíðinni í Þjóðleikhúsinu
hefst í Sjónvarpinu í kvöld kl. 19.30. Fyrir hátíðina
verður farin blysför frá aðalbyggingu Háskóla
Íslands og gengið að styttu Einars Jónssonar af
þjóðskáldinu í Hljómskálagarðinum. Ávörp flytja
Vésteinn Ólafsson, forstöðumaður Stofnunar Árna
Magnússonar í íslenskum fræðum, og Pétur Gunnars-
son, formaður Rithöfundasambandsins. Blysförin
hefst stundvíslega kl. 18. vigdis@frettabladid.is
Við eigum Jónas öll saman
BERGÞÓR PÁLSSON SÖNGVARI
Einn af listamönnunum sem
koma fram á afmælishátíðinni
í kvöld.
SVEINN EINARSSON LEIK-
STJÓRI Stendur fyrir glæsilegri
hátíðardagskrá í Þjóðleik-
húsinu.
HÁSKÓLI ÍSLANDS Íslenskuskor býður upp á spennandi dagskrá í dag.
Frumsýning í kvöld á Smíðaverkstæðinu
eftir Roland Schimmelpfennig. Leikstjóri Hafliði Arngrímsson
Miðasala í síma 551 1200 og á www.leikhusid.is
KONAN ÁÐUR