Fréttablaðið - 16.11.2007, Side 82

16. nóvember 2007 FÖSTUDAGUR
Hönnunarkeppnin Stíll, sem Samtök
félagsmiðstöðva á Íslandi, eða Samfés,
standa fyrir, verður haldin í íþróttahús-
inu Smáranum í Kópavogi á morgun.
Keppnin er nú haldin í sjöunda skipti,
en þar keppa lið frá félagsmiðstöðvum
landsins í fatahönnun, hárgreiðslu og
förðun. Liðin eru skipuð nemendum úr
8. til 10. bekk í grunnskóla. Stíll hefur
mismunandi þema á ári hverju, og í ár
munu keppendur sækja innblástur sinn
í íslenskar þjóðsögur.
Margrét Ægisdóttir, forstöðumaður
félagsmiðstöðvarinnar Mekka í
Kópavogi, segir áhugann á Stíl fara
vaxandi ár frá ári. „Í fyrra voru 42 lið
sem kepptu, en núna eru þau 56,“ segir
hún. Félagsmiðstöðvar mega senda eitt
lið hver og um helmingur þeirra tekur
þátt í keppninni í ár. „Þetta eru yfir 250
krakkar sem keppa,“ segir Margrét,
sem segir félagsmiðstöðvar á lands-
byggðinni mjög duglegar að senda lið í
bæinn.
Húsið verður opnað fyrir almenningi
klukkan 15.30 á morgun og aðgangur
er ókeypis. Boðið verður upp á
skemmtiatriði frá félagsmiðstöðinni í
Kópavogi og tískusýningar frá ýmsum
verslunum auk tónlistaratriða frá
Ljótu hálfvitunum og Perlunni. „Mér
sýnist keppnin líka ætla að verða mjög
skemmtileg. Við höfum verið að skoða
efnislýsingar núna og það eru mjög
margar spennandi flíkur í keppninni,“
segir Margrét.
Keppnin hefst klukkan 16, þegar
liðin undirbúa fyrirsætu sína með
hárgreiðslu og förðun. Liðin sýna svo
afrakstur vinnu sinnar klukkan 18.30 á
sameiginlegri sýningu og í kjölfar
hennar verða úrslitin gerð kunnug. - sun
Skemmtileg keppni í vændum
SKEMMTILEG KEPPNI Á Stíl
keppa lið frá félagsmiðstöðv-
um landsins í hönnun, förð-
un og hárgreiðslu. Myndin er
frá keppninni í fyrra.
FRÉTTABLAÐIÐ/STEFÁN
Tímaritið People hefur
útnefnt kynþokkafyllstu
menn heims. Matt Damon
trónir á toppnum í fyrsta
sinn.
Leikarinn Matt Damon er kyn-
þokkafyllsti maður heims sam-
kvæmt tímaritinu People. Meðleik-
arar hans úr Ocean’s-myndunum,
þeir George Clooney og Brad Pitt,
hafa verið tíðir gestir á slíkum list-
um síðustu ár og hafa unnið að því
að koma Damon í sæti. Hvort list-
inn í ár er til vitnis um að sá áróður
hafi borið árangur skal ósagt látið,
en svo mikið er víst að George
Clooney er hvergi að finna og Brad
Pitt krækir eingöngu í fjórða
sætið.
Á lista ársins er að finna þekkt
andlit á borð við ofannefndan Pitt,
Patrick Dempsey úr Grey’s Ana-
tomy, Johnny Depp, Will Smith,
Ben Affleck og Justin Timberlake,
sem vermir botnsætið, en þar er
einnig mikið um nýgræðinga. Í
fimmta sæti er til dæmis leikarinn
James McAvoy úr kvikmyndinni
Atone ment. Handan við hann sitja
til dæmis Dave Annable úr þáttun-
um Brothers & Sisters, Javier
Bardem, kærasti Penelope Cruz, og
Adrien Grenier úr Entourage, sem
virðast hafa náð svo mikilli hylli að
þeir skáka jafnvel sjálfum Cloon-
ey.
Kynslóðaskipti á kyn-
þokkalista People
DAVE
ANNABLE
ADRIEN
GRENIER
„Ég held að ég sé nú búinn að finna
þær,“ segir Ragnar Bragason, sem
týndi Eddu-verðlaunagripunum
sínum á Hilton-hótelinu eftir að
hafa farið þar hamförum og hlotið
alls fimm sjálfur og verk hans átta
í það heila. En Ragnar nennti ekki
að burðast með stytturnar út um
allt, skildi þær eftir á borði sínu
þegar gleðinni var haldið áfram
annars staðar og vaknaði síðan
upp við þann vonda draum að
stytturnar höfðu ekki fengið að
fljóta með heim úr veislunni. „Þær
eru þungar, þessar styttur, og ég
lét þær standa eftir á borðinu
þegar ég fór í eitthvert eftirpartí.
Vonandi hefur bara enginn stolið
þeim enda er helvíti leiðinlegt að
vera með verðlaunagrip heima í
stofu sem maður á ekkert í,“ segir
Ragnar. Og það kom líka á daginn
að enginn fingralangur hafði
komist yfir verðlaunin heldur
biðu styttuarnar hans í óskila-
munadeild Hilton-hótelsins og
hugðist Ragnar vitja þeirra fyrr
en síðar. Hann vissi þó ekki hvern-
ig hann ætlaði að koma öllum
þessum styttum fyrir; hafði ekki
komið sér upp neinni verðlauna-
hillu og leyfði sér meira að segja
að efast um að hún yrði nokkurn
tímann að raunveruleika. „Það er
hins vegar skemmtilegra að hafa
þær innan seilingar,“ segir Ragn-
ar en bætti því við að hann ætti
nú heldur ekki allar stytturnar
einn og dvalarstað þeirra yrði
deilt jafnt á milli samstarfsfólks-
ins. - fgg
Ragnar fær Eddurnar aftur
MEÐ FJÓRAR Ragnar gleymdi styttunum
á Hilton-hótelinu og voru þær kirfilega
geymdar í óskilamunadeild Hilton-
hótelsins.
Matt Damon skaut félaga sínum, Ben Affleck, ref fyrir rass á
nýjum lista People yfir kynþokkafyllstu menn heims, en Ben
prýðir þar 11. sætið. Mikið er um nýgræðinga á listanum. Auk
þeirra sem birtast hér má þar finna fyrirsætuna og leikarann
Shemar Moore, sem leikur í þáttum að nafni Criminal Minds
ytra, og Will Yun Lee úr Bionic Woman. Nýju andlitin í Holly-
wood hafa þar með skákað sér reyndari mönnum, eins og
George Clooney.
NÝGRÆÐINGAR SKJÓTA GÖMLUM
REFUM FYRIR RASS
JAVIER
BARDEM
MATT DAMON OG BEN AFFLECK
JAMES MCAVOY
PATRICK DEMPSEY