Fréttablaðið - 16.11.2007, Page 88

52 16. nóvember 2007 FÖSTUDAGUR
KÖRFUBOLTI Það styttist óðum í leiki
KR og tyrkneska liðsins Banvit
BC í forkeppni Evrópukeppninnar
í körfubolta.
Tyrkneska liðið hefur samið við
Donnell Harvey, 27 ára og 203 cm
framherja sem á að baki 205 leiki í
NBA-deildinni og var síðast í
æfingahópi Utah Jazz fyrir tíma-
bilið.
Lítið hefur gengið hjá tyrkneska
liðinu í byrjun móts en liðið hefur
nú tapað þremur deildarleikjum í
röð og er sem stendur í 12. sæti
með tvo sigra og fjögur töp.
Fyrir hjá liðinu voru Banda-
ríkjamennirnir Kenny Adeleke og
Chris Hill. Adeleke er með 16 stig
og 13 fráköst að meðaltali í fyrstu
sex leikjunum en Hill er með 8,8
stig og 2,0 stoðsendingar í leik.
Aðeins má nota tvo Bandaríkja-
menn í Evrópukeppninni þannig
að búast má við að annar þeirra
verði settur út úr hópnum fyrir
leikinn á þriðjudag.
Donnell Harvey var valinn
númer 22 í nýliðavalinu 2000, af
New York Knicks, en spilaði fyrstu
tvö tímabilin sín hjá Dallas. Hann
fékk ekki mörg tækifæri og var
loksins skipt til Denver Nuggets á
miðju tímabili. Þar átti hann sín
bestu tímabil í NBA þar sem hann
skoraði 7,9 stig og tók 5,6 fráköst
að meðaltali.
Harvey flakkaði síðan á milli
Orlando, Phoenix og New Jersey
áður en hann fór að spila í Evrópu.
Alls hefur hann leikið 205 leiki og
í 3.318 mínútur í NBA-deildinni og
hefur skorað 5,6 stig og tekið 4,0
fráköst að meðaltali í leik þessi
fimm tímabil hans í deildinni.
Harvey var í æfingahópi Utah
Jazz fyrir þetta tímabil en var lát-
inn fara rétt fyrir mót. Hann hefur
leikið einn leik með Banvit-liðinu
þar sem hann skoraði 19 stig og
tók 11 fráköst á 29 mínútum. - óój
Fyrrum NBA-leikmaður verður með Banvit gegn KR:
Tyrkirnir smeykir?
TREÐUR Donnell Harvey sést hér troða
í leik á móti Kevin Garnett, sem getur
ekkert gert. NORDICPHOTOS/GETTY
FÓTBOLTI Eiður Smári Guðjohnsen
landsliðsfyrirliði dró sig í gær úr
íslenska landsliðshópnum fyrir
leikinn gegn Dönum sem fram fer
á Parken næsta miðvikudag. Eiður
Smári dró sig úr hópnum af per-
sónulegum ástæðum.
„Ég átti gott samtal við Eið
Smára og ég sætti mig við ástæð-
ur Eiðs þó svo að ég sé hundfúll að
missa hann úr liðinu enda besti
knattspyrnumaður Íslands,“ sagði
Ólafur Jóhannesson landsliðs-
þjálfari við Fréttablaðið í gær.
„Ég hef ákveðnar hugmyndir
um hver tekur við fyrirliðaband-
inu en það birtist ekki í blöðunum
áður en ég greini viðkomandi frá
því. Eyjólfur Héðinsson kemur í
staðinn en ég þekki hann ágætlega
og ég hlakka til að sjá hvernig
hann lítur út eftir veruna í Svíþjóð
þar sem hann hefur staðið sig vel,“
sagði Ólafur.
Eggert Skúlason, talsmaður
Eiðs Smára, vildi ekkert tjá sig
nánar um þessar persónulegu
ástæður sem Eiður hefði gefið
fyrir fjarveru sinni.
- hbg / - óþ
Íslenska landsliðið varð fyrir miklu áfalli í gær:
Eiður Smári ekki
með gegn Dönum
SKARÐ FYRIR SKILDI Eiður Smári verður ekki með gegn Dönum á Parken.
FRÉTTABLAÐIÐ/PJETUR
490
Reykjavík SelfossMosfellsbærHafnarfjörðurKópavogur
Tilboð gildir til 25.11 2007
G
O
T
T
F
O
L
K