Fréttablaðið - 17.11.2007, Side 11

LAUGARDAGUR 17. nóvember 2007
FINNLAND Erlendum starfsmönn-
um hefur snarfjölgað í Finnlandi.
Á þessu ári er talið að um fjörutíu
þúsund erlendir starfsmenn hafi
komið til vinnu í Finnlandi og er
það fimm þúsund mönnum meira
en í fyrra, að sögn Helsingin
Sanomat. Búist er við að fjölgunin
haldi áfram.
Margir erlendu starfs-
mannanna eru frá Póllandi og
öðrum nýjum aðildarríkjum
Evrópusambandsins. Í dag eru
um 120 þúsund erlendir starfs-
menn í Finnlandi. Talið er að þrír
fjórðu þeirra séu frá Rússlandi og
Eistlandi. Þeir vinna einkum við
iðnað í Finnlandi. - ghs
Vinnumarkaður í Finnlandi:
Útlendingar
flykkjast að
INDLAND, AP Lakshmi N. Mittal,
indverski stáliðjubaróninn sem
búsettur er í Lundúnum, er enn
eignamesti
maðurinn í hópi
indverskra
auðmanna, en
Mukesh Ambani,
sem á meðal
annars olíu-
hreinsistöðvar,
dregur hratt á
hann samkvæmt
nýrri samantekt
tímaritsins
Forbes um
indverska
milljarðamæringa.
Hraðhækkandi hlutabréfaverð í
indversku kauphöllinni og
styrking rúpíunnar gagnvart
Bandaríkjadal hefur valdið því að
auður Ambanis telst hafa meira
en tvöfaldast á einu ári. Hann er
nú metinn á 49 milljarða dala, en
Mittals á 51 milljarð. 54 Indverj-
ar teljast nú eiga milljarð
Bandaríkjadala eða meira. - aa
Indverskir milljarðamæringar:
Heimamaður
dregur á Mittal
LAKSHMI MITTAL
Er talinn eiga 51
milljarð Banda-
ríkjadala.
NORDICPHOTOS/AFP
SPÁNN, AP Samningamenn frá um
140 þjóðum samþykktu í gær-
morgun, eftir þrotlaust fundahald
í Valencia, samantekt á niðurstöð-
um skýrslu alþjóðlegu sérfræð-
inganefndarinnar um loftslags-
mál, IPCC. Samantekt þessi er
talin hafa mikla pólitíska
þýðingu, þar sem hún leggur
grunninn að viðbrögðum ráða-
manna um allan heim við
niðurstöðunum.
Eins og áður hefur komið fram
er komist að þeirri niðurstöðu að
hlýnun loftslags sé staðreynd,
hún sé stöðugt að versna og stafi
að miklu leyti af gerðum mann-
anna. Ban Ki-moon, fram-
kvæmdastjóri Sameinuðu
þjóðanna, mun gera samantektina
opinbera í dag, laugardag. - aa
Alþjóðlega loftslagsskýrslan:
Samkomulag
um samantekt
FORMAÐUR IPCC Rajendra Pachauri, for-
maður IPCC, talar á fundinum í Valencia.
FRÉTTABLAÐIÐ/AP
Útgerðarfyrirtækið Skinney-Þinganes á
Hornafirði hefur fest kaup á uppsjávar-
veiðiskipi í Skotlandi. Skipið er smíðað
í Noregi árið 2000 og er útbúið á
tog- og nótaveiðar. Burðargeta þess er
um 1.540 tonn í kælitönkum. Skipið er
rúmlega 61 metri að lengd og þrettán
á breidd. Áætlaður afhendingartími er
maí 2008.
SJÁVARÚTVEGUR
Nýtt skip á Hornafjörð
WALES, AP Áhugamenn um flug-
minjar úr síðari heimsstyrjöld
hafa glaðst mjög yfir því að nú
hefur uppgötvast allvel varð-
veitt flak Lockheed P-38
Lightning-orrustuflugvélar
grafið í sand í fjöru í Wales, 65
árum eftir að hún brotlenti þar.
Til stendur að grafa vélina
upp úr fjörunni á komandi vori
með það fyrir augum að koma
henni fyrir á stríðsminjasafni.
Flugvélin er af sömu tegund
og vél sem ómældu fjármagni
var varið í að bjarga upp úr
Grænlandsjökli fyrir nokkrum
árum. Um 10.000 P-38 voru
smíðaðar, skrokkar um 32 eru til enn svo vitað sé og þar af eru um 10 í
flughæfu ástandi. - aa
Sögulegar stríðsminjar frá 1942 finnast á Bretlandseyjum:
P-38-vél birtist í velskri fjöru
FLAKIÐ Útlínur tveggja hreyfla vélarinnar sjást
vel á loftmynd af fundarstaðnum.
FRÉTTABLAÐIÐ/AP