Fréttablaðið - 20.11.2007, Blaðsíða 11

ÞRIÐJUDAGUR 20. nóvember 2007 11
AÐ UTAN
Íran:
Chavez í Teheran
Hugo Chavez, forseti Venesúela,
spáir því að gengisfall Bandaríkja-
dals muni binda enda á „hina
illu heimsvaldastefnu Bandaríkja-
stjórnar“. Chavez sagði þetta í
írönsku höfuðborginni Teheran,
þar sem hann var til skrafs og
ráðagerða með starfsbróður
sínum, Mahmoud Ahmadinejad, í
kjölfar OPEC-fundar í Sádi-Arabíu
sem þeir báðir sóttu. Venesúela og
Íran hafa stóraukið samstarf um
uppbyggingu olíuiðnaðar í báðum
löndum.
Spánn:
Konunglegur hringitónn
Giskað er á að yfir hálf milljón
Spánverja hafi hlaðið upptöku af
því þegar Jóhann Karl Spánarkon-
ungur sagði Hugo Chavez, forseta
Venesúela, að halda kjafti í reiði-
legri orðasennu á leiðtogafundi
fyrir skemmstu. Fyrir niðurhal
hringitónsins hefur safnast and-
virði 133 milljóna króna. Símafyrir-
tækin hafa baktryggt sig gagnvart
höfundarrétti
með því að láta
leikara lesa
inn reiðiorð
konungsins.
Í Venesúela
hafa háskóla-
nemar einnig
sótt sér upp-
tökuna í síma
sína í mótmælaskyni
við stjórnarhætti
forsetans.
Eyjaálfa:
Hvalveiðum mótmælt
Ríkisstjórnir Ástralíu og Nýja-Sjá-
lands skoruðu á japönsk yfirvöld í
gær að kalla heim flota hvalveiði-
skipa sem lagði úr höfn í Japan
á sunnudag. Flotinn stefnir á
hvalamið í Suður-Kyrrahafi þar sem
hann ætlar meðal annars að veiða
hnúfubaka í fyrsta sinn í rúmlega
fjörutíu ár. Japanskir embættis-
menn neituðu því að hvalveiði-
skipin hefðu slökkt á ratsjám
sínum til að dyljast. Grænfriðungar
sögðu skip samtakanna, Esperanza,
vera á hælum japönsku hvalveiði-
skipanna og myndi fylgja þeim eftir
alla leið á miðin. Forsvarsmaður
japanska vísindaveiðaleiðangurs-
ins, Hajime Ishikawa, sagði að
hvalfriðunar sinnar væru „ofbeld-
isfullir umhverfis-
hryðjuverkamenn“.
EVRÓPUSAMBANDIÐ, AP Utanríkisráðherrar
Evrópusambandsins hvetja Hashim Thaci,
sem væntanlega verður næsti forsætisráð-
herra Kosovo-héraðs, að hafa hemil á sér og
lýsa ekki strax yfir sjálfstæði þótt samninga-
viðræður við Serba skili ekki árangri.
„Ég er viss um að hann skilur muninn á
því að vera stjórnmálamaður í stjórnarand-
stöðu og forsætisráðherra,“ sagði Carl Bildt,
utanríkisráðherra Svíþjóðar. „Kosovo nýtur
nú þegar í raun sjálfstæðis frá Serbíu. Ég
held varla að Kosovo vilji sjálfstæði frá
alþjóðasamfélaginu.“
Thaci, sem er fyrrverandi leiðtogi kosovo-
albanskra skæruliða, sigraði í þingkosning-
um í Kosovo um helgina. Hann hefur sagst
ætla að lýsa yfir sjálfstæði hinn 10. desem-
ber, þegar frestur Sameinuðu þjóðanna
rennur út til að miðla málum milli albanska
meirihlutans í héraðinu og stjórnvalda í
Serbíu, sem gera enn tilkall til Kosovo-
héraðs, bæði vegna sögulegra tengsla og til
að verja serbneska minnihlutann í Kosovo.
Næstu viðræður verða haldnar í Brussel í
dag, og síðan verða aftur viðræður í Vínar-
borg í byrjun næstu viku. Javier Solana,
utanríkismálafulltrúi Evrópusambandsins,
sagðist enn vonast til þess að árangur náist í
viðræðunum, þótt líkur til þess þyki nú
hverfandi. - gb
KOSIÐ Í KOSOVO Á SUNNUDAG Serbneski minnihlutinn
í Kosovo hunsaði kosningarnar. FRÉTTABLAÐIÐ/AFP
Evrópusambandið skorar á væntanlega Kosovostjórn að hafa hemil á sér:
Sjálfstæði væri ótímabært
JERÚSALEM, AP Ísraelsstjórn féllst
í gær á að sleppa 441 palestínsk-
um fanga úr fangelsi og hét því
að byggja ekki fleiri landnema-
byggðir á Vesturbakkanum. Var
þetta tilkynnt rétt fyrir undir-
búningsfund forsætisráðherra
Ísraels, Ehuds Olmert, og
forseta Palestínu, Mahmouds
Abbas, fyrir friðarráðstefnu
sem áætlað er að fari fram í
Maryland í Bandaríkjunum í
næstu viku.
Ísraelsmenn líta á ráðstefnuna
sem táknrænt upphaf nýrra
friðarviðræðna en Palestínu-
menn vilja hnitmiðaðri dagskrá á
ráðstefnunni. - sdg
Friðarráðstefna undirbúin:
Palestínskum
föngum sleppt