Fréttablaðið - 20.11.2007, Blaðsíða 10

10 20. nóvember 2007 ÞRIÐJUDAGUR
Á FERÐ Í SNJÓ Ýmsir fararskjótar
voru í boði fyrir ferðamenn eftir að
þeir stigu frá borði sögulegrar lestar í
Brocken-fjöllum í Þýskalandi þar sem
snjór liggur nú yfir öllu. Sumir voru á
tveimur jafnfljótum meðan aðrir létu
ýta sér í kerru eða draga sig á sleða.
NORDICPHOTOS/AFP
DÓMSMÁL „Ég hef aldrei orðið jafn hrædd á
ævinni,“ sagði 35 ára gömul kona frá Venesúela
fyrir dómi í gær, en hún kærði þáverandi
sambýlismann sinn fyrir líkamsárás sem átti
sér stað í íbúð ákærða í Mosfellsbæ í lok
janúar. Hinn ákærði er íslenskur flugstjóri sem
var sakaður um að smygla konunni til landsins
í fyrra með íslenskri fragtflugvél frá New
York.
Aðalmeðferð málsins hófst í Héraðsdómi
Reykjavíkur í gær. Konan bar fyrir dómi að
maðurinn ætti við áfengisvandamál að stríða,
hann drykki illa og yrði árásargjarn þegar
hann væri drukkinn. Þá kom fram fyrir dómi
að maður inn hefði verið kallaður á fund hjá
yfirmönnum sínum hjá Icelandair eftir að
nágranni mannsins gerði þeim viðvart um
ítrekuð drykkjulæti úr íbúð hans. Maðurinn
var skikkaður í áfengismeðferð í kjölfarið.
Meint líkamsárás átti sér stað í lok janúar.
Konan kveðst hafa vaknað um nóttina við að
maðurinn var að kasta upp vegna ölvunar.
Hann hafi svo stuttu síðar veist að henni í
svefnherbergi íbúðarinnar, hreytt í hana
fúkyrðum og haft uppi kynferðislega tilburði,
en hún hafnað honum.
Í kjölfarið færði konan sig á milli herbergja,
að því er hún greindi frá fyrir dómi, en segir
manninn hafa elt sig. Hann hafi haldið áfram
að áreita hana þar til hann reif hana á hárinu
að glugga í íbúðinni og skipaði henni að kalla á
hjálp. Konan flúði þá inn á baðherbergi og
læsti að sér en maðurinn sparkaði þá upp
hurðina. Þar tók hann hana hálstaki og skellti
utan í vegg þar til hún missti meðvitund.
Þegar konan komst til meðvitundar kastaði
maðurinn henni í gólfið og lét spörkin dynja á
henni þar sem hún lá. Þegar konan flúði svo
undan manninum út úr íbúðinni sparkaði
maður inn í bak hennar. Konan kvaðst hafa
óttast um líf sitt og sér hefði aldrei orðið jafn
brugðið.
Maðurinn neitaði sök í málinu, sagði konuna
hafa fengið brjálæðiskast og ráðist á sig að
tilefnislausu. Hann hafi reynt að verja sig og
útilokaði ekki að konan hefði hlotið áverka
vegna þess. Hann sakaði konuna um að veita
sér áverka sjálf því hún hafi viljandi rekið sig
utan í hurðarkarm í íbúðinni. Hún hafi
jafnframt hótað sér að hún myndi sjá til þess
að hann missti vinnuna. aegir@frettabladid.is
Venesúelsk kona óttaðist um líf sitt þegar kærasti hennar réðst á hana í ölæði í janúar á þessu ári:
Hélt að kærastinn myndi drepa sig
HÉRAÐSDÓMUR REYKJAVÍKUR Aðalmeðferð í málinu
fór fram í Héraðsdómi í gær. Ákærði neitaði sök í mál-
inu og sagði konuna hafa ráðist á sig að tilefnislausu.
Hann hefði reynt að verja sig.
JAFNRÉTTI „Meginhugmyndin er að
búa til upplýsingar um það
hvernig sveitarfélögin standa sig
í jafnréttismálum,“ segir Kjartan
Ólafs son, sérfræðingur hjá rann-
sóknar- og þróunarmiðstöð
Háskólans á Akureyri, um niður-
stöður Evrópuverkefnis sem
snýst um að þróa tæki til að mæla
stöðu jafnréttismála í sveitar-
félögum.
„Með því að búa til upplýsing-
arnar verður til jákvæður hvati
fyrir sveitarfélögin og fær þau til
þess að hugsa um eitt eða annað.
Það er ekki einungis hlutfall
kvenna í sveitarstjórnum skiptir
máli heldur þarf að huga að atrið-
um eins og til dæmis framboð á
leikskólaplássum og tekjuskipt-
ingu kynjanna.“
Lokaráðstefna verkefnsins, sem
ber heitið Tea for two, var haldin á
Hótel Loftleiðum á föstudaginn.
Kjartan telur ríka ástæðu til að
skoða stöðu jafnréttismála í
hverju sveitarfélagi og skapa heil-
brigða samkeppni milli þeirra..
„Það er ofboðslega mikill munur
aðstæðum og viðhorfum fólks á
milli tiltölulegra nálægra staða á
Íslandi. En á þessum vettvangi
verður jafnréttið til.“
Spurningar um stöðu kvenna og
karla voru sendar sveitarfélögum
á Íslandi, Búlgaríu, Finnlandi,
Grikklandi og Noregi. Auk saman-
burðar á milli sveitarfélaga innan-
lands verður því hægt að bera
saman niðurstöður um jafnrétti á
milli fimm ríkja. - eb
Evrópuverkefni um jafnrétti í sveitarfélögum kynnt:
Mikill munur á milli sveitarfélaga
SAMKEPPNI MILLI SVEITARFÉLAGA Huga
þarf að atriðum á borð við framboð
á leikskólaplássum og tekjuskiptingu
kynjanna.
HEILBRIGÐISMÁL Guðlaugur Þór
Þórðarson heilbrigðisráðherra
ætlar að kanna hvort þörf sé á
sérstökum reglum um sölu á
erfðamengjum til einstaklinga.
Þetta kom fram í svari hans við
fyrirspurn Ástu Ragnheiðar
Jóhannesdóttur, þingmanns
Samfylkingarinnar, í fyrir-
spurnartíma á Alþingi í gærdag.
Engar reglur eru til um sölu á
upplýsingum af þessu tagi, en
Íslensk erfðagreining býður
einstaklingum nú upp á sölu á
erfðamengjum þeirra með tilliti
til ákveðinna sjúkdóma. - þeb
Heilbrigðisráðherra:
Kannar reglur
um sölu á
erfðamengjum
UTANRÍKISMÁL Aleqa Hammond,
sem fer með utanríkismál í
grænlensku landstjórninni, hefur
boðið Ingibjörgu
Sólrúnu Gísladóttur
í opinbera heimsókn
til Grænlands og
hefur hún þegið
boðið.
Að því er fram
kemur á fréttavef
grænlenska
útvarpsins, KNR,
hittast þær
Hammond og
Ingibjörg í Nuuk skömmu eftir
áramót.
„Hinn aukni áhugi á heimskauta-
svæðinu í ljósi loftslagsbreytinga
gerir að verkum, að við munum
hafa gagn af því að skiptast á
skoðunum við Íslendinga,“ tjáði
Hammond KNR. - aa
Ísland-Grænland:
Utanríkisráð-
herra til Nuuk
INGIBJÖRG
SÓLRÚN
GÍSLADÓTTIR