Fréttablaðið - 20.11.2007, Blaðsíða 30

22 20. nóvember 2007 ÞRIÐJUDAGUR
timamot@frettabladid.is
MERKISATBURÐIR
1763 Hóladómkirkja vígð og
stendur hún enn.
1929 Fyrsta einkasýning Salva-
dors Dali.
1959 Viðreisnarstjórnin, sam-
steypustjórn Alþýðuflokks
og Sjálfstæðisflokks undir
forsæti Ólafs Thors, tekur
við völdum og situr hún
lengur en nokkur önnur
íslensk ríkisstjórn.
1959 Sameinuðu þjóðirnar sam-
þykkja Barnasáttmálann.
1992 Eldur kviknar í Windsor-
kastala, heimili Elísabetar
Bretlandsdrottningar.
1995 Díana prinsessa viður-
kennir í sjónvarpsviðtali
að hafa haldið framhjá
Karli Bretaprins.
2003 Breska ræðismannsskrif-
stofan og banki sprengd í
Istanbúl og létust 27.
Gustav Mahler var austurrískt tónskáld
við lok rómantíska tímabilsins en á
sínum tíma var hann einna þekktastur
sem hljómsveitarstjóri. Hann var 28 ára
gamall þegar hann byrjaði að semja
Sinfóníu númer 1 í D-dúr. Hún var þó
áfram í smíðum á árunum 1888-1894
en var frumflutt í Búdapest þennan dag
árið 1889 og átti eftir að taka nokkrum
breytingum síðar meir. Þessi sinfónía
varð síðan upphafið að annarri viðameiri í c-moll.
Mahler samdi meðal annars níu sinfóníur og
mikið af sönglögum. Hann hóf píanónám sex ára
gamall og þegar hann var fimmtán ára komst hann
inn í Konservatoríið í Vín þar sem hann lærði aðal-
lega píanóleik en þó eitthvað í tónsmíðum. Eftir
þrjú ár þar fór hann í Vínarháskóla þar sem hann
lærði meðal annars hjá Anton Bruckner og lærði
hann heimspeki og sögu ásamt tónlist. Meðan á
námi stóð samdi Mahler sína fyrstu alvar-
legu tónsmíð, Das klagende Lied. Hann
hóf stjórnunarferil sinn árið 1880 og sjö
árum síðar stjórnaði hann Niflungahringn-
um eftir Wagner, sem var það tónskáld
sem hafði einna mest áhrif á Mahler. Til
gamans má geta þess að Mahler hélt því
fram að allar sínar sinfóníur væru „ní-
undu“ en með því átti hann við að þær
væru allar af svipuðum mikilfengleik og
níunda sinfónía Beethovens. Auk þess var Mahler
hjátrúarfullur og taldi að tónskáld létust alltaf eftir
sína níundu sinfóníu og þess vegna gaf hann sinni
níundu sinfóníu ekkert númer. Hann lést engu
síður á meðan hann var að skrifa sína tíundu sin-
fóníu árið 1911. Í seinni tíð hefur Mahler verið talið
eitt merkasta tónskáld síðrómantíska tímabilsins
en á meðan hann lifði var tónlist hans ekki fyllilega
viðurkennd af ráðandi öflum tónlistargeirans.
ÞETTA GERÐIST: 20. NÓVEMBER 1889
Fyrsta sinfónía Mahlers frumfluttROBERT FRANCIS KENNEDY FÆDDIST ÞENNAN DAG ÁRIÐ 1925.
„Einungis þeir sem þora að hætta
á að mistakast stórkostlega geta
náð stórkostlegum árangri.“
Robert F. Kennedy var bróðir Banda-
ríkjaforsetans John F. Kennedy. Hann
var dómsmálaráðherra árin 1961-1964
og var einn af helstu ráðgjöfum for-
setans. Hans er einna helst minnst
fyrir framlag sitt til réttindabaráttu
svartra Bandaríkjamanna. Hann hlaut
útnefningu Demókrataflokksins sem
forsetaefni en var skotinn 5. júní árið
1968 og lést degi síðar.
Útbreiddasti mannréttinda-
sáttmáli heims, Barnasátt-
máli Sameinuðu þjóðanna,
verður átján ára í dag. Í til-
efni þess efnir Barnahjálp
Sameinuðu þjóðanna á Ís-
landi til málþings í Norræna
húsinu í dag kl. 14-16.30.
Þingið er öllum opið og að-
gangur ókeypis. Einar Bene-
diktsson, stjórnarformaður
UNICEF á Íslandi, setur
málþingið og Jóhanna Vil-
hjálmsdóttir dagskrár-
gerðar maður stýrir því. Þar
munu Þórhildur Líndal, Mar-
grét María Sigurðardóttir,
umboðs maður barna, og
Lucy Smith frá Alþjóð-
legu barnaréttarnefnd-
inni flytja erindi. Barna-
kór Kársness syngur, Ung-
mennaráð UNICEF á Íslandi
sýnir eigið myndband um
sýn barna á réttindi, boðið
verður upp á veitingar og að
lokum verða pallborðsum-
ræður með fyrir lesurum og
öðrum góðum gestum.
Barnasáttmál-
inn fullorðnast
BARNASÁTTMÁLI SAMEINUÐU
ÞJÓÐANNA Er útbreiddasti
mannréttindasáttmáli heims og
er átján ára í dag.
Mótettukór Hallgrímskirkju fagnar 25 ára afmæli á árinu.
Hörður Áskelsson hefur stjórnað kórnum frá upphafi og
minnist þess þegar fyrstu tónleikarnir voru haldnir.
„Fyrstu tónleikarnir voru í septemberbyrjun, viku eftir
að auglýst var eftir kórfélögum,“ segir Hörður kíminn og
heldur áfram: „Ég var nýbúinn að taka við minni stöðu í
Hallgrímskirkju og hafði ákveðið að stofna kór með ungu
fólki. Svo kom það upp að við vorum að fara að halda tón-
leika með Andreasi Schmidt, góðvini mínum og söngvara,
en hann átti að syngja tvær stórar einsöngskantötur eftir
Bach. Önnur þeirra var með lokasálmi fyrir kór svo það
vantaði kór fyrir það. Þá var drifið í að setja auglýsingu í
blaðið og auglýst var eftir fólki á aldrinum 20-40 ára með
kórreynslu. Það komu um þrjátíu manns sem við tókum
inn.“ Þarna var kominn Mótettukór Hallgrímskirkju sem
starfað hefur óslitið síðan. „Aldursviðmiðin hrundu náttúr-
lega eftir að stjórnandinn áttaði sig á því þegar hann
varð fertugur að það væri líf eftir fertugt og þá breytt-
ist skoðun hans á getu við aldur,“ segir Hörður glettinn en
bætir við að kórinn hafi þó alltaf haft fremur lágan meðal-
aldur.
Þegar talið berst að hápunktum í starfi kórsins verður
stjórnandanum erfitt um vik að velja úr umfangs mikilli
verkefnaskrá.„Það sem ég undrast einna helst er hve hratt
árin hafa liðið. Mér finnst þau í raun vera örfá þar til ég
skoða hvað kórinn er búinn að flytja mikið af tónlist og
hve mörg og stór verk hafa verið flutt í fyrsta skipti á Ís-
landi. Þó verð ég að nefna Passíu Hafliða Hallgrímssonar
og Jólaóratoríu Johns Speight. Þetta eru tvö stórvirki sem
við höfum frumflutt og hafa komið út á geisladiski,“ segir
Hörður en bætir við að auk þess standi hátt í minningunni
flutningur á h-moll messunni síðasta sumar, Matteusar-
passían fyrir tveimur árum og Saul eftir Händel fyrir
mörgum árum. „Einnig höfum við oft átt stórar stundir í
flutningi á tónlist án undirleiks eins og til dæmis messu
Franks Martin eða köflum úr Vesper eftir Rachmaninoff“,
segir Hörður.
Mótettukórinn hefur átt trausta bakhjarla um árin. „Það
er gríðarlega mikilvægt og einkennandi fyrir starf þessa
kórs að hafa tengslin við Hallgrímskirkju. Við störfum við
mest áberandi kirkju landsins og njótum þar mikilla for-
réttinda sem gerir þennan kór sérstakan og verður það
seint fullþakkað,“ segir Hörður.
Það sem er næst á döfinni eru árlegir jólatónleikar Mót-
ettukórsins í Hallgrímskirkju og verða þeir 2. desember
næstkomandi klukkan fimm. „Tónleikarnir eru í röð tón-
leika sem við flytjum fyrir aðalstyrktaraðila okkar SPRON
og þar erum við að flytja aðventu- og jólatónlist með sér-
stakri áherslu á franska jólatónlist. Auk þess syngjum við
lög tengd Betlehem og Betlehemsstjörnunni,“ útskýrir
Hörður. Með kórnum syngur Gissur Páll Gissurarson tenór
og strengjasveit með Guðnýju Guðmundsdóttur konsert-
meistara leikur undir ásamt Birni Steinari Sólbergssyni
orgelleikara. hrefna@frettabladid.is
HÖRÐUR ÁSKELSSON: FAGNAR 25 ÁRA AFMÆLI MÓTETTUKÓRSINS
Margt sem stendur upp úr
MÓTETTUKÓRINN
Hörður hefur verið við stjórn kórsins frá upp-
hafi og er hann honum mjög kær enda hefur
hann fylgt honum lengi.
FRÉTTABLAÐIÐ/VALLI
Ástkær faðir okkar, tengdafaðir og afi,
Sigurður Kr. Árnason
skipstjóri,
lést að heimili sínu á Hrafnistu í Hafnarfirði,
sunnudaginn 18. nóvember sl. Útförin auglýst síðar.
Friðrik Sigurðsson Margrét Hlíf Eydal
Steinar Sigurðsson Helga Sigurjónsdóttir
Árni Þór Sigurðsson Sigurbjörg Þorsteinsdóttir
Þórhallur Sigurðsson Ene Cordt Andersen
Sigurður Páll Sigurðsson
barnabörn.
Ástkær eiginmaður minn, faðir, tengda-
faðir og afi,
Gunnar Páll Ívarsson,
Norðurfelli 7,
sem lést laugardaginn 10. nóvember, verður jarð-
sunginn frá Fella- og Hólakirkju miðvikudaginn
21. nóvember kl. 13.00.
Jónína Ragnarsdóttir
Andrea Margrét Gunnarsdóttir
Katrín Sylvía Gunnarsdóttir Gunnþór Jónsson
Gunnar Páll Torfason
Heimir Páll Ragnarsson
Innilegar þakkir til allra sem auðsýndu
okkur samúð og hlýhug við andlát og útför
föður míns, tengdaföður okkar, afa, og
langafa,
Ólafs J. Einarssonar,
áður Hofslundi 19, Garðabæ.
Sjöfn Ólafsdóttir Eyjólfur Sigurðsson
Inga Jóna Andrésdóttir
barnabörn og barnabarnabörn.
Næsta miðvikudag verður
haldinn forvarna dagur í
öllum grunnskólum lands-
ins. Í níundu bekkjum
grunnskólanna verður dag-
skrá helguð baráttunni gegn
fíkniefnum og er áhersla
lögð á uppbyggilegar for-
varnir og þátttöku ung-
mennanna sjálfra.
Forvarnadagurinn var
haldinn í fyrsta sinn í fyrra
undir kjörorðinu „Taktu
þátt! Hvert ár skiptir máli!“
og var það að frumkvæði
forseta Íslands, herra Ólafs
Ragnars Grímssonar. Aðrir
bakhjarlar eru Íþrótta- og
Ólympíusamband Íslands,
Ungmennafélag Íslands,
Bandalag íslenskra skáta,
Samband íslenskra sveitar-
félaga, Reykjavíkurborg og
lyfjafyrirtækið Actavis sem
er aðalstuðningsaðili verk-
efnisins.
Uppbyggilegar
forvarnir
FORVARNADAGURINN KYNNTUR Í HAGASKÓLA Dagur B. Eggertsson
borgarstjóri, Brynhildur Magnúsdóttir nemi og Róbert Wessman hlýða
á orð forseta Íslands. FRÉTTABLAÐIÐ/ANTON