Fréttablaðið - 20.11.2007, Blaðsíða 40

32 20. nóvember 2007 ÞRIÐJUDAGUR
sport@frettabladid.is
KÖRFUBOLTI Íslandsmeistarar KR
verða í eldlínunni í kvöld þegar
þeir taka á móti tyrkneska liðinu
Banvit BC í 32-liða úrslitum Euro-
Cup. Þetta er fyrri leikur liðanna
en síðari leikurinn fer fram ytra
eftir viku.
Benedikt Guðmundsson, þjálf-
ari KR, segist lítið vita um tyrk-
neska liðið enda hafi hann ekki
fengið neinar spólur með leikjum
liðsins.
„Við vitum að þetta lið á nóg af
peningum og hefur innan sinna
raða gríðarlega sterka Kana sem
hafa NBA-reynslu. Þeir eru með
eina þrjá Kana á sínum snærum
en mega aðeins nota tvo í Evrópu-
keppninni.
Ég veit ekki hvaða Kanar spila
gegn okkur ennþá,“ sagði Bene-
dikt við Fréttablaðið í gær en tyrk-
neskur körfubolti er að hans sögn
gríðarsterkur og stærstu liðin þar
í landi hafa verið að gera flotta
hluti í Evrópukeppnum síðustu ár.
„Þó svo að við vitum að þetta sé
hörkulið berum við ekki virðingu
fyrir einum né neinum. Við
mætum til leiks með það að mark-
miði að vinna leikinn. Við ætlum
okkur áfram í þessari keppni og ef
það á takast er alveg ljóst að við
verðum að fara með forskot til
Tyrklands,“ sagði Benedikt.
KR-ingar fara utan á sunnudag
en síðari leikurinn fer fram í mik-
illi gryfju sem tyrkneska liðið
spilar í.
„Aðstæður þar verða klárlega
talsvert öðruvísi en þær sem við
eigum að venjast. Tyrkneskir
áhorfendur eru nú ekki beint
þekktir fyrir gestrisni né að hafa
sérstaklega lágt þannig að við
bíðum spenntir eftir því verkefni.
Fyrst af öllu er að klára fyrri leik-
inn og koma okkur í þá stöðu að
eiga möguleika í seinni leiknum,“
sagði Benedikt.
- hbg
Íslandsmeistarar KR taka á móti tyrkneska liðinu Banvit í klukkan 19.15 í kvöld:
Við berum enga virðingu fyrir tyrk-
neska liðinu og ætlum okkur sigur
BENEDIKT GUÐMUNDSSON Mætir óhræddur til leiks með strákana sína gegn tyrk-
neska liðinu Banvit BC. Hann sést hér segja Avi Fogel hvernig eigi að gera hlutina.
FRÉTTABLAÐIÐ/ANTON
Slæmt gengi Snæfells í Iceland Express-deild karla það sem af er
vetri hefur vakið mikla athygli. Liðið er í sjötta sæti deildarinnar eftir
átta leiki og hefur aðeins unnið þrjá leiki en tapað fimm. Nú síðast
tapaði liðið óvænt heima gegn Fjölni og það sem meira er náði
Snæfell ekki einu sinni að skora 60 stig í leiknum. Þjálfari liðsins,
Geof Kotila, er eðlilega áhyggjufullur yfir þessu dapra gengi.
„Tapið gegn Fjölni kom okkur sjálfum ekki síst á óvart og
það dylst engum að við erum í niðursveiflu þessa dagana,“
sagði Kotila en hann vildi meina að slæmt tap gegn Skalla-
grími síðasta föstudag hefði setið í mönnum en þar
missti Snæfell niður sextán stiga forystu. „Leikurinn sat
greinilega í mönnum enda hrikalega slæmt tap. Okkur
gengur þess utan illa að skora stig. Það hjálpar ekki
að Sigurður Þorvaldsson er búinn að vera veikur og var
ekki nema skugginn af sjálfum sér gegn Fjölni.“
Snæfelli var spáð öðru sæti deildarinnar fyrir tímabilið
en liðið er langt frá því að vera í sama klassa og bestu
liðin eins og staðan er í dag. Kotila er löngu hættur að
hugsa um toppbaráttuna enda þarf hann að hugsa um
erfiðari og alvarlegri mál miðað við stöðu liðsins.
„Ég tel að fyrst og fremst þurfi viðhorf manna að breytast. Á
meðan það gerist ekki verðum við í vandræðum. Það verður
ekki auðvelt að snúa þessu gengi við enda leggst gengið
eðlilega á sálina á mönnum. Nú snúast hlutirnir ekki um
toppbaráttuna hjá okkur heldur hreinlega að halda lífi,“ sagði
Kotila en lítil breidd hefur klárlega ekki hjálpað liðinu mikið.
Það eru því gleðitíðindi að Magni Hafsteinsson sé byrjaður að
spila aftur með liðinu en hann á eftir að komast í form enda
nýfarinn af stað aftur.
„Gengið er vissulega mikil vonbrigði en það sem veldur
mér mestum vonbrigðum er að leikmenn eru hreinlega
ekki að berjast nógu grimmilega. Það er ekki sami neisti og
baráttu andi hjá okkur nú og áður. Það vantaði alla grimmd
og baráttu í menn gegn Fjölni og við gerum ekki mikið
fyrr en við lögum þá hlið mála. Það er blessunarlega mikið
eftir af mótinu og ég hef enn fulla trú á að við getum unnið
okkur út úr vandamálunum og komið sterkir inn í seinni hluta
mótsins.“
GEOF KOTILA, ÞJÁLFARI SNÆFELLS: EKKI SÁTTUR VIÐ SPILAMENNSKU SINNA MANNA ÞAÐ SEM AF ER VETRI
Ekki sami neisti og baráttuandi og var áður
FÓTBOLTI Steve Bruce hefur verið
ráðinn knattspyrnustjóri hjá
Wigan. Hann kemur til liðsins frá
Birmingham þar sem hann hefur
verið við stjórnvölinn í sex ár.
Wigan greiðir Birmingham 3
milljónir punda í skaðabætur og
Bruce mun fá um 2 milljónir
punda í árslaun.
„Það er ekkert að borga 3
milljónir punda fyrir leikmann og
ég tel ódýrt að fá stjóra eins og
Bruce á þessu verði sem er í raun
hálfgert gjafverð,“ sagði Dave
Whelan, eigandi Wigan, en hann
er mikill aðdáandi Bruce.
Bruce tekur við starfinu af
Chris Hutchings sem var rekinn á
dögunum. Þetta er í annað sinn
sem hann starfar fyrir Wigan en
hann stýrði liðinu til skamms
tíma árið 2001. - hbg
Steve Bruce:
Frá Birming-
ham til Wigan
FÓTBOLTI Ísland leikur lokaleik
sinn í undankeppni EM á Parken
annað kvöld. Mótherjar Íslands
eru Danir. Bæði lið hafa í raun að
engu að keppa en vilja klárlega
enda riðlakeppnina á jákvæðum
nótum. Leikurinn er fyrsti leikur
liðsins undir stjórn Ólafs Jóhannes-
sonar en hann hefur haft hópinn í
höndunum síðan á laugardag. Liðið
hefur æft nokkuð stíft og kláraði
sína fimmtu æfingu í gærkvöldi.
Lokaæfing liðsins fer síðan fram á
Parken í kvöld.
„Ég hef verið að skoða mann-
skapinn og við höfum verið að fara
vel yfir varnarleikinn og hvernig
við ætlum að setja leikinn upp. Ég
hef ákveðið að Hermann verði
fyrir liði og við munum spila 4-5-1
leikaðferðina er við verjumst en
4-3-3 er við sækjum,“ sagði Ólafur
við Fréttablaðið í gærkvöldi.
„Aðaláherslan er að loka vörn-
inni og við verðum að hafa ein-
hverjar leiðir í að sækja. Æfingar
hafa gengið vel og það eru allir
heilir, sem er mjög gott,“ sagði
Ólafur en hann kann vel við sig í
landsliðsþjálfarahlutverkinu.
„Þetta er svolítið öðruvísi en að
vera með félagslið og mjög gaman.
Það er góður andi í hópnum finnst
mér og þjálfarateymið er mjög
sátt við allt saman og bjartsýnt.
Ég hafði engar fyrir fram gefnar
hugmyndir um hvernig þetta starf
væri en var staðráðinn í að hafa
léttleika yfir þessu og leggja
áherslu á að menn hefðu gaman af
því sem þeir væru að gera.“
Ólafur er að starfa í fyrsta skipti
með Pétri Péturssyni aðstoðar-
landsliðsþjálfara en þeir þekktust
sama sem ekki neitt áður en Ólafur
ákvað að leita til Péturs. Hann
segir samstarfið ganga vel.
„Samstarfið gengur frábærlega
og við erum ekki farnir að slást
enn sem komið er. Skárra væri
það nú miðað við að samstarfið
var að hefjast.
Pétur er frábær og skemmti-
legur drengur og við erum ekkert
langt frá hvor öðrum í fótbolta-
hugmyndum. Við finnum lausnir á
því í sameiningu sem við erum að
gera,“ sagði Ólafur en annað nýtt
andlit í þjálfarahópnum er Bjarni
Sigurðsson landsliðsmarkvörður.
Ólafur segist langt kominn með að
velja liðið.
„Ég er kominn með beinagrind
að liðinu og kannski aðeins meira
en það. Liðið verður samt ekki
gefið upp alveg strax en ég geri
það væntanlega á liðsfundi á
morgun [í dag],“ sagði Ólafur
Jóhannesson landsliðsþjálfari.
henry@frettabladid.is
Hermann fyrirliði í stað Eiðs Smára
Ólafur Jóhannesson, landsliðsþjálfari í knattspyrnu, hefur ákveðið að Hermann Hreiðarsson muni bera
fyrirliðabandið í fjarveru Eiðs Smára Guðjohnsen í landsleiknum gegn Dönum á morgun. Landsliðið mun
spila leikaðferðina 4-5-1. Allir leikmenn eru heilir og tilbúnir í átökin á Parken.
GOTT SAMSTARF Ólafur Jóhannesson landsliðsþjálfari segir að samstarf sitt við Pétur
Pétursson gangi vel og þeir séu ekki enn farnir að slást.
FRÉTTABLAÐIÐ/ANTON
> Bjarki dregur orð sín til baka
Bjarki Sigurðsson, þjálfari Aftureldingar, vandaði þeim
Helga Hallssyni og Sigurjóni Þórðarsyni dómurum ekki
kveðjurnar í viðtali við Fréttablaðið eftir leik HK og Aftur-
eldingar á dögunum. Bjarki sér eftir því sem hann lét þar
falla og hefur því sent frá sér svohljóðandi yfirlýsingu:
„Vegna ummæla minna í Fréttablaðinu um
daginn vegna leiks HK og UMFA en þar
set ég út á dómara leiksins þá Helga og
Sigurjón, og tala þar um að lið mitt UMFA
hafi verið tveimur leikmönnum færri nær
allan leikinn. Þessi ummæli mín eiga
engan rétt á sér og eru sögð í hita leiks-
ins, vil ég því biðja þá félaga velvirðingar
á mínum orðum og dreg þau hér með til
baka,“ segir Bjarki í yfirlýsingunni.
A
u
g
lý
si
n
g
a
sí
m
i
– Mest lesið