Fréttablaðið - 20.11.2007, Blaðsíða 12

20. nóvember 2007 ÞRIÐJUDAGUR
DÓMSMÁL Héraðsdómur Reykja-
víkur sýknaði í liðinni viku þrítug-
an karlmann af ákæru um rán og
líkamsárás.
Ákæra mannsins var í nokkr-
um liðum. Manninum var gefið
að sök að hafa gengið í skrokk á
karlmanni í Sandgerði í febrúar
með þeim afleiðingum að fórnar-
lambið viðbeinsbrotnaði. Maður-
inn neyddi þá sama mann, með
hótunum um frekari líkamsmeið-
ingar, til að taka út fé í tveimur
sparisjóðum og afhenda sér að
morgni sama dags.
Þá var maðurinn ákærður fyrir
annað rán, en honum var gefið að
sök að hafa neytt annan mann,
með ofbeldi og hótunum um
ofbeldi, til að millifæra rúmar
þrjú hundruð þúsund krónur af
bankareikningi sínum yfir á
bankareikning ákærða.
Maðurinn var sýknaður af
líkamsárásinni á þeim grundvelli
að læknisvottorð hefði ekki borið
með sér að fórnarlambið hefði
verið viðbeinsbrotið þegar það
kom á slysadeild.
Ekki þótti sannað að maðurinn
hefði beitt mennina tvo ofbeldi
sem hann átti að hafa neytt til að
láta sig fá peninga, þar sem engin
vitni reyndust að þeim atburðum.
Þá kemur fram í sýknudóminum
að lögregluskýrsla sem tekin var
af hinum ákærða hafi ekki þótt
tæk fyrir dómi, þar sem láðst
hafi að hafa vott viðstaddan við
yfirheyrslu, eins og lög gera ráð
fyrir.
Ákærði ritaði undir umrædda
lögregluskýrslu, en kvaðst fyrir
dómi ekki hafa vitað um innihald
hennar þar sem hann hafi verið
undir áhrifum fíkniefna og sé þar
að auki lesblindur.
Sakakostnaður af málinu,
rúmar þrjú hundruð þúsund
krónur, féllu á ríkissjóð.
- æþe
Meintur handrukkari sýknaður af ráni og líkamsárás í Héraðsdómi Reykjavíkur:
Lögregla klúðraði skýrslutöku
SJÁVARÚTVEGUR Ekki náðist sátt um stjórn veiða á
úthafskarfa við Reykjaneshrygg á ársfundi Norð-
austur-Atlantshafs fiskveiðinefndarinnar (NEAFC)
sem lauk í Lundúnum í gær. Strandríkin samþykktu
samkomulag um stjórn á kolmunnaveiðum og
veiðum á úthafskarfa í síldarsmugunni. Samþykkt
var tillaga um makrílveiðar sem Íslendingar mót-
mæltu.
Þrátt fyrir að samkomulag hafi ekki náðst um
veiðar á úthafskarfa við Reykjaneshrygg nú var
samþykkt að halda sérstakan fund í janúar 2008 þar
sem heildaraflamark yrði ákveðið og skiptingu þess
á milli allra aðildaríkja NEAFC. Úthafskarfaveiðar í
síldarsmugunni svokallaðri voru takmarkaðar við
14.500 tonn, enda stendur stofninn illa að mati
Alþjóða hafrannsóknaráðsins (ICES).
Samkomulag um stjórn veiða á kolmunna náðist
með samþykkt allra ríkjanna og ákveðið að veidd
verði 1.266 tonn árið 2008, þar af er hlutur Íslands
203 þúsund tonn.
Heildaraflamark úr norsk-íslenska síldarstofnin-
um verður rúmlega 1,5 milljónir tonna, og fá Íslend-
ingar rúm 220 þúsund tonn af því. Þá var samþykkt
tillaga um stjórn makrílveiða sem Ísland mótmælti
á þeim forsendum að ekki væri tekið tillit til stöðu
Íslands sem strandríkis. - shá
Veiðar Íslendinga úr deilistofnum á Norður-Atlantshafi allt að 500 þúsund tonn:
Ekki sátt um úthafskarfaveiðar
Á TROLLI Ekki hefur enn náðst sátt um veiðar á úthafskarfa
við Reykjaneshrygg. Fundi í janúar er ætlað að skera úr um
heildaraflamark og skiptingu í veiðunum.
Allt í drasli
mælir með
- hrein fagmennska!
Fita og önnur óhreinindi hverfa
skotvirkar á erfiða bletti eins og fitu, blek, vaxliti,
varalit, vín, matarleifar og fleira. Efninu er úðað
beint úr brúsanum á blettinn og síðan þurrkað.
Þarf ekki að skola. Skilur ekki eftir leifar.
Burt með uppsafnaðan kísil
Frábært til að fjarlægja erfiða bletti, uppsöfnuð
óhreinindi, fitu, gúmmíför, kísil og sápuskánir.
Notist á postulín, keramik, ryðfrítt stál o.fl.
Auðvelt að skola og skilur ekki eftir himnu.
Burt með blettina!
Náðu burt blettum og öðrum óhreinindum úr
sófum og teppum með Contempo teppa- og
blettahreinsi.
Helluborðið eins og nýtt
Helluborðið verður eins og nýtt með Sterling
keramikhelluhreinsi.
Skítur á veggjum ekki vandamál
Hvimleið fingraför og skítur á veggjum eru ekki
lengur vandamál með SD-20 hreinsiefninu.