Fréttablaðið - 11.12.2007, Blaðsíða 47

ÞRIÐJUDAGUR 11. desember 2007 39
Thom Yorke, söngvari Radiohead,
hafnaði því að spila með Sir Paul
McCartney í lagi
hans Mr. Bellamy
vegna þess að
hann er ekki nógu
góður píanóleikari.
„Mér fannst
lagið mjög
gott en í
píanóleikn-
um þurftu
hendurnar
að gera hvor
sinn hlutinn. Ég
get það ekki og sagðist bara geta
glamrað á píanóið,“ sagði Yorke.
Lagið er að finna á nýjustu plötu
McCartney, Memory Almost Full.
Spjallþáttastjórnandinn Oprah
Winfrey hefur í fyrsta sinn stigið
fram til stuðnings Barack Obama
sem næsti forseti Bandaríkjanna.
„Þetta er mjög
persónulegt.
Ég er stödd
hérna vegna
álits míns á
Barack Obama
og vegna þess
hversu mikið
hann getur gert
fyrir Banda ríkin.
Í fyrsta sinn í
lífinu verð ég
að standa upp
og tala um manninn sem ég held
að búi yfir nýrri sýn á Bandaríkin,“
sagði Oprah í ræðu sinni í Iowa.
Leikarinn Brad Pitt vill að lög verði
sett á sem verndi börn frægs fólks
gegn paparazzi-ljósmyndurum. Pitt
á fjögur börn með Angelinu Jolie
og óttast að ágangur ljósmyndara
hafi slæm áhrif á þau.
„Mér finnst að það
ættu að vera lög
gegn því að menn
geti kallað nöfn barn-
anna minna og
ýtt myndavélum
framan í þau.
Börnin mín
halda að í hvert
skipti sem þau
fari út úr húsi
taki á móti
þeim her ljósmyndara. Þannig sjá
þau heiminn og ég óttast áhrifin
sem það muni hafa á þau,“ sagði
Pitt.
Leikarinn Daniel Craig er byrjaður
að undirbúa sig fyrir næstu James
Bond-mynd. „Ég er byrjaður að fá
sigg á hendurnar. Það er hluti af
þessu ferli,“ sagði Craig. „Það er
vissulega þrýstingur til
staðar. Þótt ég
myndi aðeins leika í
tveimur Bond-mynd-
um væri gaman að
geta horft til
baka og sagt
að önnur
þeirra hefði
að minnsta
kosti verið
góð.“
Nýjasta
mynd Craig,
The Golden Compass, er nýkomin
í bíó. Þar leikur hann á móti Nicole
Kidman.
FRÉTTIR AF FÓLKI
Tónlistarkonan Lay Low ætlar að
ánafna ágóða sínum af sölu væntan-
legrar plötu með tónlistinni úr leik-
ritinu Ökutímum til Aflsins á Akur-
eyri, samtaka gegn heimilis- og
kynferðisofbeldi.
Leikfélag Akureyrar, sem sýnir
Ökutíma, ánafnar einnig ágóða af
síðustu sýningu ársins til sömu
samtaka. Í tilefni sextán daga átaks
Sameinuðu þjóðanna gegn kyn-
bundnu ofbeldi hafa Leikfélag
Akureyrar og Jafnréttisstofa tekið
höndum saman um að vekja athygli
á þeirri tegund kynbundins ofbeldis
sem er hvað erfiðust viðureignar
og mest dulin í samfélagi okkar:
misnotkun á börnum. Leikritið Öku-
tímar lýsir einmitt ævi konu sem
varð fyrir misnotkun á unga aldri.
Á plötunni, sem kemur út 21. jan-
úar, syngur Lay Low fimm frum-
samin lög ásamt átta lögum úr
smiðju Dolly Parton. Ökutímar var
frumsýnt 2. nóvember og hefur
verið uppselt á allar sýningar til
þessa. Sýningar eru fyrirhugaðar
út febrúar á næsta ári.
Ágóðinn til Aflsins
ÖKUTÍMAR Lay Low gefur ágóða sinn af
sölu væntanlegrar plötu með tónlistinni
úr Ökutímum.
Myndasöguhöfundarnir Ingólfur
Örn Björgvinsson og Embla Ýr
Bárudóttir hafa gefið út myndasög-
una Hetjan sem fjallar um Gunnar
á Hlíðarenda. Hetjan er fjórða
bókin sem Gunnar og Embla gefa
út sem er byggð á Brennu-Njáls-
sögu og er hún um það bil tvöfalt
lengri en þær síðustu. Kom sú
fyrsta út árið 2003 og eru þetta allt
saman sjálfstæðar sögur.
„Þessar bækur hafa fengið ótrú-
lega góðar viðtökur. Það kom okkur
svolítið á óvart því við héldum að
myndasögur gengju ekki í Íslend-
inga en svo virðist vera,“ segir
Ingólfur Örn, sem er búsettur í
Barcelona þar sem hann starfar
sjálfstætt. „Þetta er okkar endur-
sögn á sögu Gunnars í þessu formi
og það er gaman að takast á við það.
Við hengjum heldur ekki allt of
mikið við frumtextann.“
Ingólfur segir að bækurnar séu
teiknaðar í evrópskum myndasögu-
stíl sem sé afar aðgengilegur og
eigi að falla í kramið hjá breiðum
aldurshópi.
Þau Embla Ýr eru þegar byrjuð á
fimmtu bókinni í seríunni, sem
verður að öllum líkindum sú síð-
asta. Fjallar hún um Hallgerði lang-
brók og ævintýri hennar. - fb
Hetjan Gunnar í myndasögu
INGÓLFUR ÖRN BJÖRGVINSSON
Myndasaga Ingólfs og Emblu, Hetjan,
sem fjallar um Gunnar á Hlíðarenda, er
komin í búðir.
GUNNAR Á HLÍÐARENDA Myndasagan
Hetjan fjallar um Gunnar á Hlíðarenda.