Fréttablaðið - 14.12.2007, Qupperneq 6

6 14. desember 2007 FÖSTUDAGUR
Óska eftir að kaupa
enskt lingapon námskeið
óska eftir að kaupa enskt lingpon námskeiða sem
samanstendur af einni bók innbundini sem kilju.
Kassettur eða geisladiska og neðanmáls við enska
textan er íslenska þýðing.
Upplýsingar í síma 865 7013
Björgvin Ómar Ólafsson
Opið til 22:00
fram að jólum
©
In
te
r I
KE
A
Sy
ste
m
s B
.V
. 2
00
7
ISIG gjafapappír 3x0,7 m
ýmsir litir 6 rúllur í pk.
495,-
DÓMSMÁL Ungur piltur hefur verið dæmdur í sex mán-
aða skilorðsbundið fangelsi fyrir að hafa haft
samræði við stúlku sem þá var 13 ára. Jafnframt var
hann dæmdur fyrir að hafa haft samræði við aðra
stúlku og þá notfært sér að hún gat ekki spornað við
verknaðinum vegna ölvunar.
Í fyrrgreinda tilvikinu sem átti sér stað í febrúar
2006 viðurkenndi pilturinn, sem þá var 15 ára, að hafa
í tvígang haft samræði við stúlkuna. Hann kvaðst í
fyrstu hafa vitað um aldur hennar en breytti síðan
framburði sínum á þá lund að hann hefði ekki vitað
hversu gömul hún var.
Í dómsniðurstöðu segir að bróðir piltsins hafi verið
í sama bekk í sama skóla og stúlkan. Sjálfur hafi
pilturinn verið í 9. bekk, einum bekk ofar. Hann hafi
því vitað hve gömul stúlkan var.
Í síðara tilvikinu, sem gerðist síðar á sama ári,
neitaði pilturinn sök. Hann hafði, ásamt öðrum pilti,
ekið stúlku úr partíi í Breiðholtið. Stúlkan var mjög
ölvuð. Pilturinn gekkst við að hafa kysst hana og
þuklað en lengra hefði hann ekki gengið. Þegar honum
voru sýndar niðurstöður DNA-rannsóknar sem sýndi
annað, neitaði hann að tjá sig.
Honum var gert að greiða stúlkunni hálfa milljón í
skaðabætur en hinni 13 ára 100 þúsund, auk ríflega
einnar milljónar í sakarkostnað. - jss
Ungur piltur dæmdur í sex mánaða fangelsi og til greiðslu skaðabóta:
Hafði samræði við þrettán ára
DÓMSMÁL Hæstiréttur hefur
staðfest 18 mánaða fangelsisdóm
Héraðsdóms Norðurlands eystra
yfir karlmanni fyrir kynferðis-
brot gegn tíu ára dóttur besta
vinar mannsins.
Faðir stúlkunnar leigði hjá
manninum, og fékk stúlkuna
reglulega til sín. Hinn dæmdi
viðurkenndi að hafa brotið gegn
stúlkunni í tvígang. Stúlkan
fullyrti að brotin hefðu verið
fleiri.
Í dóminum segir að verknaður-
inn hafi haft alvarlegar afleiðing-
ar fyrir stúlkuna. Maðurinn var
dæmdur til að greiða henni eina
milljón króna í miskabætur. - bj
Braut gegn dóttur besta vinar:
Átján mánaða
fangelsisdómur
FASTEIGNIR Bjarni Harðarson, þing-
maður Framsóknarflokksins, og
Kjartan Þór Eiríksson, fram-
kvæmdastjóri Þróunarfélags
Keflavíkurflugvallar, eru á önd-
verðum meiði um hvort eðlilegt
hafi verið að heimila veðsetningu í
eignum þegar Háskólavellir
keyptu 96 byggingar á starfssvæði
Þróunarfélagsins. Heildarvirði
samningsins er um fjórtán millj-
arðar króna. „Það virðist vera
samið með mjög óvanalegum hætti
um það að aðili sem aðeins er búinn
að borga örfá prósent í eign fái
hana til fullrar ráðstöfunar til veð-
setningar. Það er algjört fádæmi,
ef ekki einsdæmi, í fasteignavið-
skiptum óskyldra aðila. Svona er
þetta í undirrituðu kauptilboði,“
sagði Bjarni Harðarson.
Kjartan Þór Eiríksson, fram-
kvæmdastjóri Þróunarfélagsins,
er ósammála Bjarna og segir hann
misskilja samninginn í öllum
grundvallaratriðum. „Ef menn eru
að gagnrýna veðsetninguna þá
skilja menn ekki eðlileg fasteigna-
viðskipti. Við gefum út veðleyfi en
kauptilboðið sem slíkt er ekki opið
veðleyfi á eignirnar sem málið
snýst um. Greiðslunum er dreift
yfir ákveðið tímabil og kaupand-
inn fær veðheimild á eignir í takt
við greiðslurnar. Þetta eru eðlileg
fasteignaviðskipti.“
Að félaginu Háskólavöllum
standa fasteignafélagið Klasi hf.,
Glitnir, Fasteignafélagið Þrek ehf.,
Fjárfestingafélagið Teigur ehf. og
Sparisjóðurinn í Keflavík. - mh
Enn er deilt um hvernig staðið var að sölu eigna á varnarliðssvæðinu:
Veðsetning eigna gagnrýnd
HÉRAÐSDÓMUR REYKJA-
NESS Það var Héraðs-
dómur Reykjaness sem
kvað upp dóminn.
ALÞINGI Þingmenn Vinstri grænna
sökuðu þingmenn annarra flokka
um að hlusta ekki á málamiðlunar-
tillögur sínar í umræðu um frum-
varp Sturlu Böðvarssonar, forseta
þingsins, um þingsköp á Alþingi í
gær.
Þessi síðasti þingfundur ársins
stóð fram á nótt og var ekki lokið
þegar Fréttablaðið fór í prentun.
Fjöldi mála var enn á dagskrá.
Umdeildasta atriði frumvarpsins
er styttri ræðutími þingmanna.
Verði frumvarpið samþykkt mega
þingmenn ekki lengur tala án tíma-
markana í 2. og 3. umræðu. Mark-
miðið er meðal annars að fækka
kvöld- og næturfundum.
Ögmundur Jónasson, þingflokks-
formaður Vinstri grænna, deildi
harðlega á framsóknarmenn og
frjálslynda, félaga sína í stjórnar-
andstöðu, fyrir að hlusta ekki á
málamiðlanir vinstri grænna. „Er
ég ekki frá því að þingflokksfor-
menn Framsóknarflokks og Frjáls-
lynda flokksins hafi gengið harðast
fram í óbilgirni sinni,“ sagði
Ögmundur.
„Það er alveg ljóst að VG hafa
aldrei ætlað að vera með í þessu
máli,“ sagði Siv Friðleifsdóttir,
þingflokksformaður Framsóknar-
flokks. „Það hafa mörg tækifæri
gefist til að semja um þetta mál.
Allir flokkar hafa tekið þátt í mála-
miðlunum í þessu máli, nema
Vinstri grænir.“ Meðan á ræðu
Sivjar stóð ávítti forseti Ögmund
vegna framíkalla.
Sigurður Kári Kristjánsson, þing-
maður Sjálfstæðisflokks, sagði að
meirihluti allsherjarnefndar hefði
lagt sig fram við að koma til móts
við sjónarmið Vinstri grænna, en
engu að síður stæðu 54 þingmenn
bak við frumvarpið og styddu það.
„Ég fullyrði að við hefðum getað
náð samkomulagi ef menn hefðu
gefið sér tíma til þess,“ sagði Atli
Gíslason, þingmaður Vinstri
grænna. „Hvað lá svona mikið á?“
Í frumvarpinu er einnig tillaga
um að formenn stjórnarandstöðu-
flokka fái aðstoðarmenn og einnig
þingmenn landsbyggðarkjördæma.
Starfsár þingsins verður lengt, en
þingdögum þó ekki fjölgað. Verða
þeir áfram 100 talsins.
steindor@frettabladid.is
Ræddu ræðutímann
fram yfir miðnætti
Þingmenn Vinstri grænna voru einir í andstöðu sinni gegn frumvarpi um
styttri ræðutíma á lokadegi Alþingis fyrir jólafrí. Þeir segja ekki hlustað á til-
lögur sínar. Umræður stóðu fram eftir kvöldi og var fjöldi mála enn á dagskrá.
KJARTAN
ÞÓR EIRÍKSSON
BJARNI
HARÐARSON
Telur þú rétt að takmarka
þyngd lyftingalóða í líkams-
ræktarsölum fangelsa?
Já 60,9%
Nei 39,1%
SPURNING DAGSINS Í DAG:
Þykir þér landamæraeftirlit
bandarískra stjórnvalda vera of
strangt?
Segðu þína skoðun á visir.is
FORYSTUMENN VINSTRI GRÆNNA Ögmundur Jónasson þingflokksformaður deildi harðlega á félaga sína í stjórnarandstöðunni
fyrir að hlusta ekki á málamiðlanir Vinstri grænna. FRÉTTABLAÐIÐ/VILHELM
KJÖRKASSINN