Fréttablaðið - 22.12.2007, Síða 50

[ ]
Ekki eru allir svo lánsamir að
geta haldið jólahátíðina upp
á eigin spýtur og þá er gott að
eiga einhvers staðar höfði sínu
að halla. Samhjálp er til staðar
fyrir þá sem minna mega sín.
Markmið Samhjálpar er að veita
bjargir til þeirra einstaklinga sem
hafa farið halloka í lífinu vegna
sjúkdóma, fátæktar eða annarra
samfélagslegra vandamála. Sam-
hjálp stendur fyrir öflugri félags-
starfsemi og yfir jólahátíðina er
ýmislegt í boði.
„Á aðfangadagskvöld fara
margir af skjólstæðingum okkar í
kvöldverð klukkan sex hjá Hjálp-
ræðishernum. Í Hlaðgerðarkoti
eru þrjátíu vistmenn í meðferð
um jólin. Þar er hátíðarmatur á
aðfangadagskvöld og jólahald með
hefðbundnu sniði. Síðan er kaffi-
stofan okkar opin alla daga og þar
er boðið upp á mat klukkan tólf í
hádeginu á aðfangadag,“ segir
Þórir Haraldsson, dagskrárstjóri
stoðbýla Samhjálpar. „Þar er boðið
upp á hangikjöt með tilheyrandi.
Á annan í jólum er matur klukkan
þrjú sem og á gamlársdag og á
nýársdag er matur klukkan tólf.“ Í
gistiskýlunum er boðið upp á
morgunmat og kvöldhressingu ef
fólk vill. „Þá er gjarnan vísað á
kaffistofuna og í matinn hjá Hjálp-
ræðishernum. Síðan eru það heim-
ilin okkar á Miklubraut 18 og 20 en
þar gengur lífið sinn vanagang og
þar er að sjálfsögðu matur á
aðfangadagskvöld,“ útskýrir
Þórir.
Kaffistofan er opin alla daga árs-
ins og þangað getur fólk alltaf
leitað. Hún er mikilvægur hlekkur í
þeirri þjónustu sem Samhjálp veitir.
„Kaffistofan er mikið nýtt en nú
höfum við í tvö ár verið að leita að
húsnæði fyrir hana en það hefur
gengið frekar erfiðlega þar sem sá
hópur sem sækir kaffistofuna er oft
ekki velkominn hvar sem er. Kaffi-
stofan var á hrakhólum á tímabili
og var um sinn í Fíladelfíu-kirkj-
unni. Reykjavíkurborg er hins
vegar að hjálpa okkur og nú fyrir
viku síðan opnuðum við nýja kaffi-
stofu,“ segir Þórir vongóður um
framtíð kaffistofunnar. Nýja kaffi-
stofan er í Borgartúni 1 og gengið
er inn frá Sætúni. „Þetta er talsvert
stærra og bjartara og miklu betra
húsnæði. Við höfum þennan stað í
þrjú ár en þá stendur reyndar í
skipulaginu að rífa eigi húsnæðið.
Svo krossar maður bara fingur og
vonast til að við fáum að vera þarna
lengur,“ segir Þórir kíminn og lætur
hverjum degi nægja sína þjáningu.
Hátíðarsamkoma verður í félags-
heimili Samhjálpar á aðfangadag
klukkan fjögur. „Svo má ekki
gleyma félagsskap kvenna í Sam-
hjálp sem heitir Dorkas en þær
útbúa jólapakka og senda til dæmis
í öll fangelsi á landinu og víðar til
þeirra sem eru einir,“ segir Þórir.
Ef fólk hefur áhuga á að styrkja
Samhjálp á einn eða annan hátt má
hafa samband við Þóri eða Vilhjálm
í síma 561 1000.
hrefna@frettabladid.is
Jólahátíð Samhjálpar
Þórir er afar þakklátur öllum þeim sem hafa lagt hönd á plóginn í félagsstarfi Sam-
hjálpar og nefnir Reykavíkurborg sérstaklega. FRÉTTABLAÐIÐ/ANTON
Að veita
hjálparhönd
EKKI HAFA ALLIR EFNI Á AÐ HALDA
HÁTÍÐLEG JÓL.
Á hverju ári hafa sjálfboðaliðar
Rauða krossins aðstoðað Hjálpar-
stofnun kirkjunnar við matarút-
hlutun rétt fyrir jólin. Ætíð er þörf
á góðum sjálfboðaliðum í þetta
mikilvæga og gefandi starf. Ef þú
átt tvo tíma eða meira aflögu rétt
fyrir jólin geturðu hringt í síma
545 0400 eða sent póst á reykja-
vik@redcross.is og boðið fram að-
stoð þína. Þetta er kjörin leið til að
veita góðu málefni lið. - hs
Jesú, þú ert vort
jólaljós
SB 1945 V. BRIEM.
Jesú, þú ert vort jólaljós
um jólin ljómar
þín stjarna.
Þér englarnir
kveða himneskt hrós
það hljómar og raust
Guðs barna.
Skammdegismyrkrið
skyggir svart,
ei skugga sjáum þó
tóma.
Þú ljósið af hæðum
blítt og bjart
þú ber oss svo fagran
ljóma.
Meðlæti er ekki síður mikilvægur hluti af jólamáltíðinni en aðalrétturinn.
Margir eru mjög hefðbundnir í vali sínu á meðlæti og þykja grænu Ora-
baunirnar til dæmis ómissandi með hangikjötinu.
Skart smíðað af
Hansínu og
Jens Guðjónssyni
Gullsmiðja Hansínu Jens
Laugavegi 42 • Sími 551 8448