Fréttablaðið - 03.01.2008, Blaðsíða 12

fréttir og fróðleikur
Vægast sagt slæmt ástand
Meira en 1000 ára gömul uppfinning
Stjórnmál í Pakistan hafa
verið í uppnámi síðan
Benazir Bhutto, leiðtogi
stærsta stjórnmálaflokks
landsins, var myrt fyrir
viku. Ákveðið hefur verið
að fresta um sex vikur þing-
kosningunum sem halda átti
8. janúar.
Stjórnvöld í Islamabad tilkynntu í
gær þá ákvörðun að vegna morðs-
ins á Bhutto og ólgunnar sem það
hefur skapað verði kjördagur hinn
18. febrúar í stað 8. janúar. Tals-
menn stjórnarandstöðunnar, þar á
meðal flokks Bhutto, fordæmdu
ákvörðunina en sögðust þó ekki
munu sniðganga kosningarnar.
Að sögn Nabeel Gabol, talsmanns
framkvæmdastjórnar Þjóðarflokks
Pakistans, flokks Bhutto, álítur
flokkurinn að ríkisstjórninni sé
ekki alvara með að ætla að halda
frjálsar og sanngjarnar kosningar.
Engu síður muni Þjóðarflokkurinn
taka þátt í þeim.
Hinn helzti stjórnarandstöðu-
flokkurinn, sem Nawaz Sharif,
fyrrverandi forsætisráðherra, fer
fyrir, tók líka af skarið með það í
gær að hann myndi heldur ekki
sniðganga kosningarnar þrátt fyrir
óánægju með frestunina. „Við
munum ekki eftirláta flokki
konungsins völlinn undir neinum
kringumstæðum,“ sagði Ahsan
Ikbal, talsmaður flokksins, og
vísaði með þessum orðum sínum til
stjórnarflokksins sem stendur að
baki Pervez Musharraf, forseta og
fyrrverandi yfirmanni hersins.
Talsmenn stjórnarandstöðunnar
sögðust telja að stjórnarflokkurinn
byndi vonir við að frestunin kæmi
sér til góða, þar sem búast mætti
við að svo skömmu eftir morðið á
Bhutto fengi flokkur hennar ófá
samúðaratkvæði. Stjórnarflokkur-
inn gæti jafnvel goldið afhroð.
Bhutto hafði opinberlega sakað
vissa aðila innan hans um að leggja
á ráðin um að myrða sig, en þeirri
aðdróttun vísa talsmenn flokksins
staðfastlega á bug.
Reiðin sem upp gaus meðal
stuðningsmanna Bhutto við morðið
á henni varð til þess að til heiftar-
legra götuóeirða kom víðs vegar
um landið. Þau stóðu yfir í þrjá
sólarhringa og kostuðu 58 manns
lífið. Eignatjón varð gríðarlegt.
Heimahérað Bhutto, Sindh, varð
sérstaklega illa úti. Tíu kosninga-
skrifstofur voru brenndar til
grunna.
Qazi Mohammed Farooq, for-
maður yfirkjörstjórnarinnar, sagði
óeirðirnar hafa gert það ómögulegt
að halda kosningarnar á tilsettum
Prófraun fyrir lýðræði í