Fréttablaðið - 03.01.2008, Blaðsíða 35

FIMMTUDAGUR 3. janúar 2008 27
SEND IÐ OKK UR LÍNU
Við hvetj um les end ur til að senda
okk ur línu og leggja orð í belg um
mál efni líð andi stund ar. Grein ar
og bréf skulu vera stutt og gagn-
orð. Ein göngu er tek ið á móti efni
sem sent er frá Skoð ana síð unni
á vis ir.is. Þar eru nán ari leið bein-
ing ar. Rit stjórn ákveð ur hvort efni
birt ist í Frétta blað inu eða Vísi eða
í báð um miðl un um að hluta eða
í heild. Áskil inn er rétt ur til leið rétt-
inga og til að stytta efni.
UMRÆÐAN
Virkjanamál
Nú er ég svo hissa á öllu sem hefur gengið á að mér finnst
þörf að leita svara hjá öðrum. Það
heyrist um misrétti og kúgun í
öðrum löndum og þá finnst fólki
gott að lifa í þeirri trú að svona
gerist ekki á Íslandi. Landsvirkjun
hefur hér farið um svæðið í kring-
um Þjórsá í all langan tíma og sagt
við fólk að hvað sem það segi og
vill þá muni Landsvirkjun fá sitt í
gegn ef ekki með góðu þá með illu.
Frá því í maí hefur Landsvirkjun
beitt því óspart við landeigendur
að hún eigi vatnsréttindin hvort
sem er, svo fólk hafi ekkert að
segja meir um málið.
Aðeins þeir sem eigi
vatnsréttindin geta eitt-
hvað mótmælt og í raun
ekki þeir heldur. Svo
hefur verið sagt við fólk
að ef það semur ekki
núna strax þá hljóti þeim
verra af seinna í samn-
ingum því að heimild til
eignarnáms liggi fyrir
þar sem bara örfáir vilja
ekki semja af fúsum
vilja. Svo sér fólk að
gríðarlegt jarðrask á sér
stað og þetta veldur undrun og ugg
þótt það eigi bara að heita rann-
sóknir. Auðvitað veldur þetta allt
ringulreið hjá fólki.
Ráðherrar, þingmenn og sveitar-
stjórnarmenn hafa varp-
að ábyrgð hver til ann-
ars. Skiljanlega því að
allt er þetta að verða
flókið mál. Nú hefur svo
margt komið í ljós sem
mælir gegn þessum
virkjunum og það er svo
mikil andstaða að eigin-
lega flestallir eru sam-
mála um að það ætti að
hætta við allt saman,
nema Landsvirkjun
sjálf. Hver er það nú
sem á að taka af skarið
og flauta þessu vitleysu af fyrir
fullt og allt, svo ekki verði meiri
skaði og kostnaður en orðinn er nú
þegar? Eitt er víst að það verður
aldrei sátt um þessar framkvæmdir
í landinu, það verður aldrei sátt
meðal íbúa á þessu svæði og ekki
heldur meðal landsmanna sem láta
sig náttúru varða en ekki bara
peninga.
Rétt er það að Landsvirkjun
hefur nú þegar lagt í mikinn kostn-
að við undirbúning þessara virkj-
ana. Sumir vilja meina að bara þess
vegna sé ekki hægt að hætta við.
En er það ekki svo að ef einhver
hugmynd reynist ekki farsæl þá
hættir maður við áður en kostnað-
ur verður ennþá meiri? Eru ekki
hagfræðilegar staðreyndir um það
að stundum er lagt upp með hug-
myndir og tilraunir en bara hluti af
þeim er framkvæmdur? Sumar
hugmyndir reynast réttar og aðrar
ekki. Ef Landsvirkjun heldur til
streitu sínum áformum þá verður
þetta stórt tap fyrir alla aðila;
Landsvirkjun tapar endanlega
almenningsáliti og áttar sig fyrr
eða seinna á staðreyndum sem
fróðir menn eru nú að benda á.
Náttúra Íslands fær sár sem aldrei
munu gróa og allir landsmenn tapa
sálarfrið yfir að hafa ekki geta
stoppað græðgi fyrir réttlæti.
Vonandi erum við nógu mörg
sem viljum standa vörð um Þjórsá.
Fórnum ekki meiru fyrir minna.
Ég spyr: Hver getur stoppað þessar
virkjanaframkvæmdir? Svo að það
verði friður um Þjórsá í sveitum
og borgum landsins.
Höfundur er bóndi og heilsunær-
ingarráðgjafi.
Hver getur stoppað þessar virkjanir?
ATIE BAKKER
UMRÆÐAN
Stjórnmál
Sunnudaginn 30. desember
mætti Kristinn
H. Gunnarsson í
sjónvarpsþáttinn
Silfur Egils.
Fyrstu orð
Egils Helgasonar
við Kristin voru:
„Frjálslyndi
flokkurinn virðist vera að breytast
með þér innanborðs, til að mynda
hefur hann snúið frá þessu útlend-
ingatali sínu og allt í einu ætlar
hann að fara að styðja kirkjuna.“
Kristinn H. Gunnarsson sá ekki
þörf á því að leiðrétta Egil í þessari
djörfu staðhæfingu enda virðist
sem Kristinn H. Gunnarsson reyni
sitt besta að draga úr þeim grund-
vallarbaráttumálum sem Frjáls-
lyndi flokkurinn boðaði í kosninga-
baráttunni.
Af mínum kynnum virðist Krist-
inn H. Gunnarsson ala á stefnu-
leysi, magnleysi og ósamheldni
innan flokksins. Kristinn virðist
halda að flokkurinn eigi að aðlag-
ast sér en hann ekki flokknum. Á
einhvern dæmalausan hátt fær
hann fólk upp á móti sér og sýnir
afar slakan vilja til samstarfs. Það
eru lítið annað en svik við kjósendur
Frjálslynda flokksins ef einstaka
þingmenn flokksins standa ekki
við gefin kosningaloforð og ætti
Kristinn H. Gunnarsson alvarlega
að íhuga framgöngu sína í garð
þeirra sem komu honum á þing,
þeirra sem kusu hann, þeirra sem
börðust með honum og þeirra sem
börðust fyrir hann.
Ég sem formaður Félags ungra
frjálslyndra krefst þess að Krist-
inn H. Gunnarsson standi við gefin
loforð og berjist fyrir því að flæði
innflytjenda til Íslands verði
takmarkað.
Höfundur situr í miðstjórn
Frjálslynda flokksins og er
formaður Félags ungra frjáls-
lyndra.
Kristinn H.
veldur von-
brigðum
Af mínum kynnum virðist
Kristinn H. Gunnarsson ala á
sér stefnuleysi, magnleysi og
ósamheldni innan flokksins.
VIÐAR
GUÐJOHNSEN