Fréttablaðið - 03.01.2008, Blaðsíða 51

HANDBOLTI Hægri hornamaðurinn
Mirza Dzomba mun ekki spila
með Króötum á EM þar sem hann
er meiddur á fæti. Þetta er
gríðarlegt áfall fyrir króatíska
liðið enda Dzomba einn besti
hornamaður heims og lykilmaður
hjá Króötum.
Þá er ekki enn ljóst hvort hinn
magnaði miðjumaður Króata,
Ivano Balic, geti leikið með en
hann er meiddur
og ekki byrjaður
að æfa með
liðinu.
Vinstri skyttan
Blazenko
Lackovic hefur
þess utan
verið mikið
meiddur í
vetur þannig
að
Króatar
mæta
nokkuð
væng-
brotnir til leiks.
- hbg
EM í Noregi:
Dzomba ekki
með Króötum
FÓTBOLTI Stuðningsmenn Man. Utd
drógu andann léttar í gær þegar í
ljós kom að meiðsli Argentínu-
mannsins Carlos Tevez voru ekki
eins alvarleg og í fyrstu var
óttast. Hann er mjög marinn á
ökklanum en ekki brotinn.
Tevez var borinn af velli í
síðari hálfleik gegn Birmingham
á nýársdag en Tevez hafði áður
skorað sigurmark leiksins.
Þó svo að Tevez sé ekki brotinn
eru taldar litlar líkur á því að
hann muni spila í bikarnum gegn
Aston Villa um næstu helgi.
- hbg
Manchester United:
Meiðsli Tevez
ekki alvarleg
CARLOS TEVEZ Er ekki brotinn.
NORDIIC PHOTOS/GETTY IMAGES
FÓTBOLTI Ottmar Hitzfeld,
knattspyrnustjóri Bayern
Munchen, hefur ákveðið að hætta
hjá liðinu þegar núverandi
samningur hans rennur út í lok
tímabilsins í ár.
„Ég lét forráðamenn liðsins
vita af ákvörðun minni fyrir
þremur vikum,“ sagði Hitzfeld
sem vann þýsku deildina með
Munchen-liðinu í fjórgang á
árunum 1999-2003 auk þess að
vinna Meistaradeild Evrópu árið
2001 áður en hann hætti. Hitzfeld
tók svo við liðinu á ný í febrúar í
fyrra.
Hitzfeld hefur verið í
viðræðum við svissneska
knattspyrnusambandið um að
taka við þjálfun Sviss þegar EM
lýkur næsta sumar. Ekki liggur
hins vegar ljóst fyrir hver mun
verða eftirmaður Hitzfeld hjá
Bayern en Marco Van Basten
hefur verið nefndur til sögunnar
sem líklegur kandídat. - óþ
Ottmar Hitzfeld, B. München:
Ég hætti hjá
Bayern í júní
KÖRFUBOLTI Sigurganga Keflvíkinga í Iceland
Express-deild karla getur farið inn í meta-
bækurnar þegar liðið heimsækir nágranna sína
í Röstinni í Grindavík í kvöld.
Keflavíkurliðið hefur unnið tíu fyrstu leiki
sína og varð aðeins annað liðið í sögunni til
þess að fagna áramótunum ósigrað. Hitt er lið
Grindavíkur tímabilið 2003-04. Grindvíkingar
unnu þá alla 11 leiki sína fyrir jól en töpuðu
síðan fyrsta leik ársins sem fór fram í Njarð-
vík 4. janúar. Friðrik Ragnarsson var þjálfari
Njarðvíkurliðsins í þeim leik og hann er kom-
inn í sömu stöðu nú sem þjálfari Grindavíkur.
Keflavík hefur unnið alla tólf deildar- og
bikarleiki tímabilsins en Grindvíkingar hafa
tapað þremur leikjum í röð í deild og bikar, þar
af tveimur síðustu með samtals 28 stigum á
heimavelli.
Liðin mættust í Sláturhúsinu í Keflavík 12.
október síðastliðinn og þá unnu heimamenn
afar öruggan 25 stiga sigur, 95-70.
Vinni Keflvíkingar leikinn í kvöld eru þeir
komnir á hæla annars mets sem er í eigu Njarð-
víkinga. Njarðvíkingar unnu nefnilega 14
fyrstu leiki tímabilsins 1988-89 áður en þeir
töpuðu fyrir Grindavík í 15. leiknum sem fram
fór í Grindavík. Keflvíkingar ógnuðu þessu
meti fyrir fimmtán árum en liðið vann þá þrett-
án fyrstu leiki 1992-93 tímabilsins áður en liðið
tapaði fyrir Njarðvík á heimavelli í 14. leiknum
sem fram fór 10. desember.
Leikurinn hefst klukkan 20.00 og er í beinni
sjónvarpsútsendingu á Sýn. - óój
Keflvíkingar geta náð sögulegum árangri gegn Grindavík í Iceland Express-deild karla í kvöld:
Ekkert lið hefur unnið alla leiki fram í janúar
31 STIG Bobby Walker skoraði 31 stig í fyrri
leiknum á móti Grindavík. VÍKURFRÉTTIR/JÓN BJÖRN