Fréttablaðið - 13.01.2008, Síða 26

6 matur
Í E L D H Ú S K R Ó K N U M
MARGIR KJÓSA
AÐ MÆLA OFAN Í
SIG rétta skammta yfir
daginn og fara
nákvæmlega eftir
uppskriftum og þá
þarf góða vog. Þessa
má fá í Búsáhöldum í
Kringlunni fyrir 2.090
krónur.
HOLLAST ER AÐ BORÐA SEM
MINNST af unnum matvælum en
búa til matinn frá grunni heima í
eldhúsi. Hægt er að búa til gott
pasta með þessari handsnúnu
pastavél en hún fæst í
Búsáhöldum í Kringlunni
fyrir 3.975 krónur.
ÞAÐ ER OFT EKKI FLÓKIÐ ÁHALD sem
auðveldar matargerðina. Mað þessum litla
skrælara má meðal annars skræla, rífa niður ost,
krækja úr kjarna með oddinum á hliðinni eða snúa
honum við og nota bogadregið skaftið til að skafa
niðu melónu eða kjöt. Fæst í Duka á 490 krónur.
Stundum er sagt að fólk þurfi að borða sig niður eftir jólin og víst er að margir sakna
þess sárt að geta ekki lengur seilst
í smákökur og konfekt þegar garn-
irnar gaula sína biðjandi sinfóníu
milli mála. Millibiti er reyndar
besta mál ef hann er borðaður í
hófi og valinn af skynsemi, en
kostar vitaskuld eilítið meiri fyrir-
höfn en snöggt tak á snakkpoka og
lakkrísbitum úr hillum verslana.
Dóra Svavarsdóttir, matreiðslu-
meistari og annar eiganda veit-
ingahússins Á næstu grösum, var
svo indæl að koma galvösk til
hjálpar þeim sem vilja borða hollt
á milli mála, en hér hefur hún
útbúið gómsæta ofurloku sem
svíkur engan sælkerann og tvær
matarmiklar ídýfur sem troðfylla
kroppinn af hollustu um leið og
þær bragðast betur en besta sæl-
gæti.
Dóra Svavarsdóttir ræður ríkjum Á næstu grösum. Hún er ekki í vandræðum með
að útbúa hollan millibita og gefur hér lesendum kost á hollum millimálakosti sem
fljótlegt er að útbúa og unaðslegt að njóta. FRÉTTABLAÐIÐ/VILHELM
OFURLOKAN
Girnileg ofurloka til að kjamsa
á þegar komið er heim úr vinnu
eða í skóla daginn eftir.
1 stk. heilt brauð
1 stk. eggaldin
1 stk. kúrbítur
2 stk. rauð paprika
1 stk. græn paprika
1 stk. rauðlaukur
150 g ostur að eigin vali
2 msk. saxað basil, ferskt
Salt, pipar og tímjan
Grænmetið er skorið í sneiðar,
penslað með ólífuolíu, kryddað
með salti, pipar og tímjan, og
bakað í ofni. Athugið að
eggaldin þarf lengstan
bökunartíma (12-15 mínútur)
við 180°C, en annað grænmeti
um 7 mínútur.
Skerið toppinn af brauðinu og
rífið innan úr því brauðið.
Raðið grænmeti og osti innan í
brauðið og setjið toppinn aftur
á. Best er að vefja brauðinu inn
í plastfilmu og láta standa yfir
nótt, og því kjörið að
nota afgangs-
grænmeti frá
því úr
kvöldmatnum
í réttinn.
HUMMUS
Veitir unaðslegar munn-
gælur með grófu brauði,
hrökkkexi og niðurskornu
grænmeti.
½ kg soðnar kjúklingabaunir
½ dl tahini
2 stk. hvítlauksgeirar
1 msk. balsamik-edik
50 g sólþurrkaðir tómatar
Sítrónusafi
Steinselja
Salt
Pipar
Chili
Vatn
Allt maukað saman í mat-
vinnsluvél.
Magn vatns og krydds fer eftir
smekk hvers og eins.
Leyfðu hugmyndafluginu að
njóta sín og maukaðu allt sem
þér dettur í hug með hummus.
Hummus geymist í fimm daga í
góðum kæli.
LÁRPERUSÆLA
Guðdómlegt með gnótt
niðurskorinna ávaxta og
grænmetis, og segir nammip-
úkanum stríð á hendur.
1 stk. lárpera
1 msk. ferskt dill
1 stk. hvítlauksgeiri
1 stk. lime
Salt og pipar eftir smekk
100 g kotasæla
Maukið lárperu, dill og
hvítlauk saman í
matvinnsluvél.
Kreistið safann úr
einni lime og
kryddið eftir
smekk. Hrærið
saman við kotasælu og njótið
með niðurskorinni agúrku,
rófubitum eða papriku.
Lárperusæla geymist í fjóra
daga í kæli.
BITINN MILLI MÁLA
HUNGRI GEGN
Síðdegið er hættulegur tími fyrir sælkera, sem og kvöldin. Þá verður mörgum
órótt ef ekki leynist súkkulaði og aðrar syndir í skápum.
Huggun
1 2
3
1. Ofurlokan er full af girnilegu og
hollu áleggi.
2. Lárperusælan er guðdómleg
með gnótt ávaxta og grænmetis.
3. Hummus er gott með grófu
brauði, hrökkkexi og niðurskornu
grænmeti.