Fréttablaðið - 13.01.2008, Page 80

ATVINNA
13. janúar 2008 SUNNUDAGUR36
Háskólinn á Bifröst óskar eftir að ráða markaðsstjóra í fullt starf. Starfið
felst í að stýra almannatengslum skólans, annast kynningu, vinna náið með
ritstjóra vefs skólans og öðrum stjórnendum og annast samskipti við fjöl-
miðla. Einnig er æskilegt að markaðsstjóri geti kennt markaðsfræði á
háskólastigi.
Umsækjendur verða að hafa góða menntun, m.a. háskólagráðu og
umtalsverða reynslu.
Búseta á Bifröst, Borgarnesi eða nærsveitum er áskilin.
Starfið heyrir beint undir rektor skólans.
Umsóknir um menntun og fyrri störf sendist á:
Ágúst Einarsson, rektor, Háskólinn á Bifröst, 311 Borgarnesi
Merkt: Markaðsstjóri
Umsóknarfrestur er til og með 31. janúar.
Háskólinn á Bifröst verður
90 ára á þessu ári.
Starfsemi skólans hefur verið
í örri þróun síðustu ár og
fyrirséð áframhaldandi
framþróun í starfsemi hans og
tengslum innanlands og utan.
Háskólinn á Bifröst býður nú upp
á 3 línur til BS/BA náms og 7 línur í
meistaranámi auk þess að bjóða
fjölbreytt undirbúnings- og
stjórnunarnám. Nemendur skólans
eru nú um 1.100.
Íbúar á Bifröst eru um 750.
Markaðsstjóri
Gerður Sjöfn Ólafsdóttir
kynntist fyrst táknmáli á
leikskóla sonar síns fyrir
fimmtán árum. Eitt leiddi
af öðru og í dag starfar
hún á Samskiptamiðstöð
heyrnarlausra og -skertra
sem táknmálstúlkur.
„Ég kynntist fyrst tákn-
máli í leikskóla sonar míns
fyrir rúmlega fimmtán
árum. Hann var á bland-
aðri deild þar sem voru
bæði heyrandi og heyrnar-
laus börn. Það fór svolítið
í taugarnar á mér að geta
ekki talað við öll börnin svo
ég fór að kynna mér tákn-
málið. Í kjölfarið leiddi
eitt af öðru og síðan endaði
ég bara sem táknmáls-
túlkur,“ segir Gerður Sjöfn
Ólafsdóttir, sem hefur
starfað við fagið í rúm-
lega tíu ár hjá Samskipta-
miðstöð heyrnarlausra og
heyrnar skertra við Há-
teigsveg í Reykjavík.
Fagið er aðeins kennt
við Háskóla Íslands og er
að sögn Gerðar Sjafnar
þriggja ára BA-nám. „Við
þurfum að læra táknmálið
algjörlega frá grunni og
fæst okkar kunna nokkuð í
málinu þegar við byrjum.
Þetta er eigið mál og því
eins og að setjast á skóla-
bekk í háskóla og læra til
dæmis ensku án þess að
kunna orð í málinu,“ segir
Gerður Sjöfn og nefnir
sjálft táknmálið, auk menn-
ingu og sögu heyrnarlausra,
málfræði og siðfræði sem
dæmi um greinar sem farið
er í gegnum í náminu.
„Starfið mitt gengur út á
að túlka á milli íslenska tákn-
málsins og íslenskunnar í
grófum dráttum. Verkefnin
eru svo óteljandi að það er
næstum betra að nefna það
sem við komum ekki að,“
segir Gerður Sjöfn hlæj-
andi og fæst þó til að nefna
nokkur dæmi um þjónustu
sem táknmálstúlkar veita.
„Stærstur hluti af okkar
starfi á veturna er túlkun í
skólum. Það er þá í mennta-
skólum og háskólum ásamt
ýmsum starfstengdum
námskeiðum. Síðan túlkum
við í heilbrigðiskerfinu hjá
læknum og sérfræðingum,
við félagslegar athafnir
í daglegu lífi þar sem má
nefna húsfundi, á bílasöl-
um og hjá lögfræðingum.
Auk þess má nefna athafnir
á borð við giftingar, skírnir,
fermingar og jarðarfarir,“
útskýrir Gerður Sjöfn. „Við
erum mjög fá sem túlkum á
Íslandi og því ekki um sér-
fræðinga að ræða á ákveðn-
um sviðum, þrátt fyrir að
það sé ákveðin tilhneig-
ing til þess að sumir hafi
meiri reynslu í ákveðnum
efnum,“ segir Gerður, en
hjá Samskiptamiðstöðinni
starfa fjórtán túlkar, þó
ekki allir í fullu starfi.
Samfélag heyrnarlausra
og táknmálstalandi telur
hins vegar um tvö hundruð
og fimmtíu manns að sögn
Gerðar Sjafnar. Gerður
Sjöfn segir að ástæðan fyrir
því að hún ákvað að gerast
táknmálstúlkur ekki vera sú
að hún eigi heyrnarlausan í
fjölskyldunni og segir það
eiga við um fæsta. „Ástæð-
urnar fyrir því að fólk leitar
í fagið eru sennilega jafn
margar og túlkarnir sjálf-
ir,“ útskýrir Gerður Sjöfn
sem segir það skemmtileg-
asta við starfið vera fjöl-
breytileikinn. „Við kynn-
umst gríðarlega mörgum
hliðum mannlífsins og fáum
að líta inn í gættir sem eru
luktar öðrum. Síðan getur
líka verið erfitt að vera
blandaður inn í erfið einka-
mál. Sérstaklega þegar börn
eiga í hlut en þess má einn-
ig geta að við erum bund-
in þagnarskyldu og trúnað-
urinn er grunnur að okkar
starfi. En stærstur hluti
starfsins er mjög skemmti-
legur og spennandi og ég
get eindregið mælt með því
að gerast táknmálstúlkur,“
segir Gerður Sjöfn.
rh@frettabladid.is
Trúnaður algjör
grundvöllur
Gerður Sjöfn Ólafsdóttir túlkar á milli íslenska táknmálsins og íslensk-
unnar við flest tilefni. FRÉTTABLAÐIÐ/AUÐUNN
28