Fréttablaðið - 26.01.2008, Qupperneq 10

26. janúar 2008 LAUGARDAGUR
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 1.260
5.451 +4,82% Velta: 15.704 milljónir
HLUTABRÉF Í ÚRVALSVÍSITÖLU: Atorka 8,36 +1,09% ... Bakkavör 50,00 +1,01% ...
Eimskipafélagið 29,40 +4,63% ... Exista 12,95 +7,38% ... FL Group 11,23 +5,94%
... Glitnir 20,70 +5,88% ... Icelandair 27,35 +3,80% ... Kaupþing 739,00 +5,42%
... Landsbankinn 31,85 +3,92% ... Marel 99,00 +2,06% ... SPRON 6,69 +9,67% ...
Straumur-Burðarás 13,84 +4,06% ... Össur 92,70 +1,87% ... Teymi 5,83 +2,28%
MESTA HÆKKUN
ATLANTIC AIRWAYS +17,9%
SPRON +9,67%
FLAGA +9,09%
MESTA LÆKKUN
ICELANDIC GROUP -1,12%
Umsjón: nánar á visir.is
Stjórnendur fyrirtækja eru svart-
sýnni en áður á horfur í efnahags-
málum, samkvæmt athugun sem
birtist í Hagvísum Seðlabankans.
Seðlabankinn kannaði viðhorf
stjórnenda 400 stærstu fyrirtækja
landsins í desember.
Fram kom að forráðamenn 44
prósenta fyrirtækja telja að
aðstæður í efnahagslífinu myndu
versna á næsta hálfa árinu frá því
sem nú er. Fjórir af hverjum tíu
teldu að þær yrðu óbreyttar. Um
sextán prósent stjórnenda gera
ráð fyrir batnandi árferði.
Í sams konar könnun í haust
töldu 22 prósent stjórnenda að
aðstæður færu versnandi, svo
heldur hefur fjölgað í röðum svart-
sýnna.
Samkvæmt könnuninni hefur
dregið úr vilja stjórnenda til að
fjölga starfsfólki á næstu mánuð-
um. Þessa viðhorfs gætir bæði á
höfuðborgarsvæðinu og á lands-
byggðinni og jafnframt í flestum
atvinnugreinum. Undantekningar
eru þó fjármála- og trygginga-
starfsemi og sjávarútvegur.
Um þriðjungur stjórnenda gerir
ráð fyrir að bæta við starfsfólki á
næstu mánuðum, samkvæmt
könnuninni. - ikh
Stjórnendur svartsýnir
STUND MILLI STRÍÐA Nóg verður að gera
næstu mánuði við að reisa tónlistarhús-
ið á hafnarbakkanum. Margir stjórn-
endur stærstu fyrirtækja eru þó heldur
svartsýnir á horfur í efnahagsmálum.
Hagvöxtur í Kína var 11,4 prósent
á síðasta ári og hefur ekki verið
meiri í þrettán ár. Mikil aukning
útflutnings og vöxtur í byggingar-
iðnaði eru sagðar meginástæður
hins mikla hagvaxtar.
Þrátt fyrir að kínverska hagkerf-
ið sé sagt í góðu ástandi hafa emb-
ættismenn nokkrar áhyggjur af
mögulegri ofþenslu. Þá er verð-
bólga talsverð, en hún mældist 6,5
prósent á ársgrundvelli og hefur
sjaldan verið meiri.
Xie Fuzhan, forstjóri kínversku
hagstofunnar, segir stjórnvöld
fylgjast náið með undirmálskrís-
unni í Bandaríkjunum. Samkvæmt
Xie er vel hugsanlegt að brugðist
verði við ástandinu með stýrivaxta-
breytingum. Þá kunni að koma til
greina að breyta gengi juansins, en
Kínverjar hafa hingað til aðhyllst
fastgengisstefnu.
Sérfræðingar segja nú aðeins
tímaspursmál hvenær kínverska
hagkerfið verður þriðja stærsta
hagkerfi í heiminum, og fer þá
fram úr Þýskalandi. Xie svaraði
hins vegar engum spurningum
þess efnis. „Þótt við kunnum að
fara fram úr Þjóðverjum skal hafa
í huga að Kína er enn þróunarland.
Þjóðartekjur á mann eru hér til að
mynda enn of lágar.“ - jsk
Hagvöxtur í Kína
ekki meiri í 13 ár
Rúmlega 11 prósenta hagvöxtur var í Kína í fyrra. Þar
fylgjast stjórnvöld náið með undirmálslánakrísunni.
FRÁ HONG KONG Kínverska hagkerfið
heldur áfram að vaxa þótt eldar logi á
alþjóðamörkuðum. Stjórnvöld segjast við
öllu búin fari svo að áhrif undirmálskrís-
unnar magnist enn. FRÉTTABLAÐIÐ/AP
Lánshæfiseinkunnir Norvik
Banka í Lettlandi eru óbreyttar
eftir uppfærslu alþjóðlega mats-
fyrirtækisins Moody’s Investor
Services fyrr í mánuðinum.
Bankinn fær hjá Moody’s ein-
kunnina D- fyrir fjárhagslegan
styrkleika, en það er sagt sam-
svara lánshæfiseinkuninni Ba3.
Moody’s segir horfur stöðugar á
öllum sviðum hjá bankanum.
Í tilkynningu kemur fram að
Moodys‘s telji meðal styrkleika
bankans nýja hluthafa hans og
reynslu þeirra af bankastarfsemi
og tengslum. Þá er talin til inn-
leiðing upplýsingaferla, sterkt
eiginfjárhlutfall og gæði eigna.
Norvik Banki er að meirihluta í
eigu Straumborgar, sem er fjár-
festingarfélag Jóns Helga Guð-
mundssonar og fjölskyldu.
„Möguleiki er á að lánshæfis-
einkunn bankans verði hækkuð ef
félagið heldur áfram að styrkja
útibúanet sitt, lausafjárstöðu
sína, fjármögnun og áhættustýr-
ingu,“ segir í tilkynningunni, en
Norvik Banki er viðskiptabanki
með eitt stærsta útibúanet Lett-
lands. Í lok síðasta árs nam eigið
fé bankans um 7,5 milljörðum
króna og heildareignir um 86
milljörðum. - óká
Stöðugar horfur Norvik Banka
Styrkir úr Forvarnasjóði 2008
Lýðheilsustöð auglýsir eftir umsóknum um styrki úr Forvarnasjóði.
Tilgangur sjóðsins er að stuðla að forvörnum á sviði áfengis- og
vímuvarna og eru styrkir veittir til verkefna eða afmarkaðra rannsókna.
Sérstök áhersla er lögð á að verkefnin séu samstarfsverkefni og að þau
tengist börnum og ungmennum á mismunandi skólastigum eða ungu fólki
utan skóla. Að þessu sinni er auglýst sérstaklega eftir verkefnum sem taka
til forvarna í framhaldsskólum. Mikilvægt er að í umsókninni sé gert grein
fyrir mati á verkefninu.
Lýðheilsustöð metur umsóknirnar í samstarfi við áfengis- og vímuvarnaráð.
Áskilinn er réttur til að senda umsóknir til umfjöllunar fagaðila, óska eftir
nánari upplýsingum um verkefni, framkvæmdaaðila og fjármögnun. Einnig
áskilja styrkveitendur sér rétt til að skilyrða styrkveitingar og ákveða að
styrkir verði greiddir út í samræmi við framvindu verkefnis. Sé sótt um styrk
til framhaldsverkefna þarf framvinduskýrsla að liggja fyrir.
Umsóknarfrestur er til 18. febrúar 2008 og skal sótt um á eyðublöðum
sem eru á heimasíðu Lýðheilsustöðvar, www.lydheilsustod.is. Styrkir,
sem veittir eru á árinu, skulu sóttir fyrir 31. desember 2008.
Nánari upplýsingar fást í síma 5 800 900, johann@lydheilsustod.is eða á heimasíðunni
www.lydheilsustod.is en þar er sótt rafrænt um styrkinn. Umsóknum skal skila rafrænt á netfangið
johann@lydheilsustod.is