Fréttablaðið - 26.01.2008, Page 66

38 26. janúar 2008 LAUGARDAGUR
menning@frettabladid.is
Listamenn ná oft og tíðum að blása hver öðrum
anda í brjóst og hafa mikil áhrif á skapandi ein-
staklinga í samtíma sínum og framtíð. Halldór
Laxness var einn slíkur listamaður og er næsta
víst að verk hans koma til með að lifa með
þjóðinni um ókomna tíð. Því er ekki úr vegi að
rýna duglega í þau með reglulegu millibili og
velta því fyrir sér hvaða þýðingu þau hafa fyrir
okkur.
Gljúfrasteinn býður upp á röð viðburða þar
sem þekktir listamenn, hugsuðir og fræðimenn
fjalla um verk skáldsins. Fyrsti slíki viðburðurinn
fer fram á morgun kl. 16. Þá mun söngvaskáldið
Hörður Torfa fjalla um ljóð Halldórs í tali og
tónum.
Hörður er sem kunnugt er einn framsæknasti
og sjálfstæðasti tónlistarmaður þjóðarinnar.
Hann ólst upp við skáldskap Halldórs Laxness;
sögur hans, leikrit og ljóð. Hörður hefur aldrei
farið leynt með dálæti sitt á ljóðagerð Nóbel-
skáldsins. Hann hóf til að mynda ungur að aldri
að setja saman lög við ljóð Halldórs og eitt
þeirra, Kveðið eftir vin minn, var á fyrstu breið-
skífu Harðar frá 1970. Það náði miklum vinsæld-
um og er sungið víða enn þann dag í dag.
Annað ljóð eftir Halldór, Í áfanga, var síðan á
annarri breiðskífu Harðar árið 1972. Hörður
tileinkaði Halldóri hausttónleika sína í Jónshúsi
í Kaupmannahöfn árið 1982 og flutti þar mörg
ljóð hans við eigin tónlist. Árið 2002 sendi hann
síðan frá sér geisladiskinn Söngvaskáld þar sem
hann túlkaði ljóð Halldórs með dyggri aðstoð
Vilhjálms Guðjónssonar. Það má því telja næsta
víst að viðburðurinn á morgun verði bæði
fróðlegur og skemmtilegur, enda er Hörður
umfjöllunarefni dagsins vel kunnugur.
Ókeypis er inn á viðburðinn og er hann öllum
opinn meðan húsrúm leyfir. - vþ
Hörður og Halldór
HÖRÐUR TORFASON Fjallar um ljóð Halldórs
Laxness á Gljúfrasteini á morgun.
Sinfóníuhljómsveit unga fólksins hefur verið boðið á
alþjóðlega listahátíð ungs fólks í Aberdeen í Skot-
landi sumarið 2009. Hátíðin, sem ber titilinn Aber-
deen International Youth Festival, leggur áherslu á
aðkomu ungs fólks að klassískri tónlist og öðrum
listgreinum. Þar koma fram kórar og hljómsveitir,
óperur eru settar upp, þar fara fram dans- og
leiksýningar, myndlistarsýningar auk þess sem boðið
er upp á fjölda námskeiða í listum og menningu.
Hátíðin er virt og því sækjast fjölmargar hljóm-
sveitir eftir því að koma fram á henni. Á síðustu
hátíð, sem fór fram sumarið 2007, voru það sviss-
neska strengjasveitin Orchestra Giovanile D’archi og
sinfóníuhljómsveit æskunnar á Spáni, Joven Orqu-
esta Nacional de Espana, undir stjórn hins kunna
hljómsveitarstjóra José Serebrier, sem urðu fyrir
valinu. Það er því Sinfóníuhljómsveit unga fólksins
mikill heiður að vera boðin þátttaka sumarið 2009.
Sinfóníuhljómsveit unga fólksins var stofnuð
árið 2004 og er skipuð tónlistarnemum af höfuð-
borgarsvæðinu. Hún tekst árlega á við þrjú til
fjögur verkefni og heldur sex til átta tónleika á ári.
Þá tekur hljómsveitin jafnan þátt í Þjóðlagahátíð-
inni á Siglufirði. Nú eru nýhafnar æfingar fyrir
næstu tónleika hljómsveitarinnar sem haldnir
verða 9. og 11. mars í Stykkishólmi og Reykjavík.
Einleikari með hljómsveitinni verður Freyja Gunn-
laugsdóttir klarinettuleikari. Stjórnandi Sinfóníu-
hljómsveitar unga fólksins er Gunnsteinn Ólafs-
son. - vþ
Ungfóníu boðið á hátíð
SINFÓNÍA UNGA FÓLKSINS Hefur verið boðið á alþjóðlega
listahátíð í Aberdeen.
Auglýsingasími
– Mest lesið
ÞORRADANSLEIKUR
í kvöld frá kl. 22:00
í Lionssalnum Auðbrekku 25-27
Kópavogi
Harmonikufélag Reykjavíkur
SUN 27. JANÚAR KL. 20
TÍBRÁ: MUSIC FOR A WHILE
JÓHANNA HALLDÓRS OG
BAROKKSVEIT.
SÖNGVAR OG DANSAR FRÁ 16.ÖLD
Miðaverð 2000 kr
LAU 2. FEBRÚAR KL. 13
TÓNLEIKAR TKTK
MYNDIR Á SÝNINGU
ÚR HNOTUBRJÓTNUM
PÉTUR OG ÚLFURINN
MYRKIR MÚSÍKDAGAR
VIKUNA 3. – 10. FEB 08
www.salurinn.is
25 jan uppselt
30 jan örfá sæti laus
27 febrúar
28 febrúar
Kl. 22
Þorradansleikur Harmonikufélags
Reykjavíkur fer fram í Lionssaln-
um, Auðbrekku 25-27 í Kópavogi, í
kvöld kl. 22. Þar geta unnendur
harmónikutónlistar komið saman
og skemmt sér með öðrum við
undirleik ljúfra og fjörlegra tóna.
Nýtt íslenskt gamanleikrit
sem ber titilinn Halla og
Kári verður frumsýnt í
Hafnarfjarðarleikhúsinu í
kvöld. Höfundur leikritsins
er Hávar Sigurjónsson og
leikstjóri er Hilmar Jóns-
son.
Viðfangsefni verksins hljómar
kunnuglega í eyrum þeirra sem
fylgjast náið með fréttum; í von um
skjótfenginn gróða tekur par, þau
Halla og Kári, upp á því að smygla
eiturlyfjum. Inn í ráðabruggið flétt-
ast atburðir og persónur sem gera
sitt til að flækja málin. Halla og
Kári eru þó bjartsýn, láta ekki bug-
ast og trúa því að ástin vinni þrautir
allar þrátt fyrir mótlæti.
Erling Jóhannesson fer með hlut-
verk Kára, en segir ekki hlaupið að
því að lýsa persónunni. „Í byrjun
æfingatímabilsins hefði ég átt auð-
velt með að setja Kára á einhvern
bás, en ég er farinn að þekkja hann
svo vel að ég á orðið erfitt með það.
Ætli það sé ekki best að segja að
hann er Íslendingur með öllu sem
því fylgir. Hann sækist eftir viður-
kenningu umhverfis síns og ríki-
dæmi og er tilbúinn að ganga ansi
langt í leit sinni, en er þó ekki alger-
lega samviskulaus. Hann er því
dálítið tvöfaldur, eins og íslenska
þjóðin almennt. Við erum til að
mynda afar trúuð, en förum aldrei í
kirkju. Við viljum líka velferðar-
þjóðfélag, en finnst samt í lagi að
svíkja undan skatti. Þannig er þjóð-
in upp til hópa og þannig er Kári.“
Leikritið tekst á við málefni sem
verða að teljast áleitin. Eiturlyfja-
váin, neyslusamfélagið, græðgi og,
ekki síst, innflytjendamál eru dæmi
um viðkvæm mál sem ofin eru inn í
söguþráðinn. Því vekur nokkra
athygli að verkið teljist til gaman-
leikrita. „Grínið getur gert umræðu
um erfið málefni aðgengilegri. Þó
verður ávallt að fara varlega og
passa að grínið verði ekki rætið eða
bitni á þeim sem síst skyldi. Inn-
flytjendamálin eru sérlega vanda-
söm; umræðan um þau er afar
skammt á veg komin hér á landi,
enda málið tiltölulega nýtt af nál-
inni. Það er erfitt að fjalla um slíkt
án þess að verða pólitískri rétt-
hugsun að bráð, en hún er andstæð-
ingur skapandi hugarfars og ber
því að forðast í listum. Við reynum
okkar besta til þess að takast á við
málin á þann hátt að við náum að
skemmta leikhúsgestum en jafn-
framt að vekja þau til umhugsunar
um samfélagið sem við búum í,“
segir Erling.
Með önnur hlutverk í sýningunni
fara María Pálsdóttir, Vigdís
Hrefna Pálsdóttir, Hjálmar
Hjálmars son og Þorsteinn Bach-
mann. Um tónlistina sér enginn
annar en Benedikt Hermann Her-
mannsson, betur þekktur sem
Benni Hemm Hemm, sem er þekkt-
ur fyrir ljúfa en jafnframt nútíma-
lega tónlist sína. vigdis@frettabladid.is
Ástir og eiturlyfjasmygl
LAGT Á RÁÐIN Frá æfingu á leikritinu Halla og Kári. FRÉTTABLAÐIÐ/AUÐUNN
Listsmiðja fyrir börn fer fram á
morgun í Ásmundarsafni á milli kl.
13 og 16. Listamaðurinn Ásmundur
Sveinsson hafði mikið yndi af börn-
um og tók þeim opnum örmum
þegar þau vildu fá að skoða eða
leika sér í stóru höggmyndunum
hans. Enn þann dag í dag sækjast
börn eftir því að heimsækja
Ásmundarsafn og ævintýragarðinn
í kringum safnið.
Hugmyndin með listsmiðjunni í
Ásmundarsafni á sunnudaginn er
að fá börn og fullorðna til að vinna
saman. Byrjað verður á stuttri yfir-
ferð um sýningu safnsins en að því
loknu verður sest niður í vinnu-
stofu með leir og viðeigandi verk-
færi og leirinn mótaður undir áhrif-
um frá Ásmundi. Umsjón með
listsmiðjunni hefur Sigríður Ólafs-
dóttir myndlistarmaður.
Aðgangur að listsmiðjunni er
ókeypis og öllum opinn. - vþ
Leirað
og leikið
ÁSMUNDARSAFN Býður upp á listsmiðju
á morgun.