Fréttablaðið - 22.03.2008, Síða 1

MEST LESNA DAGBLAÐ Á ÍSLANDI Sími: 512 500022. mars 2008 — 80. tölublað — 8. árgangur
Margur heldur mig sig
FJÖLDI FÓLKS DEILIR EFTIR-
LÆTISMÁLSHÆTTINUM SÍNUM 40
Opið 10–18 í dag
LAUGARDAGUR
UPPRISA MARÍU
MAGDALENU
Þórhallur Heimisson
birtir nýja sýn á eina
áhrifamestu konuna í
lífi Jesú Krists.
VIÐTAL 28-29
LÖGREGLUMÁL Götuhópur fíkniefnadeildar
lögreglunnar á höfuðborgarsvæðinu tók tvo
litháíska karlmenn með nokkurt magn af e-
töflum í fórum sínum á miðvikudagskvöld.
Annar mannanna var fyrir skömmu
dæmdur í 60 daga fangelsi fyrir að ráðast
á meðlimi götuhópsins á Laugaveginum í
janúar. Hinn maðurinn var sýknaður í því
máli ásamt öðrum landa sínum. Tveir lög-
reglumenn slösuðust alvarlega í árásinni.
Mikil óánægja varð meðal lögreglumanna
þegar Héraðsdómur Reykjavíkur kvað
upp dóminn yfir mönnunum.
Götuhópurinn var á miðvikudagskvöldið
við hefðbundið eftirlit með sölu og dreif-
ingu fíkniefna á skemmtistöðum þegar
mennirnir voru teknir. Samtals komu upp
fimm mál, þar sem fólk var með neysluskammta
fíkniefna í vörslu sinni, amfetamín, kannabis og
e-töflur.
Karl Steinar Valsson, yfirmaður fíkniefna-
deildar lögreglunnar, staðfesti við Fréttablaðið
að fimm fíkniefnamál hefðu komið upp en vildi
ekki tjá sig um einstaka þætti þeirra.
Árásin í janúar átti sér stað fyrir utan veit-
ingastaðinn Monte Carlo á Laugavegi. Fjórir
óeinkennisklæddir lögreglumenn voru þá við
fíkniefnaeftirlit og höfðu afskipti af tveimur
körlum og einni konu. Á sama tíma komu menn-
irnir þrír, litháískir ríkisborgarar, akandi niður
Laugaveginn ásamt tveimur löndum sínum og
íslenskri konu.
Mennirnir sögðust hafa haldið að lögreglu-
mennirnir, sem voru óeinkennisklæddir, hefðu
ætlað að ráðast á fólkið. Þeir hefðu viljað koma
fólkinu til hjálpar. Einn Litháanna fór út úr bíln-
um og kýldi tvo af lögreglumönnunum.
Mönnunum þremur var svo öllum gefið að sök
að hafa ráðist á annan lögregluþjón, slegið hann
ítrekað, meðal annars í höfuðið, og sparkað
tvisvar í höfuð hans eftir að þeir höfðu fellt
hann. Lögreglumaðurinn hlaut heilahristing og
marga aðra áverka. Lögreglumennirnir þurftu
áfallahjálp eftir árásina.
Samkvæmt dómnum fékkst ekki fullsannað
hver hefði ráðist á lögreglumanninn, enda hefðu
fleiri en ákærðu verið á staðnum. Voru þeir því
allir sýknaðir. Ríkissaksóknari hefur nú dóminn
yfir árásarmönnunum undir höndum og mun
ákvarða hvort honum verði áfrýjað til Hæsta-
réttar. Sú ákvörðun liggur fyrir eftir páska.
Lithái sem sló lögregluþjón
handtekinn með e-töflur
Götuhópur fíkniefnadeildarinnar tók tvo menn með e-töflur á miðvikudagskvöld. Þessir tveir menn
voru í hópnum sem réðst á götuhópinn í janúar og stórslasaði tvo lögreglumenn.
56
22. mars 2008 LAUGARDAGUR
utlit@frettabladid.is
DAÐRAÐ VIÐ TÍSKUNAAnna Margrét Björnsson
> TÍSKUFRÉTTIR VIKUNNARFimmta lína Kate Moss fyrir Top Shop Fyrirsætan Kate Moss hefur hann-að sína fimmtu fatalínu fyrir bresku tískukeðjuna Top Shop. Nýja línan er innblásin af ferðum Moss til Indlands, Ibiza og Miami og er eins konar blanda af hippatísku og lúxus. Meðal fatnaðarins má finna silkikjóla og blússur með Astekamynstri, blúnduskokka og kjóla í „twent-
ies“ stíl og síð fín pils fyrir kvöldið.
LOMO myndavél til að fanga öll augnablik
páskanna á meira „ avant-garde“ hátt en með
digital-vélinni. Fæst í Hans Petersen.
Glanskremið „Ombre Glacé“ frá Lancome sem lífgar upp á kinn-bein, enni og augnlok.
Miuccia Prada segist alltaf hafa hatað blúndur en ákvað að storka sjálfri sér og
byggja alla línu næsta veturs á þessu kvenlega efni. „Þetta er jú efnið sem allar
konur nota á mikilvægustu augnablikum ævi sinnar,“ sagði hún að lokinni
sýningu fyrir veturinn 2008 í Mílanó. „Konur klæðast blúndum þegar þær eru
skírðar, giftar og í jarðarförum.“ Fleiri ítalskir hönnuðir léku sér með blúndur,
þar á meðal Dolce & Gabbana, Etro, Allessandro dell Aqua og La Perla og
útkoman var hreint unaðsleg - kvenlegt, sexý og klassískt.
-amb
ÍTALSKIR HÖNNUÐIR SÆKJA Í ÍTALSKAR HEFÐIRDásamlegar blúndur
KÁPA Dásamlega falleg síð kápa með belti í mitt-ið frá Dolce et Gabbana fyrir haust/vetur 2008.
KVENLEGT Svartur blúndukjóll með mjaðmastykki frá Prada.
FJAÐRIR
Kvenleg
blóm,
fj
Eins og mörgum öðrum krökkum leiddist mér föstudagurinn langi alltaf
óskaplega mikið. Þá var lítið hægt að hafa fyrir stafni og foreldrarnir
gerðu mann þunglyndan með sorglegum sálumessum á fóninum. Á
páskunum fékk ég oft marsípangrís að þýskum sið (bjó þar í nokkur ár) og
tímdi aldrei að borða hann. Ég vorkenndi honum alltaf svo mikið eftir að
hafa bitið af honum rófuna að grísinn fékk bara að dúsa inni í skáp þar til
næstu páskar komu og mamma fann hann uppþornaðan og henti honum í
ruslið. Páskar hafa alltaf verið tengdir einhvers konar annarlegu hugar-
ástandi hjá mér. Svona ofgnótt af fríi, sorg, nammi, leiðinlegum fermingar-
veislum og gulum lit, allt í einum graut. Gulur litur hefur nefnilega alltaf
farið í taugarnar á mér. Meira að segja þegar ég var lítil stelpa fannst mér
þetta gula ungaflóð á vorin ekkert sérstaklega smart og hreinlega fara
verulega illa með flestu. Ég hef aldrei keypt það þegar tískuhúsin æpa „
Gult, gult“ annað slagið. „Neu rave“-tískan og neongult síðasta sumar fór
alveg með mig. Ég verð hreinlega að viðurkenna að mér hefur alltaf þótt
gulur litur alveg viðurstyggilegur. Mér finnst hann vemmilegur og
óklæðilegur. Samt get ég auðvitað dáðst að honum á öðrum konum sem
bera hann. Gulur á jú að vera litur hamingjunnar, hann er hlýr og sérlega
áberandi. Áberandi já. Svona dálítið eins og viðvörunarskilti. Og það er
einmitt kannski punkturinn í þessu hjá mér, sumar konur vilja kannski líta
út eins og viðvörunarskilti en aðrar ekki. Samt er gulur litur sólarinnar og
vorsins og á að færa manni innri hlýju og vellíðan. Krakkar eru sætir í
gulu. Í sumar verður gult áberandi hjá mörgum tískuhúsum þar sem
hippalúkkið er allsráðandi en gulur er auðvitað einn af þessum skynörv-
andi litum ásamt bláum, grænum og brúnum. Ég gerðist af einhverjum
ástæðum svo frökk að kaupa heiðgulan stuttan batik-kjól úti í Tógó í
febrúar þegar Afríkusólin brenglaði allt mitt innra litaskyn. Kjóllinn er
dásamlegur en ég á örugglega aldrei eftir að fara í hann. Því meira að
segja páskaliljur fara í taugarnar á mér. Þær gera nákvæmlega
ekkert fyrir heimili mitt nema að vera algerlega út úr
sétteringu við innbúið og svo er líka vond lykt af þeim. Nú
kann einhverjum að þykja þetta einstaklega ópáskalegt og
geðvonskulegt en ég hef bara sætt mig við það að gulur
hefur aldrei og mun aldrei verða minn litur. Við nánari
athugun er þessi neikvæðni mín út í gula litinn kannski
ekkert svo klikkuð. Á miðöldum var guli liturinn litur
dauðans, og í Egyptalandi ber fólk ennþá gul klæði til að
votta hinum látnu virðingu sína. Tengingin við dauðann er
ef til vill önnur augljós ástæða þess að við berum þennan
lit á páskum auk þess að fagna hækkandi sól. Gulur litur
hefur nefnilega neikvæða merkingu í vissum löndum og
táknar stundum meira að segja bleyðuhátt. Svo hefur til
dæmis hugtakið „gula pressan“ ekkert sérlega jákvæða
merkingu. Á páskum skreyti ég mitt heimili með krókusum
og vott af uppáhaldslitnum mínum, grænum. (Að undan-
teknu páskaskrauti búnu til af ungviðinu sem er auðvitað bara
krúttlegt). Ég veit að þessi fýla mín út í gula litinn er bara
einhver meinloka í mér. Get því mælt eindregið með því að
smekkvíst fólk noti gula litinn óspart ásamt til dæmis fjólubláum,
ólífugrænum, brúnum eða appelsínugulum. Næsta haust eru til
dæmis karrígular sokkabuxur aðalmálið og þá við einhvern af
ofangreindum litum. Eins er ég fullviss um að karrígulir púðar
myndu poppa upp hvaða heimili sem er. Bara ekki mitt.
Með ofnæmi fyrir gulu
Dásamlega vorlegt og gam-aldags nærfatasett í „pinup“ stíl frá Systrum, Laugavegi.
BLÁTT Skemmtileg blanda af settlegri karlmannlegri bómull-arskyrtu og svörtum blúndum frá Prada.
OKKUR
LANGAR Í…
VEÐRIÐ Í DAG
LÖGREGLUMÁL Ökumaður torfæru-
mótorhjóls slapp naumlega
þegar hann missti hjólið í sjóinn
við ósa árinnar Klifanda á
Sólheimasandi laust fyrir
klukkan ellefu í gærmorgun.
Hugðist maðurinn ásamt
þremur öðrum félögum sínum
þvera ána Klifanda á mótorhjól-
um við ósinn. Hafði mótorhjól
mannsins stöðvast í ósnum og
var hann að rétta það af þegar
undiralda reif í hjólið og ákvað
maðurinn að sleppa taki á því til
að bjarga sjálfum sér. Komst
hann með aðstoða félaga síns
blautur, kaldur og hrakinn aftur
á land en hjólið hvarf í sjóinn og
sást ekki meira.
Lögreglan á Hvolsvelli vill
koma því á framfæri að sjórinn
getur verið varhugaverður á
söndunum við suðurströndina
þar sem útsog er oft mjög öflugt.
- ovd
Ökumaður slapp naumlega:
Sjórinn tók
mótorhjólið
ST
ÍL
L
56
FJÖR Í BLÁFJÖLLUM Fjöldi fólks lagði leið sína í Bláfjöll í gær enda skíðafærið gott og veður með besta móti. FRÉTTABLAÐIÐ/ANTON
Milt og rólegt Í dag er milt og
rólegt veður og verður um páskana,
á öðrum degi páska má þó búast
við talsverðri úrkomu víða um land.
Á morgun verður úrkoman bundin
við suðurhelming landsins.
VEÐUR 4
2
0
0
3
0
ÚTIVIST Þúsundir Íslendinga nutu
veðurblíðunnar í gær á skíða-
svæðunum í Bláfjöllum og Hlíðar-
fjalli á Akureyri. Tæplega fjögur
þúsund manns sleiktu sólina í
snjónum í Hlíðarfjalli, sem er
metfjöldi að sögn Guðmundar
Karls Jónssonar, forstöðumanns
skíðasvæðisins.
„Við höfum aldrei selt eins
marga miða í lyfturnar,“ segir
Guðmundur. „Auk þess var mikill
fjöldi kominn bara til þess að sýna
sig og sjá aðra.“ Guðmundur býst
við viðlíka aðsókn nú um helgina.
Í Bláfjöllum voru um sex þús-
und manns, að sögn Magnúsar
Árnasonar, framkvæmdastjóra
skíðasvæðisins. „Þetta er stór-
kostlegur dagur,“ sagði hann
þegar Fréttablaðið náði tali af
honum. „Sá næststærsti hjá okkur
þetta árið.“
Á morgun verður gestum boðið
upp á tónleika í Bláfjallaskála.
Þeir hefjast klukkan eitt þegar
plötusnúðar þeyta skífum og liðs-
menn Benna Hemm Hemm munu
síðan stíga á svið klukkan þrjú.
- sh
Landsmenn nýta páskablíðuna til að renna sér í snævi þöktum brekkum:
Metfjöldi í Hlíðarfjalli í gær