Fréttablaðið - 22.03.2008, Blaðsíða 11
LAUGARDAGUR 22. mars 2008 11
„Það hefur verið nóg að gera hjá
mér undanfarna daga. Ég er til
dæmis tvisvar búin að fara á tón-
leika með hljómsveitinni Shadow
Parade. Kærastinn
minn spilar í þeirri
hljómsveit. Í vik-
unni sá ég leikritið
Kommúnan sem
Vesturport sýnir í
Borgarleikhúsinu.
Á mánudaginn
fékk ég gómsætt
heimalagað sushi heima hjá vini
mínum og svo hittumst við í stúd-
entafélaginu Kozmó á Kaffibarnum
á miðvikudaginn. Ég þarf að vinna
um páskana en hlakka til að fara til
Ameríku snemma í apríl. Ég vona
bara að krónan styrkist því það er
nú algert brjálæði að hafa ástandið
eins og það er í dag.“
Charlotte Ólöf Ferrier:
VONAR AÐ KRÓNAN
STYRKIST
VIKA 7
DAGBÓK NÝRRA
ÍSLENDINGA
„Páskafríið er kærkomið enda
hefur verið nóg að gera í vinnu og
námi,“ segir Algirdas sem vinn-
ur hjá Trefjum og nemur einnig
heimasíðugerð. „Auðvitað sakna ég
fjölskyldunnar í
Litháen um allar
stórhátíðir en það
er ekkert við því
að gera. Í Litháen
á súkkulaði ekki
jafn mikið upp á
pallborðið og hér
á Íslandi. Þar er
venjan að mála á venjuleg hænuegg
og það er með ólíkindum hvað
sumir eru lagnir við það, það verða
jafnvel til heil listaverk á eggjunum.
Svo tekur hver sitt egg og skellir því í
lófanum á egg náungans og sá sem
er með sterkara egg, sem brotnar
minna, hann á heppnina vísa. En
hvað sem því líður þá erum við á
Íslandi núna og því fáum við okkur
súkkulaðiegg með börnunum.“
Algirdas Slapikas:
LISTAVERK Á EGGI
„Ég hef svo sem ekki mikið aðhafst
síðustu daga enda er mikið að gera
í vinnunni þar sem páskarnir eru
að nálgast,“ segir Junphen. „Ég er
því alveg dauðþreytt þegar ég kem
heim á kvöldin
og hef ekki einu
sinni hreyft við
saumavélinni,“
bætir hún við en
undanfarnar vikur
hefur hún verið
að þreifa fyrir sér
með fatahönnun.
„Ég er ekki alveg búin að ákveða
hvað ég ætla að gera um páskana
nema hvað ég ætla að slaka á.
Um síðustu helgi fór ég í bíltúr
til Hveragerðis og fékk mér ís. Ég
hafði sagt félögum mínum að mér
þætti ís góður og var þá jafnan
viðkvæðið að ég ætti að fara til
Hveragerðis og smakka hann þar
svo ég gerði það bara.“
Junphen Sriyoha:
MIKIL VINNA
„Ég er í fríi með kærustunni minni
og við erum á Reykjarnesi á
Vestfjörðum. Við ætlum að vera
hérna í eina nótt, slaka á og fara
í heitu pottana. Þetta er í fyrsta
skipti sem ég kem
á Reykjarnes en
vinnufélagi minn
mælti með því
að við kæmum
hingað til að
slaka á. Ég vildi
sýna kærustunni
minni eitthvað af
Vestfjörðum en margir vegir eru
lokaðir svo þetta varð úr. Kærasta
mín fer heim á sunnudaginn svo
við verðum í Reykjavík um helgina.
Við missum því miður af tónlistar-
hátíðinni Aldrei fór ég suður.“
Filipe Figueiredo:
Í HEITUM POTTI
Á REYKJARNESI
BYGGÐAMÁL Bæjaryfirvöld á Akranesi hyggjast
byggja nýjan grunnskóla og leikskóla í bænum.
Hinn 8. apríl verður sett á
laggirnar teymi sem mun
hafa umsjón með bygging-
unni.
Gísli S. Einarsson bæjar-
stjóri segir að grunnskólinn
muni rúma um 450 til 500
nemendur. Fyrir eru tveir
grunnskólar í bænum. Hann
vonast til að fyrsti áfangi
skólabygginganna verði til-
búinn haustið 2009. Þar að
auki er nú verið að ljúka við
byggingu annars leikskóla fyrir um 25 börn og
mun hann opna nú í haust.
„Hér hefur orðið alveg gríðarleg fólksfjölg-
un,“ segir hann. „Á síðasta ári fjölgaði okkur um
400 manns og bara á þessu ári hefur okkur fjölg-
að um 75 manns.“ Hann segir þó þann fyrirvara
vera á hugmyndum um nýjar skólabyggingar að
í þær verður ráðist ef fólksfjölgunin verði með
svipuðu móti og verið hefur. Hann segir flesta
þeirra sem flytja upp á Skaga vera fjölskyldu-
fólk með nokkur börn og því sé þörfin fyrir nýju
skólana verulega brýn.
„Hér eru einnig mörg ný sprotafyrirtæki að
hasla sér völl. Má þar nefna Kjarnafisk en ef ég
væri ekki að vestan myndi ég þora að segja að
þeir framleiddu besta harðfisk í heimi,“ segir
bæjarstjórinn glettinn. - jse
Íbúum Akranesi fjölgaði um 400 á síðasta ári og þegar hafa bæst við 70 íbúar það sem af er þessu ári:
Undirbúa byggingu nýs skóla á Skaganum
GÍSLI S. EINARSSON
AKRANES Bæjarstjóri segir fólksfjölgun á Akranesi gríð-
arlega svo þörf fyrir nýja grunn- og leikskóla sé orðin
verulega brýn.