Fréttablaðið - 22.03.2008, Side 70

22. mars 2008 LAUGARDAGUR
Sýning á verkum kanadísku
myndlistarkonunnar Erin Glover
opnaði á skírdag í Gallerí Boxi á
Akureyri. Þar má sjá myndir sem
Glover vann út frá fatnaði,
húsgögnum og persónulegum
munum ýmiss konar.
Glover tekur þessi kunnuglegu
og hversdagslegu fyrirbæri og
kemur þeim fyrir í myndum
sínum þannig að þau öðlast nýtt
samhengi. Hvert verk hennar
byrjar sem ljósmynd sem hún
bætir svo við með málningu og
teikningum. Sýningin stendur til
6. apríl næstkomandi. Opið er á
laugardögum og sunnudögum frá
14 til 17. - vþ
Málað á
ljósmyndir
HVERSDAGUR Í NÝJU SAMHENGI Eitt af
verkum Erin Glover.
Kómedíuleikhúsið sýnir barna-
leikritið Dimmalimm í Tjöruhús-
inu á Ísafirði á morgun kl. 14.
Leikritið byggir á samnefndu
ævintýri eftir listamanninn og
Bílddælinginn Mugg sem er
flestum Íslendingum að góðu
kunnur fyrir falleg verk sín.
Gaman er að geta þess að
leikarinn í verkinu, Elfar Logi
Hannesson, er líka frá Bíldudal.
Dimmalimm er bráðfjörugt
leikrit fyrir börn á öllum aldri;
börnin skemmta sér yfir
frásögninni og hinir fullorðnu fá
tækifæri til að hitta fyrir
æskuvini. Miða á sýninguna má
nálgast á heimasíðu Kómedíu-
leikhússins: www.komedia.is - vþ
Ævintýri
fyrir börn og
fullorðna
SAGAN AF DIMMALIMM Sígild íslensk
barnasaga.