Fréttablaðið - 22.03.2008, Side 78

62 22. mars 2008 LAUGARDAGUR
sport@frettabladid.is
Boltinn er hjá okkur
2.–5. maí
Barcelona – Valencia
79.900 kr.
Verð á mann í tvíbýli
2.–4. maí
Liverpool – Man. City
89.900 kr.
Verð á mann í tvíbýli
Nánar á expressferdir.is
eða í síma 5 900 100
18.–20. apríl
West Ham – Derby
57.900 kr.
Verð á mann í tvíbýli
Innifalið: Flug með sköttum og öðrum greiðslum, gisting í 2 nætur á hóteli með
morgunverði og miði á leikinn.
Innifalið: Flug með sköttum og öðrum greiðslum, gisting í 3 nætur á hóteli með
morgunverði og miði á leikinn.
Innifalið: Flug með sköttum og öðrum greiðslum, gisting í 2 nætur á hóteli með
morgunverði og miði á leikinn.
Grindavík og KR mætast í fjórða leik liðanna
í úrslitakeppni Iceland Express-deildar
kvenna í Röstinni í Grindavík kl. 16 í
dag. Liðin sigruðu hvort um sig tvo
heimaleiki í deildinni í vetur en í
úrslitakeppninni náði KR að vinna
heimaleik og svo að brjóta mynstrið
upp og vinna loks útileik og Grinda-
vík svaraði svo með því að vinna
í DHL-höllinni í Vesturbænum á
miðvikudag og staðan er því 2-1
fyrir KR í einvígi liðanna þar sem
þrjá sigra þarf til sigurs.
Jóhannes Árna-
son, þjálfari KR,
var brattur þegar
Fréttablaðið náði
tali af honum í gær og var á fullu
að undirbúa lið sitt fyrir átökin.
„Þetta verður sannkallaður
háspennuleikur og undirbúningurinn
gengur vel hjá okkur og ég vona
bara að spennustigið verði rétt þegar
leikurinn hefst. Liðin eru náttúrlega
farin að þekkjast gríðarlega vel
á þessu stigi og jafnvel
farið að kunna inn á kerfi
mótherjanna þannig
að þetta snýst um það
hvort liðið nær í raun
að framkvæma betur
viss tækniatriði. Þú
reynir að framkvæma
þau atriði sem
farið er yfir í undir-
búningnum fyrir
leikina og ef fram-
kvæmdin tekst
ekki upp þá taparðu einfaldlega. Í fyrstu
tveimur leikjunum spiluðum við miklu
betur en þær og í síðasta leik spiluðu þær
miklu betur en við en þegar einvíginu
er lokið kemur í ljós hvort liðið er
betra,“ sagði Jóhannes.
Igor Beljanski, þjálfari Grinda-
víkur, hlakkaði mjög til leiksins
þegar Fréttablaðið heyrði í
honum hljóðið og var bjartsýnn
fyrir hönd liðs síns.
„Þetta verður gríðarlegur
baráttuleikur og liðið sem verður
hungraðra í sigur á eftir að vinna
leikinn og vonandi verður það
Grindavík. Við erum að spila á
heimavelli og ég á von á frábærri
stemningu og frábærum körfu-
bolta,“ sagði Igor.
JÓHANNES ÁRNASON OG IGOR BELJANSKI ÞJÁLFARAR: MÆTAST ÞEGAR KR HEIMSÆKIR GRINDAVÍK Í RÖSTINA Í DAG
Þetta verður sannkallaður háspennuleikur
HANDBOLTI Kvennalandslið Íslands
skipað leikmönnum undir 20 ára
vann glæsilegan 29-27 sigur á Ser-
bíu í undankeppni EM í Digranesi
í gærdag.
Íslensku stelpurnar byrjuðu
leikinn af miklum krafti og kom-
ust fljótlega í 4-1 en þá kom hávax-
ið lið Serbíu til baka og staðan var
jöfn 7-7 þegar stundarfjórðungur
var liðinn af fyrri hálfleik. Leikur-
inn var gríðarlega harður og
greinilegt að leikmenn liðanna
ætluðu að selja sig dýrt. Lið Ser-
bíu var komið með tveggja marka
forskot þegar lítið var eftir af
fyrri hálfleik en íslensku stelp-
urnar gáfust ekki upp og náðu að
jafna leikinn 15-15 á lokasekúnd-
unum með marki frá Söru Sigurð-
ardóttur. Karólína Gunnarsdóttir
var atkvæðamest í fyrri hálfleikn-
um með fjögur mörk en Hildur
Þorgeirsdóttir kom næst með þrjú
mörk. Ólöf Kolbrún Ragnarsdóttir
var frábær í marki Íslands og
varði tólf skot, þar af tvö víti, í
fyrri hálfleik og gaf liðinu tóninn
þegar ekki gekk sem best á síð-
ustu mínútum hálfleiksins.
Síðari hálfleikur byrjaði eins og
sá fyrri þar sem íslensku stelp-
urnar fóru á kostum og hreinlega
keyrðu yfir Serbíu og eftir aðeins
tíu mínútur var staðan orðin 17-21.
Íslensku stelpurnar héldu upp-
teknum hætti og komust mest í sjö
marka mun í stöðunni 27-20 þegar
um tíu mínútur lifðu leiks en loka-
tölur urðu 29-27. Þrátt fyrir að
íslensku stelpurnar hafi misst
aðeins taktinn á lokamínútunum
var sigurinn aldrei í hættu. Ólöf
Kolbrún var valin maður leiksins í
leikslok en hún varði 19 skot.
Stefán Arnarson, þjálfari
Íslands, var ánægður í leikslok.
„Við spiluðum góðan handbolta
og ég get ekki verið annað en sátt-
ur. Við vildum sýna sjálfum okkur
og öllum öðrum hvað liðið er í raun
og veru orðið gott og mér fannst
við gera það,“ sagði Stefán.
omar@frettabladid.is
Baráttusigur hjá Íslandi
U-20 ára kvennalandslið Íslands sigraði Serbíu 29-27 í Digranesi í gær. Íslenska
liðið lagði grunninn að sigri með frábærum leikkafla í upphafi seinni hálfleiks.
SYSTURNAR Fjögur systrapör eru í U-20 ára kvennalandsliðinu, en það eru aðstoðar-
þjálfararnir Hafdís og Guðríður Guðjónsdætur sem standa á endunum, Sunneva og
Hildigunnur Einarsdætur sem standa hlið við hlið, önnur og þriðja frá vinstri, Stella
og Sara Sigurðardætur sem eru fjórða frá vinstri og önnur frá hægri og svo Rut og
Auður Jónsdætur sem standa hlið við hlið, fjórða og þriðja frá vinstri. FRÉTTABLAÐIÐ/ANTON
ÖFLUG Stella Sigurðardóttir átti fínan leik fyrir Ísland í gær og skoraði sex mörk og
þar af voru fjögur úr vítum. FRÉTTABLAÐIÐ/ANTON
Ísland-Serbía 29-27 (15-15)
Mörk Íslands (skot): Karólína Gunn-
arsd. 7 (9), Stella Sigurðard. 6/4
(11/4), Rut Jónsd. 5 (9), Hildur Þor-
geirsd. 3 (8/1), Sara Sigurðard. 2
(2), Hildigunnur Einarsd. 2 (2), Karen
Knútsd. 2 (4), Arna Sif Pálsd. 1 (1),
Auður Jónsd. 1 (6).
Varin skot: Ólöf K. Ragnarsdóttir
19/3 (46/5), 41%.
Hraðaupphlaup: 5 (Hildigunnur 2,
Karólína 2, Rut).
Fiskuð víti: 5 (Karen 2, Stella 2
Arna).
Utan vallar: 10 mínútur.
HANDBOLTI U-20 ára landslið karla
sigraði Belgíu 36-29 í öðrum leik
sínum í undankeppni EM sem
fram fer í Þýskalandi þessa dag-
ana.
Samkvæmt heimasíðu Hand-
knattleikssambands Íslands
náði íslenska liðið góðri for-
ystu strax í upphafi og komst
fljótlega í 6-1 og svo 14-11 en
staðan var 17-12 Íslandi í vil í
hálfleik.
Í seinni hálfleik hélt Ísland
áfram og jók forystu sína
jafnt og þétt en loka-
tölur urðu eins og
segir 36-29.
Rúnar Kárason skoraði 8 mörk,
Oddur Grétarsson 6, Aron Pálm-
arsson 6, Ólafur Gústafsson 5,
Guðmundur Árni Ólafsson 4,
Ásbjörn Friðriksson 2,
Hjálmar Arnarsson 2
og Þröstur Þráins-
son, Anton Rúnars-
son og Þrándur
Gíslason skoruðu 1
mark hver. Svein-
björn Pétursson
varði 8 skot í mark-
inu.
Ísland hefur
þar með unnið
báða leiki sína
í riðlinum til
þessa en liðið
lagði Norð-
menn að velli í
fyrradag. Í dag
mæta íslensku
strákarnir Þjóð-
verjum. - óþ
Íslenska U-20 ára karlalandsliðið sigraði Belgíu:
Með fullt hús stiga
eftir tvo leiki
SÁTTUR
Þjálfarinn
Heimir
Ríkarðsson
getur verið
sáttur með
strákana.
FRÉTTABLAÐIÐ/RÓSA
> Örn í áttunda sæti
Sundkappinn Örn Arnarson úr SH náði áttunda sæti í 50
metra baksundi á EM í Hollandi í gærkvöld. Örn synti þá
á 25,88 sekúndum sem er rétt yfir Norðurlandametinu
sem hann setti í undanúrslitasundinu í fyrradag. Örn var
sæmilega sáttur þegar Fréttablaðið heyrði í honum í gær.
„Það hefði auðvitað ýmislegt getað
gengið betur og alltaf eitthvað sem
maður er ekki 100% sáttur með en
svona á heildina litið þá var þetta alls
ekkert slæmt,“ sagði Örn sem var 0,75
sekúndum á eftir Grikkjanum Aristeidis
Grigoriadis sem sigraði í sundinu.
Örn keppir í 50 metra skriðsundi
á morgun.