Fréttablaðið - 29.03.2008, Blaðsíða 44

29. MARS 2008 LAUGARDAGUR14 ● fréttablaðið ● landið mitt
Halldór Halldórsson mat-
reiðslumeistari á Hótel Horna-
firði býður upp á tilbrigði
við rúgbrauð. Þetta sígilda
íslenska brauð, sem ýmist fæst
nýbakað úr bakaríi eða sjóð-
andi hver, er nú komið í
fínni búning. Eftirréttir
af fínustu gerð skarta
nú rúgbrauðinu góða,
sem kemur verulega á óvart.
Þess vegna er ekki úr vegi að
koma við á Hótel Hornafirði á
leið sinni um landið og fá sér
brauðið fína í spariskartinu.
Kryddað rúgbrauðs-crème
brûlée
fjórar eggjarauður
125 ml mjólk
375 ml rjómi
75 g sykur
100 g Hornafjarðarrúgbrauð
kanilstöng
tvö einiber
tveir negulnaglar
anísstjarna
Aðferð:
Ofninn er hitaður upp í 100 gráður.
Mjólk, rjómi, sykur, rúgbrauð og krydd
sett í pott og suðan látin koma hægt
upp. Blandan er því næst sigtuð. Rjóma-
blöndunni
er blandað hægt
saman við eggjarauðurnar.
Þessu er síðan skipt í 6 form, til dæmis í
fallega bolla. Bakað í vatnsbaði við 100
gráður í 40 mínútur og á 150 gráðum í
5-10 mínútur í viðbót eða þar til hræran
hefur stífnað. Þennan rétt má útbúa
með dags fyrirvara, strá síðan hrásykri
yfir brûleéið og brenna með brennara. Í
þennan rétt finnst Halldóri Hornafjarðar-
rúgbrauðið frá Jóni bakara best en að
sjálfsögðu má prófa aðrar gerðir.
Kryddað rúgbrauðskrap
500 ml vatn
200 g sykur
125 g Hornafjarðarrúgbrauð
kanilstöng
anísstjarna
tvö einiber
tveir negulnaglar
Aðferð:
Suðan látin koma hægt upp á öllu
hráefninu og soðið hægt í um það bil 5
mínútur. Blandan er þá sigtuð og kæld
og fryst.

Rúgbrauðskex
rúgbrauð
2 tsk. flórsykur
1/2 tsk. negulduft
1/2 tsk. kanilduft
1/2 tsk. engiferduft
Aðferð:
Rúgbrauð er skorið í þunnar sneiðar
og flatt út undir smjörpappír ef þurfa
þykir. Sykri og kryddi er blandað saman
og sigtað yfir rúgbrauðið. Þurrkað í ofni
við 100 gráður í fimm til sjö klst. eða þar
til kexið er stökkt.
Rúgbrauðssnúningur á Hornafirði
Halldór Halldórsson
matreiðslumeistari á Hótel
Höfn galdrar fram nýstár-
legt rúgbrauð.