Fréttablaðið - 11.04.2008, Side 28

28 11. apríl 2008 FÖSTUDAGUR
Eftir Magnús Stefánsson
Umræða um Ísland og ESB hefur að mörgu leyti verið
ómarkviss og að undanförnu
markast af ástandi efnahags-
mála. Ýmsar nefndir og starfs-
hópar hafa fjallað um málið og
skilað um það skýrslum, bæði á
vegum opinberra aðila og ann-
arra. Mikið af gögnum liggur því
fyrir um málið. Kallað hefur
verið eftir markvissari og efnis-
legum umræðum um þessi mál,
þar sem m.a. komi fram hvað
hugsanleg aðild að ESB feli í sér
í raun og veru.
Svara þarf ákallinu og færa
umræðuna á nýtt plan. Besta
leiðin til þess er að ríkisstjórnin
sjá til þess að samin verði samn-
ingsmarkmið fyrir Ísland vegna
hugsanlegra aðildarviðræðna við
ESB. Að því verkefni komi stjórn-
málaflokkarnir, aðilar vinnu-
markaðar og fleiri, svo sem sveit-
arfélögin. Samningsmarkmiðin
verði kynnt efnislega og vel fyrir
þjóðinni og í kjölfarið verði efnt
til þjóðaratkvæðagreiðslu þar
sem þjóðin taki afstöðu til þess
hvort Ísland eigi að óska eftir
aðildarviðræðum við ESB á
grundvelli samningsmarkmið-
anna eða ekki. Ef þjóðin segir nei
þá liggur sú afstaða fyrir og
umræðan um málin verður á
þeim forsendum í kjölfarið.
Vinna hefjist sem fyrst
Verði niðurstaðan sú að þjóðin
vilji að farið verði í aðildarvið-
ræður á grundvelli samnings-
markmiðanna, þá óski stjórnvöld
eftir aðildarviðræðum við ESB.
Þegar niðurstaða þeirra liggur
fyrir í aðildarsamningi, verði
hann lagður fyrir þjóðar-
atkvæðagreiðslu þar sem þjóðin
tekur endanlega afstöðu til þess
hvort Ísland verði aðili að ESB á
grundvelli aðildarsamningsins.
Þannig verði það þjóðin sjálf
sem tekur meiriháttar ákvarðan-
ir í málinu. Það er brýnt að þessi
vinna hefjist sem allra fyrst.
Nýlega var skipuð nefnd með
fulltrúum stjórnmálaflokkanna
og aðila vinnumarkaðarins.
Henni er ætlað að fjalla um og
fara yfir þróun mála hjá Evrópu-
sambandinu. Á fyrsta fundi
nefndarinnar var henni gefin sú
forskrift að hún eigi ekki að
senda frá sér neinar tillögur.
Með öðrum orðum er Evrópu-
nefndinni ætlað að vera huggu-
legur teklúbbur þar sem
menn ræða málin án
þess að komast að
nokkurri niðurstöðu
eða gefa stjórnvöld-
um tillögur að því
hvernig best sé að
ráðast í umræðu og
ákvarðanatöku um
Evrópumál. Tvennt
til viðbótar vekur
athygli varðandi
þessa nefnd, annars
vegar það að sveitar-
félögin eiga þar ekki
fulltrúa og hitt að
stjórnarflokkarnir
ákváðu að hafa tvo for-
menn yfir nefndinni!
Þessi nefnd ætti að fá það
hlutverk að gera tillögu um
samningsmarkmiðin.
Eðlilega eru skiptar
skoðanir um margt sem varðar
hugsanlega aðild Íslands að ESB.
Þar má nefna nýtingu auðlinda
hafsins, yfirráð og fiskveiðar í
fiskveiðilögsögu Íslands. Það er
mikilvægt að fyrir liggi hvernig
við viljum að þeim málum verði
háttað, ef til aðildarviðræðna við
ESB kemur.
Samnings-
markmið
hljóta
m.a. að
fela í sér
kröfur
Íslands í
þeim
efnum og
þjóðin þarf
að
þekkja þau markmið. Svo er
einnig um fjölmörg fleiri mál-
efni.
Tveir raunhæfir kostir
Að undanförnu hefur mikið verið
fjallað um gjaldmiðilsmál og
stöðu krónunnar. Æ fleiri hafa
komið fram og lýst þeirri afstöðu
að krónan sé of lítill og veikur
gjaldmiðill og því þurfi að taka
upp annan gjaldmiðil. Aðrir hafa
nefnt hugmyndir um að taka upp
aðra gjaldmiðla í stað krónunnar
og þar með lýst þeirri skoðun að
krónan sé ekki framtíðargjald-
miðill okkar. Meðal hugmynda
um aðra gjaldmiðla í stað krón-
unnar er evra, norsk króna,
svissneskur franki og jafnvel
samstarf við hin Norðurlöndin
um sameiginlega norræna krónu.
Afstaða greinarhöfundar er sú
að tveir kostir séu raunhæfir og
skynsamlegir.
Þegar rætt er um að taka upp
annan gjaldmiðil í stað krónunn-
ar verður að horfa áratugi fram í
tímann og meta hagsmuni
Íslands út frá því. Þessir tveir
kostir eru annars vegar að halda
krónunni eða taka upp evru. Sá
kostur kallar hins vegar á að
Ísland gangi í ESB og verði aðili
að Efnahags- og myntbandalagi
Evrópu. Þessi mikilvægu mál
verður að ræða efnislega sam-
hliða umfjöllun um samnings-
markmið.
Lýðræðisleg aðferð
Greinarhöfundur hefur hér með
ekki tekið þá afstöðu að Ísland
eigi að ganga í ESB. Hins vegar
bera stjórnmálamenn nútímans
þá ábyrgð að fjalla um langtíma-
hagsmuni þjóðarinnar og vinna
að því að þeim verði sem best
borgið, meðal annars er varðar
Evrópusambandið.
Það er mikilvægt að nálgast
umræðu um þessi mál með
opnum huga og á frjálslyndan
hátt, því um einhverja mikilvæg-
ustu framtíðarhagsmuni þjóðar-
innar er að ræða. Það er lýðræðis-
leg aðferð að fela þjóðinni að
taka afstöðu til þess hvort óska á
eftir viðræðum um hugsanlega
aðild Íslands að ESB, að undan-
genginni upplýstri umræðu um
málið. Um það ættu allir að geta
orðið sammála.
Höfundur er þingmaður
Framsóknarflokksins.
Þjóðin hafi síðasta orðið
EVRÓPUSAMBANDIÐ – Hvað er til ráða?
1. Hverjir eru helstu kostir við Evrópusambandsaðild?
2. Hverjir eru helstu gallar við Evrópusambandsaðild?
3. Hvað er til ráða?
3.1. Á að hafna aðild umsvifalaust?
3.2. Á að bíða og sjá til?
3.3. Á að sækja um aðild umsvifalaust?
3.4. Á að gera efnahagslegar og stjórnskipulegar ráðstafanir með
það að markmiði að taka ákvörðun af eða á um aðildarumsókn
eftir tiltekinn tíma, til dæmis innan þriggja ára?
Með öðrum orðum er Evrópunefndinni ætlað að vera huggu-
legur teklúbbur þar sem menn ræða málin án þess að komast að
nokkurri niðurstöðu...
Þú getur valið um að taka þátt í átta
ólíkum málstofum:
&Þú ég&Akureyri!
Íbúalýðræði
Framsaga: Ágúst Þór Árnason
Umræðustjóri: Margrét Guðjónsdóttir
Mengun, umferð
og lýðheilsa
Framsaga: Pétur Halldórsson
Umræðustjóri: Kristín Sóley Sigursveinsdóttir
Göngu- og hjólreiðastígar
Framsaga: Guðmundur Haukur Sigurðarson
Umræðustjóri: Inga Þöll Þórgnýsdóttir
Lýðheilsa og skipulag
Framsaga: Matthildur Elmarsdóttir
Umræðustjóri: Karl Guðmundsson
Hæglætisbær eða
heimsborgarbragur?
Framsaga: Hólmkell Hreinsson
Umræðustjóri: Katrín Björg Ríkarðsdóttir
Vistvernd í verki –
allra hagur
Framsaga: Stella Árnadóttir
Umræðustjóri: Gunnar Gíslason
Að eldast á Akureyri
Framsaga: Sigrún Sveinbjörnsdóttir
Umræðustjóri: Þórgnýr Dýrfjörð
Akureyri – fjölskylduvænt
samfélag
Framsaga: Jan Eric Jessen
Umræðustjóri: Sigríður Stefánsdóttir
Sigrún Björk Jakobsdóttir, bæjarstjóri, setur Lýðræðis-
daginn kl. 13.00 með stuttu ávarpi og síðan hefst vinnan í
málstofunum. Að þinginu loknu, upp úr kl. 16.00, mun
María Sigurðardóttir, nýr leikhússtjóri Leikfélags
Akureyrar, sjá um að slíta samkomunni á viðeigandi hátt.
Skorað er á Akureyringa að fjölmenna
og taka þátt í líflegum umræðum
um bæinn sinn.
Lýðræðisdagurinn 2008
Staður: Brekkuskóli
Tími: Laugardaginn 12. apríl kl. 13-17
Vilt þú breyta einhverju
í bænum þínum?
Býrðu yfir hugmyndum
sem gætu orðið til góðs?
Gerum íbúalýðræðið virkt og tökum öll
þátt í Lýðræðis deginum 2008 sem haldinn
verður í Brekkuskóla frá kl. 13.00-17.00
laugardaginn 12. apríl
Taktu þátt í að skapa
ennþá betri bæ!
B
AR
NAP
ÖSSUN
KAFFIVEITI
NG
AR