Fréttablaðið - 13.04.2008, Síða 2

2 13. apríl 2008 SUNNUDAGUR
LÖGREGLUMÁL Öryggisvörður
þurfti að leita á slysadeild í gær-
morgun eftir stimpingar við
nokkra menn í verslun 10-11 í
Austurstræti. Hann er með
áverka í andliti en er ekki alvar-
lega slasaður. Lögregla á von á
kæru vegna málsins.
Að sögn varðstjóra lögreglu
fékk lögreglan tilkynningu um
slagsmál í versluninni skömmu
fyrir klukkan sex. Þegar lög-
reglumenn komu á vettvang voru
slagsmálahundarnir á bak og
burt, en þær upplýsingar feng-
ust hjá starfsfólki verslunarinn-
ar að sex ungir menn hefðu ráð-
ist inn í verslunina og veist að
þremur öryggisvörðum. Allir
voru marðir og einn leitaði á
slysadeild. Ekki er vitað hverjir
voru að verki.
Um síðustu helgi slasaðist
öryggisvörður í sömu verslun
alvarlega þegar hann var sleginn
með flösku í höfuðið. Hann var á
gjörgæslu um tíma eftir að blæða
tók inn á heila.
Sigurður Reynarsson, fram-
kvæmdastjóri 10-11, hafði heyrt
af málinu þegar Fréttablaðið tal-
aði við hann. „Þessi búð er nátt-
úrlega stödd í miðbæ Reykjavík-
ur þar sem er hasar,“ segir hann.
„Það koma upp aðstæður öðru
hvoru þar sem þarf að róa mann-
skapinn og við erum við því
búnir.“ Alvarleg árás eins og sú
um síðustu helgi sé einsdæmi –
yfirleitt sé aðeins um minni
háttar ryskingar að ræða. - sh
Öryggisvörður leitaði á slysadeild eftir ryskingar við ölvaða miðbæjargesti:
Aftur veist að öryggisvörðum
10-11 Í AUSTURSTRÆTI Verslunin er opin
allan sólarhringinn og mikil eftirspurn er
eftir þjónustunni, að sögn framkvæmda-
stjóra. FRÉTTABLAÐIÐ/VALLI
NOREGUR Óperuhúsið í Osló var
vígt í gær að viðstöddu fjölmenni.
Bygging hússins, sem er úr
hvítum marmara og virðist rísa
úr hafi við Oslófjörð, kostaði hátt
í 62 milljarða íslenskra króna en
skreytingar að innan tæpar 900
milljónir.
Með vígslu hússins er 120 ára
draumur norskra tónlistarunn-
enda, sem hingað til hafa hlýtt á
óperur í gömlum leikhúsbygging-
um, orðinn að veruleika.
Óperuhúsið er auk þess stærsta
hús sem hefur verið reist undir
menningarstarfsemi í landinu í
um 700 ár. - ve
Óperuhúsið í Ósló vígt:
Húsið kostaði
60 milljarða
OLÍUFÉLÖGIN „Það er óhætt að segja
að sala á steinolíu hafi aukist og
nokkuð ljóst að sumir eru ekki að
spila þetta eins og á að gera. Menn
eru klárlega að misnota
reglugerðir með því að drýgja dís-
ilolíuna,“ segir Egill Daníelsson,
vélfræðingur og umsjónarmaður
smurefna hjá Olís.
Reglugerðir segja til um að
notkun steinolíu sé bönnuð á
venjulegar dísilvélar. Ingvi Ingva-
son, rekstrarstjóri bensínstöðva
Skeljungs, segir sölu á steinolíu
hafa aukist talsvert upp á síðkastið,
en að sú aukning gæti einnig verið
tilkomin vegna mikilla frosta í
vetur. Hann telur að varkárni sé
þörf við notkun hennar. „Steinolía
er frostþolnari er dísilolía og við
mælum með henni í vélar sem eru
hannaðar fyrir slíka tegund af
olíu, en ekki aðrar vélategundir.
Slíkt gæti meðal annars valdið
vandræðum varðandi verksmiðju-
ábyrgð á nýjum bílum.“
Nokkur brögð munu hafa verið
að því að bíleigendur sæki í stein-
olíu vegna lágs verðs, en um hana
gilda aðrir og lægri tollar en dísil-
olíu. Stefán Ásgrímsson, ritstjóri
blaðs og vefs Félags íslenskra bif-
reiðaeigenda (FÍB), segir að um
klárt lögbrot sé að ræða í því efni.
„Dísilvélar ganga á matarolíu,
lýsi og alls kyns olíu, og vissulega
gengur það tæknilega séð að fylla
þær af steinolíu, en ef menn nota
aðra olíu en þá sem er leyfileg eru
þeir farnir að brjóta lögin. Það er
ekki vegaskattur á steinolíu, og
olíugjaldið er vegaskatturinn,
þannig að menn eru ekki að borga
leigu fyrir nota vegina. Að sjálf-
sögðu eru skiptar skoðanir á því
hvað mönnum finnst um vega-
gjöldin og hvort of lítið af þeim
fari í vegina, en maður lagar ekki
svona hluti með því að brjóta
lögin. Lýðræðislega séð er það
mjög slæmt mál,“ segir Stefán.
Leó M. Jónsson, iðnaðar- og
vélatæknifræðingur, segir að
mikil mengun fylgi notkun á stein-
olíu, auk þess sem hún geti farið
illa með bíla, einkum nýja og
nýlega.
„Brennisteinsmagnið í stein-
olíunni er meira en leyfilegt er í
dísilolíu og það orsakar meiri
mengun. Menn gera þetta á eigin
ábyrgð og með gamla dísilbíla
með eldri gerð af olíuverki ætti
þetta ekki að skaða, en ég ráðlegg
engum sem er á nýjum bíl með
tölvustýrðu vélakerfi að nota
steinolíu, og alls ekki þeim sem
eiga bíla sem eru í ábyrgð,“ segir
Leó. kjartan@frettabladid.is
Gruna bíleigendur um
að misnota steinolíu
Starfsmenn olíufélaga grunar að bíleigendur misnoti reglugerðir um steinolíu
vegna lægra verðs. Sala á steinolíu hefur aukist umtalsvert upp á síðkastið.
Notkun hennar getur varðað við lög og skemmt bílvélar.
MISNOTKUN Notkun steinolíu á venjulegar dísilvélar getur varðað við lög og skemmt vélar í bílum. FRÉTTABLAÐIÐ/GVA
LÖGREGLUMÁL Karlmaður á
sextugsaldri réðst á lögreglumann
á bensínstöð N1 við Hringbraut um
klukkan sjö í gærmorgun.
Lögreglumaðurinn hlaut áverka í
andliti og á hálsi sem gætu haldið
honum frá vinnu í einhvern tíma,
að sögn varðstjóra.
Tveir lögreglumenn höfðu
afskipti af manninum þar sem
hann svaf í bíl sínum fyrir utan
bensínstöðina. Hann brást illa við
afskiptunum og réðst á annan
lögregluþjóninn. Maðurinn var í
annarlegu ástandi, og á brotaferil
að baki. Hann var yfirheyrður í
gær eftir að hafa sofið úr sér í
fangaklefa. - sh
Vaknaði með andfælum:
Veitti lögreglu-
þjóni áverka
LÖGREGLUMÁL Lögreglunni barst í
gærmorgun tilkynning frá
blaðbera um að maður væri
fastur í skotti bíls við Miklubraut.
Blaðberinn hafði heyrt manninn
hrópa á hjálp, berjast um og
sparka í bílinn að innan.
Lögregla kom á vettvang og
fann rúmlega tvítugan mann í
afar annarlegu ástandi í skottinu.
Hann sagðist enga hugmynd hafa
um það hvernig hann endaði í
skottinu. Haft var samband við
eiganda bílsins, sem kom
sömuleiðis af fjöllum. Skottbúinn
og eigandinn þekktust ekki og
málið verður ekki rannsakað
frekar að sögn varðstjóra. - sh
Vaknaði fastur í skotti bíls:
Annarlegur í
annars skotti
SKIPULAGSMÁL Verið er að rífa
slippinn við Mýrargötu í Reykja-
vík en í skipulagi borgarinnar um
Mýrargötu- og slippsvæði er gert
ráð fyrir íbúðarbyggð á svæðinu.
Þó mun Daníelsslippur standa þó
að þaðan hafi bátur ekki verið
bættur frá því haustið 2006. Hans
nýja hlutverk er hins vegar að
finna hjá sjóminjasafninu sem
hefur tekið hann yfir.
Gert er ráð fyrir um 200 íbúðum
á svæðinu sem sumar hverjar
verða alveg við sjó en í skipulag-
inu er einnig gert ráð fyrir
atvinnuhúsnæði og reynt að
þrengja ekki um of að athafna-
svæði hafnarinnar. - jse
Framkvæmdir við Mýrargötu:
Slippurinn fer
VERIÐ AÐ RÍFA SLIPPINN Slippurinn
víkur fyrir íbúðarbyggingu en um 200
íbúðir verða byggðar á svæðinu.
SAMBÍA, AP Leiðtogar ríkja í sunnanverðri Afríku
hittust á neyðarfundi í gær til að ræða ástandið
sem skapast hefur í Simbabve í kjölfar forseta-
kosninganna í landinu. Þeim gafst ekki færi á að
beita Robert Mugabe, forseta Simbabve, þrýstingi,
þar sem hann sniðgekk fundinn.
Fundurinn þykir til marks um að brestir séu
komnir í þá samstöðu sem hingað til hefur ríkt um
Mugabe meðal leiðtoga nágrannaríkjanna. Mugabe
hefur ríkt yfir landinu í 28 ár, lengst allra þjóðar-
leiðtoga í sunnanverðri Afríku.
Thabo Mbeki, forseti Suður-Afríku, flaug til
fundar við Mugabe í Harare, höfuðborg Simbabve,
áður en hann mætti á leiðtogafundinn. Að honum
loknum sagði Mbeki stjórnarkreppu ekki ríkja í
landinu. Levy Mwanawasa, forseti Sambíu, sagði
hins vegar í opnunarræðu fundarins að nauðsyn-
legt væri að binda enda á óvissuna í Simbabve.
Í þingkosningunum 29. mars tapaði flokkur
Mugabe meirihluta í fyrsta sinn síðan árið 1980.
Engar niðurstöður hafa verið birtar úr forseta-
kosningum sem fram fóru samtímis. Óformlegar
talningar benda til ósigurs Mugabe, en það
viðurkennir hann ekki. Stjórnarandstöðuleiðtoginn
Morgan Tsvangirai hefur hins vegar lýst yfir
sigri. - sh
Leiðtogar nágrannaríkja Simbabve lýsa áhyggjum af stöðunni í landinu:
Mugabe sniðgekk neyðarfund
HARARE Í GÆR Thabo Mbeki, forseti Suður-Afríku, fundaði
með Mugabe í Harare fyrir leiðtogafundinn. FRÉTTABLAÐIÐ/AP
„Kristján, eruð þið búnir að
leita til olíufélaganna?
„Nei, því við erum að kalla eftir
siðlegu og löglegu samráði.“
Kristján Gunnarsson, formaður Starfs-
greinasambandsins, segir að verka-
lýðshreyfingin hafi kallað eftir víðtæku
samráði við stjórnvöld og vinnuveitendur
en án árangurs.
SLYS Maður á þrítugsaldri liggur
þungt haldinn á gjörgæsludeild
eftir vélhjólaslys skammt frá
Blönduósi síðdegis í gær. Hann er
mað alvarlega höfuðáverka og er
haldið sofandi í öndunarvél.
Maðurinn var að leik á hjólinu í
malarbingjum nálægt afleggjar-
anum til Skagafjarðar þegar hann
datt og varð undir hjólinu. Þyrla
Landhelgisgæslunnar var send
eftir manninum og flutti hún
hann á slysadeild Landspítalans í
Fossvogi. Þangað var hann
kominn um klukkan sex. Enn var
verið að rannsaka áverka
mannsins í gærkvöldi. - sh
Datt og varð undir hjóli:
Vélhjólamaður
þungt haldinn
Féll af vélhjóli við Esjurætur
Maður slasaðist er hann féll af vélhjóli
sínu á 40 til 50 kílómetra hraða við
Esjurætur á þriðja tímanum í gær.
Sjúkrabíll sótti manninn, sem kenndi
sér meins í brjóstkassa. Talið er að
hann sé rifbeinsbrotinn.
LÖGREGLUFRÉTTIR
SPURNING DAGSINS