Fréttablaðið - 13.04.2008, Síða 12

12 13. apríl 2008 SUNNUDAGUR
timamot@frettabladid.is
Marína er ný þjónustumiðstöð fyrir
ferðamenn skemmtiferðaskipa á Ak-
ureyri. Þar var áður gamalt verk-
stæði sem síðan var gert upp og hýsti
skemmtistaðinn Oddvitann um árabil.
Nú mun Dóróthea Jónsdóttir nýta
húsið undir fjölbreytta starfsemi en
hún hefur undanfarna mánuði stað-
ið í undirbúningi. „Húsnæðið mun
meðal annars hýsa þjónustu fyrir er-
lenda ferðamenn þar sem handverk og
minjagripir verða í hávegum hafðir,“
segir Dóróthea, sem er vel kunnug ís-
lensku handverki sem framkvæmda-
stjóri handverkssýningarinnar á
Hrafnagili síðastliðin tvö ár. „Húsið
er vel staðsett niðri við höfn þar sem
skemmtiferðaskipin stoppa og við
ætlum að leggja áherslu á að kynna
þjóðlegt handverk fyrir ferðamönn-
um,“ segir Dóróthea, en í húsinu verð-
ur einnig aðstaða fyrir handverksfólk
til að sýna vinnu sína. Einnig munu
ferðamenn geta nálgast upplýsing-
ar um dagskrá í bænum og hvað hægt
er að gera í nágrenninu, auk þess sem
þjóðlegar veitingar eins og rúgbrauð
og flatbrauð með hangikjöti verða á
boðstólum. „Við ætlum að spila þetta
eftir eyranu en sjáum fyrir okkur að
ferðamenn fái nasasjón af íslenskri
matarhefð. Síðan ætlum við jafnvel að
bjóða upp á íslenska kjötsúpu líka.“
Það er auðheyrt á Dórótheu að henni
er annt um íslenska menningu og
handverk og vill að því sé komið vel á
framfæri. „Ég veit hvar maður finnur
fallega minjagripi og ég vil skapa vett-
vang fyrir handverksfólk til að selja
vörur sínar. Sjálf hef ég sótt fjölda
handverksnámskeiða og er búin að
koma mér í samband við aðila víða. Ég
vil sýna útlendingum hvað við eigum
stórmerkilega hluti í handverkinu.“
Í dag er fyrsti markaðsdagur sum-
arsins og markmiðið er að hafa slíka
daga aðra hverja helgi í sumar. „Til að
byrja með verður þetta opið þannig
að fólk geti komið með notað og nýtt.
Fólk sem er að flytja búferlum og þarf
að losna við eldhússtólana getur selt
þá hér og svo aðrir sem flytja inn til
dæmis skartgripi og snyrtivörur svo
hér verður allt mögulegt í bland.“
Dóróthea segir að markmiðið sé að
skapa líflegan fjölnota stað sem geti
nýst sem flestum. Dagskráin er rétt
að fara í gang en á döfinni eru ýmsar
spennandi uppákomur. „Margir vilja
endurvekja gömlu KEA-stemming-
una eða dansiböllin sem lauk klukk-
an tvö. Næstu helgi ætla ég að prófa
það með sýningunni Gráu hárin heilla
og hér verður leikin tónlist í anda sjö-
unda áratugarins. Gestur Einar út-
varpsmaður verður kynnir og Helena
Eyjólfs verður meðal söngvara. Svo
hingað getur fólk komið og rifjað upp
Bítlaárin.“ heida@frettabladid.is
ÞJÓNUSTUMIÐSTÖÐIN MARÍNA: OPNUÐ Á AKUREYRI Á GAMLA ODDVITANUM
Líflegur staður með handverk
ÞJÓÐLEGT HANDVERK Dóróthea Jónsdóttir býður ferðamönnum upp á íslenskt handverk og stendur fyrir uppákomum á Oddeyrinni á Akureyri.
MYND/ÖRLYGUR
Þökkum auðsýnda samúð og vinarhug við
andlát og útför eiginmanns míns, föður
okkar, tengdaföður, afa, sonar og bróður,
Jóhannesar Sævars
Jóhannessonar
frá Vestmannaeyjum, Suðurtúni 19,
Álftanesi.
Sérstakar þakkir fá Gréta Konráðsdóttir djákni,
Sverrir Björn Björnsson, Slökkvilið höfuðborgar-
svæðisins og IOOF-Ingólfur.
Ágústa G. M. Ágústsdóttir
Svava Jóhannesdóttir
Alda Lára Jóhannesdóttir Halldór Klemenzson
Jóhanna María, Þórunn Ágústa, Ella og Anna Lillý
Þórunn Alda Björnsdóttir og systkini hins látna.
Við þökkum innilega öllum þeim, er sýndu
okkur vinarhug og samúð vegna andláts og
útfarar móður okkar, tengdamóður, ömmu
og langömmu,
Hrefnu Magnúsdóttur
frá Litladal,
sem jarðsungin var frá Munkaþverárkirkju, laugar-
daginn 5. apríl sl.
Snæbjörg Bjartmarsdóttir Ólafur Ragnarsson
Kristján Bjartmarsson Halldóra Guðmundsdóttir
Jónína Bjartmarsdóttir
Benjamín Bjartmarsson Ólöf Steingrímsdóttir
Fanney Bjartmarsdóttir Bert Sjögren
Hrefna Bjartmarsdóttir Aðalsteinn Jónsson
barnabörn og barnabarnabörn.
Elskulegur eiginmaður minn, faðir okkar,
tengdafaðir, afi og langafi,
Sigurður S. R. Markússon
vöruflutningabílstjóri, Ægisvöllum 10,
Keflavík,
lést á heimili sínu 11. apríl. Jarðarförin auglýst síðar.
Elín Óla Einarsdóttir
Kristín R. Sigurðardóttir
Þórunn Sigurðardóttir Grétar Ólason
Katrín Sigurðardóttir Klemenz Sæmundsson
barnabörn og barnabarnabarn.
Við sendum öllum þeim innilegar þakkir
sem sýndu okkur hlýhug og samúð við
andlát og útför elskulegrar móður okkar,
ömmu og langömmu,
Guðrúnar Lilju
Halldórsdóttur
íþróttakennara, Barðaströnd 10,
Seltjarnarnesi,
sem lést þann 17. mars sl.
Örn Ármann Sigurðsson
Halldór Ármann Sigurðsson
Anna Sigurbjörg Sigurðardóttir
Magnús Ármann Sigurðsson
barnabörn og barnabarnabörn.
Þökkum auðsýnda samúð og hlýhug við
andlát og útför ástkærs eiginmanns míns,
föður okkar, fósturföður, tengdaföður og
afa,
Nicolai Gissurar
Bjarnasonar
Stekkjargötu 53, Innri Njarðvík.
Svanhildur Einarsdóttir
Ingvar Gissurarson Margrét Hallgrímsdóttir
Anton Gylfason
Ingvar Gylfason Sigríður Erna Geirmundsdóttir
og barnabörn.
Elskuleg móðir okkar,
tengdamóðir og amma,
Pálína Guðmundsdóttir
Birkimel 10, Reykjavík,
verður jarðsungin frá Neskirkju mánudaginn 14. apríl
kl. 15.00.
Kristín Björk Friðbertsdóttir
Friðbert Friðbertsson Soffía Huld
Friðbjarnardóttir
Njáll Trausti Friðbertsson Guðrún Gyða Hauksdóttir
Jóhann Grímur Friðbertsson Kristine Feldthus
og ömmubörn.
MERKISATBURÐIR
1203 Guðmundur Arason hinn
góði er vígður Hólabiskup.
1412 Yfir tuttugu ensk skip far-
ast í illviðri hér við Ís-
landsstrendur.
1565 Danakonungur staðfestir
Stóradóm, löggjöf um sið-
ferðisbrot.
1741 Hollendingar mótmæla
lélegu brauði.
1844 Jón Sigurðsson er kosinn
á þing á sínum fyrsta kjör-
fundi með 50 af 52 at-
kvæðum.
1983 Harold Washington er
kosinn fyrsti þeldökki
borgarstjóri Chicago-
borgar.
1979 Lengstu tvíliðakeppni
í borðtennis lýkur eftir
hundrað og eina klukku-
stund.
Jóhannes S. Kjarval var einn
ástsælasti myndlistarmað-
ur þjóðarinnar en hann
fæddist árið 1885 í Efriey í
Skaftafellssýslu. Áhugi hans
á myndlist gerði snemma
vart við sig og þegar hann
flutti til Reykjavíkur sautján
ára unglingur teiknaði hann
hvenær sem færi gafst.
Hann vann fyrir sér með
sjómennsku og árið 1911
sigldi hann til London til að
reyna inngöngu í listaskóla.
Hann fékk ekki inngöngu
en ári síðar komst hann inn
í Konunglega listháskólann
í Kaupmannahöfn. Hann
flutti aftur heim 1922 með
konu sinni Tove og börn-
um en þau skildu og Tove
flutti með börnin aftur til
Kaupmannahafnar. Kjarval
tók hlutverk sitt sem lista-
maður á Íslandi alvarlega og
dvaldi löngum stundum úti
í náttúrunni einn og mál-
aði. Hann málaði oft marg-
ar myndir af sama lands-
laginu en hann sagði að list
sín væri innifalin í mótíf-
inu. Hann gæti málað sama
mótífið aftur og aftur því
það liti aldrei eins út í mis-
munandi veðrum. Margir
segja að Kjarval hafi kennt
þjóðinni að meta fegurðina í
mosanum og hraungrjótinu.
ÞETTA GERÐIST: 13. APRÍL 1972
Listin mín er innifalin í mótífinu
GARY KASPAROV SKÁKMEISTARI
ER 45 ÁRA Í DAG.
„Skák er andleg pynting. Ég
á erfitt með að ímynda mér
lífið án skákíþróttarinnar.“
Gary Kasparov er rússneskur,
fyrrverandi heimsmeistari í
skák, rithöfundur og pólitískur
aðgerðasinni.