Fréttablaðið - 13.04.2008, Page 68

Sælkeramatur SAÐSÖM SÚPA
12 matur
Petrína Rós Karlsdóttir hefur kennt matreiðslu í Kvöld-skóla Kópavogs í um áratug,
með áherslu á suðrænan, léttan og
einfaldan heimilismat og njóta
námskeiðin mikilla vinsælda. En
eldamennskuna lærði hún meðan
hún var búsett í Suður-Frakklandi í
þrettán ár.
Vegna áherslu sinnar á suðræn-
an og einfaldan heimilismat telur
hún mikilvægt að elda eftir ein-
földum uppskriftum og nýta hrá-
efni til hins ýtrasta áður en þau
fara til spillis.
Petrína Rós lumar einmitt á upp-
skrift að ljúffengum rétti, nánar
tiltekið brauðsúpu, sem fangar þá
hugsun að nota það sem til er á
heimilinu. En hún á einmitt góðar
minningar um brauðsúpu frá því í
æsku. „það voru bara ákveðnir
matseðlar hérna áður fyrr og
brauðsúpan var eitt af því sem
eldað var að minnsta kosti einu
sinni í mánuði“, segir Petrína Rós,
sem var hrifin af brauðsúpunni
þegar hún var yngri en viðurkenn-
ir að borða hana sjaldan í dag. „Því
má segja að þessi uppskrift hafi
verið ákveðin áskorun því í dag er
svo margt í boði og það verður að
vera freistandi,“ bætir hún við.
Brauðsúpa Petrínu Rósar er allt
í senn suðræn, framandi en þó
trygg upprunanum. Til að gera
hana hollari notaði hún speltbrauð
og heimabakað brauð, þurrkaða
ávexti í stað púðursykurs,
appelsínu- og sítrónusafa. Punktur-
inn yfir i-ið er svo hindberja- og
súkkulaðisulta sem hrærð er út í.
Súpan er umfram allt saðsöm og
frekar hugsuð sem eftirréttir á
tyllidögum en hverdagsleg súpa,
sem gott er að borða heita með
mjólk eða þeyttum rjóma.
Suðræn og seiðandi
Petrína Rós hefur kennt suðræna matargerð í um tíu ár.
250 gr rúgbrauð eða brauð-
afgangar (tilvalið að nota spelt
rúgbrauð, seytt rúgbrauð,
spelt brauð eða heimabakað
brauð með spelti)
1 l vatn
1 tsk. maldonsalt
safi úr ½ sítrónu
safi úr ½
appelsínu
½ kanillstöng
1-2 dl maltöl
50-100 g rúsínur
100 g þurrkaðir ávextir, epli,
sveskjur og apríkósur, döðlur
100 g ristaðar kókosflögur
Leggið brauðið í bleyti í vatn
í nokkra klukkutíma.
Sjóðið brauð í vatni,
síið í gegnum sigti
og hitið það aftur.
Setjið þá sítrónu-
sneiðar með. Bætið
rúsínum og þurrkuðum
ávöxtum út í og bragðbætið
súpu svo með maltiöl, sítrónu-
safa og appelsínusafa.
Hver og einn verður að búa yfir
leyndarmáli til þess að gera
súpuna ljúffengari að sögn
Petrínu Rósar, en hennar
leyndarmál felst í því að bæta
sultu eða marmelaði út í hana.
Eða eins og í þessu tilviki
hindberjasultu með svörtu
súkkulaði.
BRAUÐSÚPA ROYALE – TYLLIDAGA BRAUÐSÚPA
BRAUÐSÚPA
Petrína Rós Karlsdóttir lumar á uppskrift að ljúffengri brauðsúpu.
Suðræn brauðsúpa með
þeyttum rjóma.
F
R
É
T
TA
B
L
A
Ð
IÐ
/A
N
T
O
N