Fréttablaðið - 13.05.2008, Qupperneq 22

[ ]Línuskautahlaup er heilsurækt fyrir alla fjölskylduna. Fyrst skal þó æfa sig vel að bremsa áður en farið er út á stígana.
Alþjóðlegur dagur hjúkrunar er
í dag og því beinast sjónir okk-
ar að starfi hjúkrunarfæðinga.
Ragnheiður Ósk Erlendsdóttir
er ein þeirra. Hún starfar hjá
Miðstöð heilsuverndar barna.
„Sex H heilsunnar er skemmti-
legt grunnskólaverkefni sem við
hófum í haust í grunnskólum í
samstarfi við Lýðheilsustöð. Það
byggist á fræðslu á heilsutengdu
þáttunum hreyfingu, hollustu,
hvíld, hreinlæti, hamingju og
hugrekki. Síðan þegar krakkarnir
fara í 6. bekk kemur talan sex inn
í og þá bætist kynfræðslan við.
Þetta er allt mjög táknrænt og
það er eitt þema fyrir hvern
árgang,“ segir Ragnheiður „Við
reynum að hafa fræðsluna stutta
og hnitmiðaða og blöndum saman
upplýsingum, myndefni og verk-
legum æfingum. Í framhaldinu fá
foreldrar send bréf heim svo þeir
geti stutt við þennan heilbrigða
lífsstíl sem verið er að kenna.“
Það eru skólahjúkrunarfræð-
ingar sem sinna fræðslunni og
Ragnheiður segir markiðið að
koma henni í alla grunnskóla
landsins. Beðin að lýsa verkefn-
unum aðeins nánar segir hún: „Í
vor erum við með hjálmafræðslu
fyrir litlu börnin. Erum þá með
egg sem fer inn í lítinn hjálm og
sýnum hvernig hjálmurinn ver
eggið. Í tannfræðslunni fá börnin
tannbursta og þegar fjallað er um
hreyfingu eru þau látin kanna
hjartsláttinn og finna hvað hreyf-
ing gerir fyrir líkamann.“
Hollur skyndibiti kemur við
sögu í tímum að því er Ragnheið-
ur lýsir, hvað börnin eigi að velja
sér á pitsuna og fleira í þeim dúr.
Þetta þarf hún að skýra nánar.
„Þar erum við með samanburðar-
myndir, pitsu með pepperóní og
aðra með skinku og grænmeti og
það reynist vera helmingi meiri
fita í pepperónípitsunni en hinni.
Við erum að reyna að fá þau til að
skilja að létta valið er rétta
valið.“
Nú er fyrsti veturinn að líða
sem verkefnið hefur verið í skól-
unum og markmiðið var að 70%
barna fengju fræðslu þennan
vetur að sögn Ragnheiðar. „Það
er alveg að hafast og við erum
mjög ánægð með þann árangur,“
segir hún en hvernig skyldu hug-
rekkis- og hamingju pakkarnir
vera? „Þegar hugrekkið er til
umfjöllunar þá koma vímuefnin
til tals, tóbak og áfengi. Í stað
þess að sýna hryllingsmyndir
tengda þeim þá reynum við að
styrkja sjálfstraust krakkanna og
sjálfsmynd. Kynna þeim hvað
félagsþrýstingur er og hvaða ein-
kenni fylgja því þegar einhver er
að fá þá til að gera eitthvað sem
þeir vilja ekki. Kenna þeim að
taka ákvörðun,“ segir Ragnheið-
ur og bætir við að lokum. „Þetta
er mjög fjölþætt. Heildarmark-
miðið er að byggja upp sterka
einstaklinga sem vilja lifa heil-
brigðu lífi.“ gun@frettabladid.is
Heildarmarkmiðið að
byggja upp hraust fólk
Ragnheiður var einmitt á ráðstefnu um hjúkrun þegar hún var beðin að bregða sér
út fyrir dyr í myndatöku. FRÉTTABLAÐIÐ/ARNÞÓR
Reiki
Heilunar- og sjálfsstyrkingarnámskeið RVK
Kvöld- og helgarnámskeið í boði,
næstu námskeið eru:
FYRIR BÆTTA LÍÐAN OG BETRI STJÓRN Á LÍFI ÞÍNU
Guðrún Óladóttir
reikimeistari og hómópati
I. stig helgarnámskeið
17. – 18. maí
Síðasta helgarnámskeiðið í bili
II. stig kvöldnámskeið
19. – 21. maí Pantanir í síma 553 3934,
milli kl. 10 og 13 virka daga.
Pantanir óskast staðfestar.
Borðaðu
þig granna(n)
Nánari upplýsingar
Sími 865-8407
www.vigtarradgjafarnir.is