Fréttablaðið - 13.05.2008, Side 38

13. MAÍ 2008 ÞRIÐJUDAGUR14 ● fréttablaðið ● híbýli - svefnherbergi
Svíf þú í svefninn
Stundum eiga litlu krílin okkar erfitt með að festa svefn og þarf þá að
grípa til ýmissa ráða. Fyrir utan mjólkurglas, vögguvísur og ýmis
húsráð er hægt að fá alls konar hluti til að auðvelda börnum
að sofna. Hér gefur að líta nokkrar nytsamlegar
hjálparhellur sem nálgast má auð-
veldlega í búðum bæjarins.
Mjúkur lampi með mánaskini. Þessi krúttlegi
bangsalampi frá franska fyrirtækinu Kaloo
er tilvalið náttljós fyrir börn og gefur frá
sér hlýja birtu. Ljósið lýsir í sex klukku-
stundir og fæst á 8.550 krónur í versluninni
Völuskríni á Laugavegi.
Tuskudýr frá Kaloo til að kúra hjá og
sjúga endana á. Endarnir á tuskunni
eru hnýttir í þeim tilgangi að litlir
gómar geti róað sig með því
að japla á þeim og sjúga.
Tuskurnar má þvo á
þrjátíu gráðum og
setja í þurrkara.
Þær eru gerðar
úr hágæðaefn-
um og upp-
fylla helstu
gæðakröfur
og umhverfis-
viðmið.
Tuskudýrin
fást hjá
versluninni
Völuskríni og
kosta frá 2.550
krónum.
Margrét Guðnadóttir er
orðin víðfræg fyrir þjóðlegar
spiladósir sem hún hannar
og selur í Kirsuberjatrénu.
Færri vita að mörg börn
sofna við undirleik þessara
fallegu spiladósa og hefur
Margrét útbúið barnvæna
útgáfu sem hægt er að
hengja við rúmið eða
vögguna. Hún kostar 4.200
krónur og upp úr. Þannig
getur barnið sofnað út frá
íslensku þjóðlagi. Tvö lög
eru fáanleg og eru það
Vísur Vatnsenda-Rósu
og Krummavísur.
Síðan er hægt að fá
jólalagið Það á að
gefa börnum brauð
eftir Jórunni Viðar,
og verið er að smíða
Sofðu unga ástin mín
sem verður fáanlegt með
haustinu.
Rannsóknir hafa sýnt að börn sem
sofa á ullargæru róast fyrr, gráta síður,
þyngjast hraðar og sofa þar af leiðandi
mun betur. Ullargæran fæst í Þumalínu
á Skólavörðustíg á 11.900 krónur.
Hægt er að fá alls kyns fallega óróa til að hengja fyrir
ofan rúm barna. Þeir fanga athyglina og geta orðið
uppspretta skemmtilegra drauma. Stundum fylgir
þeim spiladós með fallegri vögguvísu og eru rugg-
andi hreyfingarnar róandi. Þessi litríki og krúttlegi
órói frá Selecta fæst í Völuskríni á 3.550 krónur.
Sumum börnum þykir best að dröslast með
teppi, kodda og aðra mjúka hluti. Gott er að sofna með
þennan mjúka og fallega kodda frá Kaloo, þar sem stinga má
litlum stubbaling í vasa til að sofa og einnig eru endar til að
sjúga. Fæst í versluninni Völuskrín á 3.995 krónur.
á góðu verði