Fréttablaðið - 30.05.2008, Blaðsíða 27
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA HELGIN VINNUVÉLAR O.FL.
Arinbjörn Marinósson, verðandi viðskiptafræð-
ingur frá Háskólanum í Reykjavík, er mikill
grillari. Arinbirni þykir fátt skemmtilegra en
að bjóða vinum og vandamönnum í dýrindis
grillveislur.
Arinbjörn fékk fyrir nokkrum árum glæsilegt grill í
afmælisgjöf sem hann hefur notað allar götur síðan,
jafnt á veturna sem og á sumrin. „Þetta er alvörugrill
sem ég hef notað mjög mikið. Þær eru ófáar steikurnar
sem hafa verið grillaðar á því og sumarið í ár verður
engin undantekning,“ segir Arinbjörn.
Oft er mikið um dýrðir þegar Arinbjörn bregður
sér út í garð og kveikir á grillinu. Það er þó eitt sem
hann grillar hvað oftast og það eru nautalundir með
salsasósuívafi. „Ég er alltaf að skoða grilluppskriftir
á netinu og þess háttar og rakst á þessa uppskrift og
hef verið duglegur að grilla hana síðan. Það sem þarf
í réttinn er fimm hundruð grömm af nautalundum,
einn fjórði bolli af sítrónusafa, vatn og tvær mat-
skeiðar af olíu. Síðan má ekki gleyma einni krukku af
salsasósu. Þetta eru ekki margir hlutir og því auðvelt
að grilla og matreiða réttinn,“ segir Arinbjörn og
lýsir því næst aðferðinni.
„Best er að byrja kvöldið áður því nautalundirnar
þurfa að marinerast. Byrjið á að taka fram skál og
setjið í hana sítrónusafann, salsasósuna og olíuna og
blandið vel saman. Leggið síðan nautalundirnar ofan
í skálina og látið þær liggja yfir nóttina. Svo þegar á
að fara að grilla eru nautalundirnar teknar úr skál-
inni og settar beint á grillið. Nautalundirnar eru auð-
vitað grillaðar eftir smekk,“ útskýrir Arinbjörn. Með
nautalundum á svo að bera fram ferskt og gott salat
og ekki er verra að skola þeim niður með góðu rauð-
víni.
„Mjög mikilvægt er að þrífa grillið vel eftir hverja
notkun. Með því endist það auðvitað lengur og minni
hætta er á því að maturinn fái eitthvað óþarfa bragð
af einhverju sem hefur setið fast eftir síðustu
notkun.“ mikael@frettabladid.is
Grillar oftast nautalundir
Stoltur grilleigandi sem grillar allt árið. FRÉTTABLAÐIÐ/STEFÁN
Veitingahúsið Perlan - Sími 562 0200 - Fax 562 0207
Netfang perlan@perlan.is - Heimasíða www.perlan.is
H
rin
gb
ro
t
6.490 kr.
4ra rétta tilboð
og nýr A la Carte
· Léttreiktur lax með granateplum og wasabi sósu ·
· Kókos og engifersúpa með grilluðum tígrisrækjum ·
· Lambahryggur með lambaskanka og rósmarínsósu ·
· Banana- og súkkulaðifrauð með vanillusósu ·
Gjafabréf PerlunnarGóð tækifærisgjöf!
Hægt er að panta 4ra rétta seðilinn
með sérvöldu víni með hverjum rétti: 9.990 kr.
LEIKIR OG LEIKFÖNG
Í Árbæjarsafni verður einn af
hápunktum sumars-
ins sýningin „Komdu
að leika“ sem fjallar
um leiki og leik-
föng reykvískra
barna á 20. öld.
HELGIN 3
NÆRINGARRÍKT NESTI
Auðvelt er að útbúa hollt
og gott nesti fyrir
börn og fullorðna
sem þurfa að vera
að heiman allan
daginn í vinnu
eða skóla.
MATUR 2