Fréttablaðið - 30.05.2008, Qupperneq 44

30. MAÍ 2008 FÖSTUDAGUR4 ● fréttablaðið ● útivera
Kajaksiglingar eru friðsæl af-
þreying og nýstárleg leið til að
skoða náttúruna.
Stokkseyri er einungis í
um 55 kílómetra fjarlægð frá
Reykjavík en þar bjóða Kajak-
ferðir ehf. upp á kajaksigling-
ar. Svæðið er rómað fyrir nátt-
úrufegurð og eru fjaran og
skerjagarðurinn friðlýst nátt-
úruvætti.
Róið er á kajökum um sér-
kennileg lón við Stokkseyr-
arfjöru og vatnasvæðið vest-
an byggðarinnar á Stokks-
eyri. Þar þrífst aragrúi fugla
og jurta en gengið hefur verið
úr skugga um í samvinnu við
Fuglaverndunarfélag Íslands
og Náttúruverndarráð að sigl-
ingarnar raski á engan hátt til-
veru dýra og jurta á svæðinu.
Stundum má sjá forvitna seli
fylgja eftir kajökunum þegar
siglt er á lónunum. Kajaksigl-
ingar eru því skemmtileg leið
til að skoða náttúruna frá öðru
sjónarhorni auk þess sem þetta
er afar friðsæl afþreying og
góð hreyfing. Það má því sam-
eina margt með því að skella
sér í siglingu.
Boðið er upp á ýmsa mögu-
leika í ferðum fyrir hópa, fjöl-
skyldur og einstaklinga. Kajak-
ferðir hafa yfir 50 manna báta-
flota að ráða og er þetta eina
kajakleiga landsins sem býður
upp á „sit-on-top“ kajaka sem
eru öruggustu kajakar sem völ
er á. Þeir hafa á undanförnum
árum náð miklum vinsældum
í Bandaríkjunum og víðar og
eru auk þess notaðir við björg-
unarstörf erlendis. Kajakleig-
an á Stokkseyri er enn fremur
umhverfisvæn ferðaþjónusta
sem leitast við að hafa sem já-
kvæðust umhverfisáhrif sem
felst í því að umgangast nátt-
úruna af virðingu.
Hægt er að kynna sér Kajak-
ferðir ehf. betur á heimasíðu
þeirra, www.kajak.is, og panta
má ferðir í síma 896 5716 eða
með því að senda póst á kajak@
kajak.is. - hs
Róið við Stokkseyri
Kajakferðir ehf. er eina kajakleiga
landsins sem býður upp á svo
kallaða „sit-on-top“ kajaka sem eru
öruggustu kajakar sem völ er á.
Kajaksiglingar eru skemmtileg leið til að skoða náttúruna frá öðru sjónar-
horni. Siglt er um lón við Stokkseyrarfjöru og vatnasvæðið vestan byggðar á
Stokkseyri. MYND/KAJAKFERÐIR EHF.
Öll léttari flugtæki eru innan
ramma Fisfélags Reykjavíkur
en svifvængir eru meðal vin-
sælustu tækjanna.
Ýmiss konar flugtæki er að finna
í Fisfélagi Reykjavíkur en flestir
félagsmenn fljúga fleiru en einu
tæki. „Í fyrsta lagi eru það svif-
drekar sem menn voru að fljúga
þegar félagið var stofnað árið
1978,“ segir Ágúst Guðmundsson,
formaður félagsins. „Vinsældir
þeirra hafa dalað töluvert en nú
hafa svokallaðir svifvængir, eða
paraglider, tekið við,“ segir Ágúst.
Svifvængir eru svipaðir fallhlíf í
útliti nema aðeins stærri, en ólíkt
fallhlífum gefur lögun þeirra þeim
flugeiginleika svipaða venjuleg-
um flugvélarvængjum. „Paramót-
orar eru einnig mikið að aukast en
það eru svifvængir með mótor,“
segir Ágúst og bætir við að hægt
sé að fljúga ótrúlegar vegalengdir
með paramótornum. „Í fyrra var
sett heimsmet í slíku þegar maður
flaug rúma 1.200 km sjóleiðis án
þess að stoppa.“ Fjórða farartæki
klúbbsins er vélbúin fis en það eru
létt, tveggja sæta flugför.
Ágúst segir félagsmenn vera á
öllum aldri. Oft er um heilu fjöl-
skyldurnar að ræða og er hans
fjölskylda gott dæmi um það.
Svifvængir eru einna vinsælastir
og hafa Íslendingar keppt á þeim
á ýmsum alþjóðlegum mótum.
„Síðan höldum við Íslandsmót ár
hvert. Þá hittumst við í félags-
heimilinu upp við Úlfarsfell á
mótsdaginn og veljum staðsetn-
inguna með tilliti til veðurs. Síðan
keyrum við hvert á land sem er
sem er ekkert mál þar sem flug-
drekinn passar svo auðveldlega
inn í bílinn. Þetta eru minnstu
flugvélar sem þú finnur, maður
setur þær bara ofan í bakpokann,“
segir Ágúst hlæjandi.
Þó að veðráttan á Íslandi sé
stopul þá vill Ágúst meina að ekki
sé síðra að fljúga hérlendis en
annars staðar. „Við höldum alltaf
að allt sé svo vont hér en svo er
ekki. Veðurfarið er ekki vanda-
mál.“ Til að vera góður í íþróttinni
skiptir mestu að geta metið veð-
uraðstæðurnar. „Maður þarf að
nýta sér hitauppstreymið og hlíð-
arhang, en það myndast þar sem
vindurinn kemur að fjalli og fer
upp,“ segir Ágúst. „Ef við finn-
um rétta svæðið getum við flogið
upp í 2.000 til 3.000 metra hæð á
Íslandi.“
Ekki þarf sérstök réttindi til að
fljúga svifvæng en Ágúst segir þó
nauðsynlegt að læra undirstöðuat-
riðin áður en fólk fer af stað. Nám-
skeið eru haldin reglulega en nán-
ari upplýsingar er að finna á síð-
unni www.fisflug.is. mariathora@
Með flugvélina í bakpoka
Paramótorar við Hrauneyjar. Svifvængir á kvöldflugi við Hafrafell.
Ágúst Guðmundsson,
formaður Fisfélags
Reykjavíkur, starfar
sem tölvunarfræðing-
ur á daginn en flýgur
ýmiss konar flugtækj-
um í frítíma sínum.
FR
ÉT
TA
BL
A
Ð
IÐ
/V
A
LL
I
Sími 421 1500
P
IP
A
R
• S
ÍA
• 8
1
1
5
5
Það er frítt í sund fyrir börn í Reykjanesbæ!
OPIÐ
6:45 - 21:00 virka daga
8:00 - 18:00 um helgar