Fréttablaðið - 30.05.2008, Page 86

50 30. maí 2008 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
VEISTU SVARIÐ
Svör við spurningum á bls. 8
1. Sigurður Ragnar Eyjólfsson.
2. Hljómar.
3. Bobbys Kiosk.
LÁRÉTT
2. hvetja, 6. hæð, 8. segi upp, 9.
hlemmur, 11. guð, 12. frárennsli, 14.
ról, 16. í röð, 17. slagbrandur, 18.
ennþá, 20. 950, 21. betl.
LÓÐRÉTT
1. líkamshluti, 3. tveir eins, 4. ten-
ingur, 5. keyra, 7. niðurnuminn, 10.
sönghópur, 13. lærir, 15. óhreinka, 16.
húðpoki, 19. átt.
LAUSN
LÁRÉTT: 2. örva, 6. ás, 8. rek, 9. lok,
11. ra, 12. skólp, 14. kreik, 16. hi, 17.
slá, 18. enn, 20. lm, 21. snap.
LÓÐRÉTT: 1. háls, 3. rr, 4. verpill, 5.
aka, 7. sokkinn, 10. kór, 13. les, 15.
káma, 16. hes, 19. na.
BESTI BITINN Í BÆNUM
„Ég fer á Á næstu grösum á
Laugaveginum eða á Grænan
kost. Síðan fer ég öðru hvoru á
Mann lifandi. Ég borða meira af
grænmeti en kjöti því líffræði-
lega hentar það mér betur. Ég
borða kjöt á hátíðarstundum en
bara lambakjöt og kjúkling.“
Jónatan Garðarsson fjölmiðlamaður.
„Ég hefði ekki slegið hendinni á
móti því ef þetta grill hefði verið
til sölu í fyrra. Núna, eins og efna-
hagsástandið er, þá standa menn
hins vegar bara og dást að því og
láta sig dreyma. Við höfum sem
sagt ekki selt eitt einasta en bíðum
eftir þeim fyrsta. Hann yrði þá
væntanlega grillkóngur Íslands,“
segir Kristján Ágúst Baldursson,
verslunarstjóri Ellingsen, sem
hefur tekið til sölu dýrasta gas-
grill landsins. Ferlíkið var ekki til
sölu í fyrra þegar góðærið stóð
sem hæst en nú, þegar krepputal
umlykur allt, hafa menn lítinn
áhuga á slíkum lúxus.
Herlegheitin eru frá Coleman
og kostar grillið tæpar þrjú
hundruð þúsund krónur. Reyndar
er grillið með smá afslætti um
þessar mundir en sá afsláttur
dugar skammt til að svipta grillið
titlinum „dýrasta grill Íslands“.
„Menn þurfa að hafa ansi góða
verönd til að koma því fyrir svo
vel sé,“ útskýrir Kristján Ágúst.
Hann hefur orðið mikið var við að
menn komi inn í verslunina og
staldri við í dágóða stund fyrir
framan grillið, virði það fyrir sér
með stjörnur í augum en láti það
vera að rífa upp veskið fyrir fer-
líkið. Menn sem vilji vera flottir á
því kaupi sér grill fyrir „aðeins”
hundrað þúsund krónur en vinsæl-
ast sé að festa kaup á þessu þarfa-
þingi sem gasgrill er fyrir sléttar
fimmtíu þúsund. En að Rolls
Royce hins íslenska grillara. Það
er hlaðið margvíslegum aukabún-
aði og þar má kannski helst nefna
pitsuofninn sem er í skúffu undir
ofninum. Hann er tengdur í raf-
magn og getur svalað matarfíkn
ungra og matvandra Íslendinga
sem vilja ekki sjá grillaðan lax eða
lamb heldur bara margarítu að
hætti hússins. Grillið er með fjóra
innrauða brennara og snúnings-
tein ef menn vilja grilla lambalæri
eða svín í heilu lagi. „Þetta er
kannski ekki alveg rétti tíminn
fyrir svona grill en hver veit,
kannski langar einhvern í svona
og þá er hann velkominn.“
freyrgigja@frettabladid.is
KRISTJÁN ÁGÚST: GASGRILL Á 300 ÞÚSUND HEFÐI SELST Í FYRRASUMAR
Dýrasta og flottasta grill
landsins selst ekki í kreppu
„Nei, við Hemmi Gunn erum bestu
vinir og horfum saman á United-
leiki þegar tækifæri gefst til. Þeir
á Séð & heyrt eru bara að búa til
eitthvert leiðindamál,“ segir sjón-
varpsmaðurinn Auðunn Blöndal.
Á forsíðu nýjasta hefti tímarits-
ins þykir Auðuni vera gefið
í skyn að slest hafi upp á
vinskap þessara sívin-
sælu kappa og að hann
hafi sært hjarta
Hemma. Auðunn vísar
þessu alfarið á bug en
viðurkennir að hafa
kannski sagt misheppn-
aðan
brandara
í
útvarps-
þætti
nýverið.
For-
sagan er
sú að spá-
konan
Ellý
Ármanns hafði verið að spá fyrir
Auðuni hjá Jóa og Simma á Bylgj-
unni. Þar hafi Ellý séð það fyrir að
Auðunn yrði næsti Hemmi Gunn
og Auðunn svaraði því til að þá
yrði hann bara alltaf fullur. „Þetta
var illa ígrundaður djókur. Ég bað
Hemma afsökunar á honum enda
var ég meira að gera grín að sjálf-
um mér en honum,“ útskýrir Auð-
unn og tekur skýrt fram að Her-
mann Gunnarsson sé og verði
fyrirmynd hans. „Ef það er ein-
hver sem ég vildi líkjast þá er
það Hemmi Gunn.“
- fgg
Auddi brjálaður út í Séð & heyrt
VINUR AUDDA
Hemmi Gunn
og Auðunn
Blöndal horfa
saman á leiki
Manchester
United.
„Mér finnst þeir bara hafa mjög skemmtilega
afstöðu til fótboltans,“ segir Þorsteinn J.
Vilhjálmsson, sem stjórnar upphitunar- og
eftirmálsþáttum um Evrópumótið í knatt-
spyrnu í sumar. Hann hefur fengið varnar-
tröllin Pétur Hafliða Marteinsson úr KR og
Auðun Helgason frá Fram til liðs við sig í
þáttinn. Sjálfur var Þorsteinn bakvörður á
sínum yngri árum og komst aldrei framar á
völlinn en sem „framliggjandi“ miðvörður.
Spurður hvort þetta væri þá ekki aðeins of
varnarsinnaður þáttur sagði Þorsteinn að leik-
menn á aftasta hluta vallarins hefðu góðan
leikskilning, þeir sæju allan völlinn á meðan
sóknarmenn sæju bara markið. „Annars
fæ ég líka til mín góða gesti og þar
hljóta að slæðast inn í einhverjir
senterar.“
EM í Sviss og Austurríki er fjórða
stórmótið sem Þorsteinn er viðloðandi
en hann byrjaði með „óhefðbundna“ umfjöllun
um mótið í kringum HM í Frakklandi árið 2002
ásamt Snorra Má Skúlasyni. Þá voru þeir
félagar á Sýn en færðu sig síðan yfir á RÚV
þegar EM var í Portúgal 2004. „Síðan
var þátturinn mjög stór í sniðum á
Sýn fyrir tveimur árum þegar HM í Þýska-
landi var og þá var maður öfundaður töluvert
fyrir að „þurfa“ að horfa á alla leikina og sjá
sex þeirra í Þýskalandi.“
Þorsteinn er nú kominn aftur yfir á RÚV og
því kannski eðlilegt að velta því fyrir sér hvort
hann liggi á hurðarhúnum sjónvarpsstjóranna
þegar stórmót í knattspyrnu standa fyrir þrif-
um? „Nei, reyndar ekki, ég hef verið svo hepp-
inn að menn hafa beðið mig um þetta en ekki
öfugt.“
- fgg
Þorsteinn J. umkringdur varnartröllum
VARNARSINNAÐUR ÞÁTTUR Þorsteinn
Joð hefur fengið þá Auðun Helgason, til
vinstri, og Pétur Hafliða Marteinsson til
að aðstoða sig við EM-þáttinn sinn.
SVEKKTUR Auðunn segist ekki hafa
ætlað að særa Hemma Gunn.
FRÉTTABLAÐIÐ/HÖRÐUR
Sverrir Stormsker er einn þeirra
sem eru skráðir til leiks í pílagríms-
förina miklu til Liverpool á vegum
FTT í dag. Sverrir fer eigin leiðir og
flýgur ekki til Liverpool eins og hinir
í hópnum heldur kemur akandi til
leiks frá London. Ástæðan er sú að
hann var að skemmta þar á Euro-
visionhátíð mikilli sem fram fór
á vegum Íslendingafélagsins
ásamt Öldu Ólafsdóttur
söngkonu. Hefur aldrei
verið eins mikil mæting á
skemmtan félagsins og
nú var en alls mættu
um 250 manns í
organdi og vein-
andi stemmningu.
Dísa, söngkonan unga,
hélt utan í gær til
tónleikahalds í
Danmörku. Hún fer
ásamt hljómsveit
sinni Moses High
Tower og heldur
tónleika í
Svenborg,
Árhúsum og
víðar auk þess
sem hún kemur meðal annars fram
á hinu þekkta Sportfestivali um
næstu helgi. Plata Dísu hefur hlotið
mjög góðar viðtökur hér og nú er að
sjá hvernig baunanum líkar.
Frétt Fréttablaðsins í gær af upp-
boði antíksalans Jónasar Ragnars
Halldórssonar í Hafnarfirði á
laugardaginn vakti mikla athygli.
Rigndi fyrirspurnum til blaðamanns
í kjölfarið en hann þótti spyrja út
í aukaatriði svo sem uppboðið en
ekki nánar út í það hvernig Jónas
fór að því að losa sig við 73 kíló.
Nú, Jónas skipti algerlega um lífsstíl,
hætti að borða sykur og brauð og
fór að stunda Sundlaugina
í Hafnarfirði. Losaði sig
þannig við 30 kíló og
hafði þar með unnið
sér inn rétt til að fara í
magahjáveituaðgerð á
Reykholti sem hann
og gerði nánar
tiltekið þann
9/11 árið 2006.
- jbg
FRÉTTIR AF FÓLKIGLÆSILEGT EN ÓHREYFT Dýrasta grill landsins kostar
tæpar þrjú hundruð þúsund krónur og margir hafa látið
sig dreyma um þessi herlegheit. Enginn hefur hins vegar
keypt það. Kristján Ágúst, verslunarstjóri í Ellingsen,
bíður eftir fyrsta viðskiptavininum. FRÉTTABLAÐIÐ/VALLI
Gnoðarvogi 44, s. 588 8686.
opið
mán-fös 10-18:15
og lau 11-14:00
ÞÚ FÆRÐ AÐEINS ÞAÐ
BESTA HJÁ OKKUR
úrval fiskrétta, lúðu, skötusel, lax
signa grásleppu, kinnar og margt fleira.
A
u
g
lý
si
n
g
as
ím
i
– Mest lesið