Fréttablaðið - 31.05.2008, Blaðsíða 6

6 31. maí 2008 LAUGARDAGUR
SUÐURLANDSSKJÁLFTI
TAKTU ÞÁTT!
7. JÚNÍ 2008
SJÓVÁ KVENNAHLAUP ÍSÍ
Viðlagatrygging Íslands bætir tjón sem varð á
húseignum og innbúi í jarðskjálftanum á fimmtudag,
að því gefnu að eigendur hafi verið með brunatrygg-
ingu.
„Við erum í startholunum,“ segir Ásgeir Ásgeirsson,
framkvæmdastjóri Viðlagatryggingar. Þeir sem lent
hafa í tjóni eiga að tilkynna það til síns trygginga-
félags. Eigináhættan í hverju tjóni er fimm prósent, að
lágmarki um 85 þúsund krónur.
Tryggingafélögin munu meta tjón á innbúi, en
sérfræðingar Viðlagatryggingar munu meta tjón á
fasteignum. Fólki er bent á að taka myndir af tjóni, og
henda ekki ónýtum munum. „Þegar myndir eru teknar
er gott að hafa yfirlitsmynd og nærmyndir, eftir
atvikum,“ segir Sigurður Ingi Geirsson, verkfræðing-
ur hjá tjónadeild Sjóvá. Viðlagatrygging bætir ekki
tjón vegna vinnustöðvunar, aðeins eignatjón.
Ásgeir segir að Viðlagatrygging hafi bolmagn til að
takast á við tjón allt að 38 milljörðum króna. Þó sé ljóst
að tjónið vegna skjálftans á fimmtudag komist ekki
nærri þeirri upphæð.
Viðlagatrygging greiddi alls 2,6 milljarða króna
vegna tjóns sem varð í Suðurlandsskjálftunum 17. og
21. júní 2000. Ásgeir segir að um tíundi hluti af þeirri
upphæð hafi verið greidd vegna tjóns á innbúi, en
obbinn hafi verið vegna tjóns á húseignum.
Brunatrygging fasteigna er lögboðin, og því ættu
allir sem eiga fasteignir sem skemmdust að fá þær
bættar. Brunatrygging innbús er ekki lögboðin, en sé
hún ekki til staðar fást engar bætur fyrir tjón á innbúi.
Öll tryggingafélögin hafa endurskipulagt starfsemi
sína til að takast á við verkefnin á Suðurlandi. Flest
þeirra hafa lengt opnunartíma sína, ætla að hafa opið
um helgina og hafa jafnvel opnað tímabundnar
þjónustutöðvar á svæðinu. Skoðunarmenn hófu margir
hverjir störf strax í gær eða byrja að meta tjónið í dag.
Þorsteinn Þorsteinsson, deildarstjóri eignatjóna hjá
VÍS, segir yfir 800 tjón þegar skráð hjá VÍS. „Það er
ljóst mál að þetta mun taka nokkrar vikur en við erum
með flokk matsmanna.“
Hjá TM fengust þær upplýsingar að tjónatilkynn-
ingar væru á milli þrjú og fjögur hundruð og færi
fjölgandi og hjá Verði voru tjónatilkynningar á annað
hundrað. - bj / ovd
Í startholunum eftir
Suðurlandsskjálftann
Lögbundin brunatrygging fasteigna tryggir að eigendur fái bætur vegna skemmda
á húsum. Brunatrygging innbús er ekki lögbundin en hún er forsenda þess að tjón
á innbúi fáist bætt. Flokkar matsmanna tryggingafélaganna fara um Suðurland.
Fjöldi fólks hefur tekið þátt í
aðgerðum vegna jarðskjálftanna
síðastliðinn fimmtudag og segir
Víðir Reynisson, deildarstjóri
Almannavarna, að um 400 manns
hafi tekið þátt í aðgerðunum. Þar
séu taldir lögreglumenn, slökkvi-
liðs- og sjúkraflutningamenn og
hjálparsveitarfólk en að auki hafi
mikill fjöldi sjálfboðaliða tekið þátt
í aðgerðum með einum eða öðrum
hætti.
Á fundi með fréttamönnum í gær
hrósaði Björn Bjarnason dóms-
málaráðherra þeim sem komu að
aðgerðum.
Hann sagði mikilvægt að taka á
mannlegum þáttum, koma til móts
við einstaklinga og sýna þeim þá
umhyggju sem þarf. Það hefði verið
aðalátakið á fimmtudaginn þegar í
ljós kom að ekki þurfti að fara í
rústabjörgun eða annað sem kraf-
ist hefði fyrstu aðgerða. „Þá komu
björgunarsveitir, lögreglumenn og
slökkviliðsmenn úr Reykjavík,
mörg hundruð manns og slógust í
hópinn með heimamönnum.“
Á fimmtudagskvöldið og fram á
nótt hefði verið bankað upp á hjá
öllum á svæðinu. „Þetta er líka ein-
stakt að það hafi verið á svo skömm-
um tíma virkjaður svo stór hópur
manna til að fara í þetta verkefni,“
sagði Björn. Slík viðbrögð væru
eitt af því sem áætlanir hefðu tekið
til og gengið eftir. „Þetta er ein-
stakt og ég held að menn átti sig
ekki á hvað þetta er mikilvægur
þáttur í viðbrögðum.“ - ovd
Dómsmálaráðherra ánægður með aðgerðir:
Mikilvægt að taka á
mannlegum þáttum
DÓMSMÁLARÁÐHERRA Á FUNDINUM Sagði mikilvægt að huga að mannlega þættin-
um í kjölfar jarðskjálfta. FRÉTTABLAÐIÐ/VILHELM
„Það var bara skemmtileg
upplyfting eftir allt sem á undan
hafði gengið að rekast á kálfinn á
kvöldgöngu í bænum,“ segir
Kristján Ragnarsson fram-
kvæmdastjóri sem rakst á kálf á
ráfi í Heiðmörk í Hveragerði um
miðnætti í fyrradag.
„Það hafði víst allt farið í steik
hjá bóndanum og skepnur komust
út. Þannig að sá litli brá sér úr
stíunni og brá sér bara í bæjar-
ferð,“ segir Kristján. Haft var
samband við bóndann á Friðar-
stöðum sem kom og náði í kálf
sinn og var vissulega létt að sá
ferfætti væri kominn í leitirnar.
„En kálfurinn var alveg sérlega
spakur.“
„Við sjáum ansi margt undar-
legt í þessu starfi,“ segir Aðal-
steinn Þór Guðmundsson lögreglu-
maður sem kom ásamt Kristjáni
Erni Kristjánssyni kollega sínum
að þeim Kristjáni og kálfi. „Maður
er hættur að kippa sér upp við
furðulegustu hluti.“ - jse
Óvenjuleg sjón í Hveragerði:
Kálfur fannst á
miðnæturrölti
HITTU KÁLF Í BÆJARFERÐ Það er
venjulega ekki góðs viti þegar bæjarferð
endar með afskiptum laganna varða.
Kálfur var þó kátur eftir allt saman. Hér
er hann í fangi Aðalsteins.
„Vart hefur orðið við fjölda eftir-
skjálfta en þeir eru að verða minni
og minni eftir því sem frá líður.
Það koma hviður annað slagið en
þetta er allt eðlilegt,“ segir Stein-
unn S. Jakobsdóttir, sviðstjóri eðl-
isfræðisviðs Veðurstofu Íslands.
Hún telur að eftirskjálftarnir séu
komnir yfir þúsund alls. Þeir
stærstu um 4,0 en þeir fari ört
minnkandi í styrk.
Steinunn segir að kenningin um
að tveir skjálftar hafi í raun runn-
ið saman í einn standi enda bendi
þau gögn sem greind hafa verið til
að skjálfti við Ingólfsfjall hafi
valdið skjálfta sem átti upptök sín
við Hveragerði. „Það er mjög erf-
itt í gögnunum að skilja þá í sund-
ur en þau benda öll í þessa átt.
Okkar fyrsta mat á sprungunni
sem hreyfðist er að hún sé um tólf
kílómetra löng og gangi frá Hvera-
gerði og þaðan til suðurs. Þar er
virknin mest.“
Steinunn segir að vart hafi orðið
við skjálfta við Geitafell þar sem
jarðskjálftar af stærðinni 5,0 á
Richter séu þekktir. „En við erum
ekki að búast við neinu sérstöku
þar endilega.“ - shá
Skjálftinn á 12 kílómetra sprungu frá Hveragerði:
Eftirskjálftarnir yfir
þúsund á sólarhring
EFTIRSKJÁLFTAR Stórir og litlir skjálftar
eru taldir vera komnir yfir þúsund alls.
HEIMILD: VEÐURSTOFA ÍSLANDS
FR
ÉT
TA
B
LA
Ð
IÐ
/V
A
LL
I
SKEMMDIR Í HVERAGERÐI Aðkoman var
ekki glæsileg á heimili Halldóru Þórðar-
dóttur eftir að skjálftanir riðu yfir en
Halldóra er ein þeirra sem á næstu dögum
þurfa að hafa samband við sitt trygginga-
félag svo hægt sé að meta tjónið.