Fréttablaðið - 31.05.2008, Blaðsíða 90

50 31. maí 2008 LAUGARDAGUR
utlit@frettabladid.is
DAÐRAÐ VIÐ TÍSKUNA
Anna Margrét Björnsson
Í dag er ég klædd eins og Indiana Jones. Það kann að virðast mjög
undarlegt en ástæða þess er sú að það er búningadagur hér í vinnunni
og ég var skikkuð til að klæða mig svona. En burtséð frá því að fá alls
kyns eitraðar athugasemdir um hvort búningurinn minn sé í stíl við
Guðmund í Byrginu er ég stolt yfir því að vera eins og Indy því hann
er hinn fullkomni karlmaður fyrir mér. Hann var mín fyrsta sanna
hetja, og hann bræddi mitt unga hjarta þegar hann barðist við nasista
og rannsakaði egypsk grafhýsi í Leitinni að týndu örkinni. Er mögu-
lega til karlmannlegri stíll en hrár
og þvældur safari stíllinn hans
Indys? Hver getur staðist örlítið
sveittan og rykugan ævintýra-
mann sem þar að auki er með
svipu? Ef litið er á herratískuna
næsta haust, eins og sést hér
við hliðina, er ég alls ekkert frá
því að tískuhönnuðir séu búnir
að gefa metrómenn, „bling“-
menn og rokkara upp á bátinn en
hafi í stað fengið innblástur beint frá
Indiana Jones. Kvikmyndir hafa alltaf
áhrif á tísku og öfugt og það getur
varla verið tilviljun að sjúskað brúnt
leður, kakíefni og hattar séu að koma
svona sterkt inn. Og það þarf líka sanna
karlmenn til að bera búninginn. Þýðir
ekkert að svíkjast undan og vera rakaður og
rakspíraborinn frá toppi til táar með litað
hár og í vel pússuðum skóm. Nei, við
stelpurnar viljum núna smá skeggrót,
hörkulegt fas og föt sem segja okkur að þið
séuð tilbúnir að klífa fjöll, berjast við nasista
og glíma við snáka. Það er samt undarlegt
hvaða týpur af íslenskum karlmönnum hafa
reynt að tileinka sér Indy-lúkkið með
misjöfnum árangri. Fyrrnefndur Guðmundur
kann að deila með Indy ástríðu hans á
höttum, dýflissum og svipum en þetta er
samt svo kolrangt alltsaman hjá honum. Svo
eru ákveðnir menn innan blaða- og menning-
arstéttanna sem halda líka að hatturinn sveipi
þá ævintýralegum ljóma. O, nei, Indy-lúkkið er
greinilega vandmeðfarið og krefst fullrar
nærgætni. Ég held að það væri svakalega fín
byrjun fyrir stráka að finna hinn fullkomna brúna
leðurjakka, sem má alls ekki glansa og líta út fyrir að
vera nýr, eitt stykki flottar og ekki of þröngar
kakíbuxur, ögn fráhneppt skyrta og smart
uppreimaða saharaskó. Hatturinn má sennilega
bíða.
Sannur karlmaður
7. JÚNÍ 2008
SJÓVÁ KVENNAHLAUP ÍSÍ
TAKTU ÞÁTT!
Æðislega hæla í húð-
lituðum tón frá MiuMiu,
frá Sævari Karli.
Sumarjakka fyrir
strákana í retro-stíl frá
Bernhard Wil-
helm. Fæst í
Belleville.
Geggjaðan
glamúrkjól frá
Gaspard Yurke-
vich. Frá Kron-
kron, Laugavegi.
Sæta græna flauelsskó með bandi um
ökklann frá Melissa. Frá Kron, Laugavegi.
> TÍSKUFRÉTTIR VIKUNNAR
Hermès með í baráttunni gegn
eyðni Frá og með miðjum júní-
mánuði verður fáanlegt herra-
bindi frá franska tískuhúsinu
Hermès sem styrkir baráttuna
gegn eyðni. Silkibindið er með
litlum rauðum borða og leyni-
vasa á bakhliðinni þar sem er hægt
að lauma einu stykki verju inn í.
Skilaboðin eru skýr, verjið ykkur.
Bindið heitir „Life in a Pocket“
og allur ágóði af sölunni fer
til eyðnisamtaka. OKKUR
LANGAR Í
…
SÍGAUNASTÍLLINN Síður
jakki og flauelsbuxur hjá
Gucci fyrir ofan og hægri.
Snillingurinn breski Alexander McQueen virðist hafa orðið fyrir miklum áhrifum frá
spagettí-vestrum í anda Clint Eastwood fyrir haust og vetur 2008. Fyrirsætur gengu
niður pallana með kúrekahatta og mexíkóskar slár við jarðarliti og kakí-buxur.
Kúrekaáhrifin mátti sjá víðar, til dæmis voru leðurbuxur í forgrunni hjá Gucci,
sem reyndar sótti líka innblástur til sígauna Austur-Evrópu, og hjá Etro voru
argentínsk mynstur og jarðarlitir einnig mjög áberandi. Segja má að tískan
hafi ekki verið jafn karlmannleg í mörg ár og að hetjur hvíta tjaldsins, allt frá
Zorro til Indiana Jones, endurspeglist í hönnun helstu stjarna tískuheimsins
um þessar mundir. - amb
HÖNNUÐIR SÝNA ÆVINTÝRALEGA HERRATÍSKU FYRIR NÆSTA HAUST
Eastwood hittir Jones
BLANDA Hér eru þrjú
mismunandi mynstur í
gangi hjá Etro.
SUÐUR-AMERÍSK
MYNSTUR Falleg skyrta
frá Alexander McQueen
fyrir haust/vetur 2008.
KÚREKI Gamaldags lúkk hjá McQueen.
ARGENTINA
Flottur
poncho og
kúreka-
hattur hjá
Alexander
McQueen.
GAUCHO
Khaki-
buxur og
hattur hjá
McQueen.