Fréttablaðið - 31.05.2008, Blaðsíða 33

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Bogi Jónsson, blikksmiður og vert á Álftanesi, er
ekkert hissa þegar hann er beðinn um að koma
í bíladelluviðtal. Hann á tvo fornbíla af bestu
gerð. Annar þeirra er Cadillac.
Bogi er þekktur fyrir að gera flest sjálfur, hvort
sem það er að byggja hús eða gera upp bílana sína.
Cadillacinn sem hann er með á hlaðinu á Hliði á
Álftanesi kveðst hann hafa flutt inn sjálfur fyrir um
fimm árum. „Ég var mikið í gömlubíladellunni þegar
ég var um 17-18 ára aldurinn og hélt ég væri alveg
læknaður af henni. En þegar ég lenti inn á netversl-
unina eBay þá gaus hún upp aftur af tvöföldum
krafti. Þegar ég pantaði þennan kádilják sá ég fyrir
mér að ég gæti skutlað fólki heim á honum á kvöldin
þegar það væri búið að njóta veitinga hjá okkur hér
á Álftanesinu því þetta er hálfgerð limúsína sem
tekur átta manns. Ég hef reyndar ekki gert það enn
þá en ég samþykkti þetta sem ástæðu til að kaupa
bílinn eftir miklar samningaviðræður við sjálfan
mig sem lengi voru á viðkvæmu stigi.“
Kádiljákinn er 58-módel. Hurðirnar opnast upp á
þakið til að fólk þurfi ekki að beygja sig þegar það
sest inn. Afturhurðirnar opnast líka í vinkil út
þannig að auðvelt er að stíga virðulega inn og út úr
bílnum. Stór og mikil rúða gengur upp úr bakinu á
bílstjórasætinu svo fólk geti talað saman aftur í án
þess að bílstjórinn heyri til og svo er hnúður í mæla-
borðinu sem skynjar ef bíll kemur á móti, þá lækka
ljósin sjálfkrafa.
„Það voru ekki framleiddir nema tæplega 700
svona bílar,“ segir Bogi og bætir við að þessi muni
hafa verið svartur í byrjun. „Sá sem ég keypti hann
af var búinn að eiga bílinn í tuttugu ár og hann mál-
aði hann gráan. Þegar hann keypti hann fylgdi
honum sú saga að Kennedy-fjölskyldan hefði átt
hann í upphafi. Það má líka alveg fljóta með að Elvis
átti líka einn svona svartan og það veit enginn hvar
hann er. En það voru engar samlokur eða pilluaf-
gangar undir aftursætinu á mínum og það stór-
minnkar líkurnar á að um sé bíl kóngsins sé að
ræða.“
gun.@frettabladid.is
Auðvelt að fara virðulega
inn í viðhafnarbílinn
Þegar Bogi keypti kádiljákinn fylgdi honum sú saga að Kennedy-fjölskyldan hefði átt hann í upphafi. FRÉTTABLAÐIÐ/GVA
HÆ HÓ OG FLASKA
AF ROMMI
Sjóræningjahúsið á Patreksfirði
verður opnað nú um helgina
en það er byggt á frásögnum af
komu strandræningja á seinni
hluta sextándu aldar.
FERÐIR 3
ALLIR Í STRIGASKÓNA
Sumarið er komið og tími til að
draga fram gömlu strigaskóna
eða kaupa sér nýja. Gylltir og
silfraðir strigaskór eru með því
heitasta þetta árið.
TÍSKA 4