Fréttablaðið - 31.05.2008, Blaðsíða 42

HEIMILISHALD
RAGNHEIÐUR TRYGGVADÓTTIR
● Forsíðumynd: Anton Brink tók mynd á heimili Telmu
Halldórsdóttur. Útgáfufélag: 365 miðlar ehf., Skaftahlíð
24, 105 Reykjavík, s. 512 5000 Ritstjórar: Roald Eyvinds-
son roald@frettabladid.is, Emilía Örlygsdóttir emilia@
frettabladid.is Auglýsingar: Ámundi Ámundason s. 517
5724 Útlitshönnuður: Kristín Agnarsdóttir kristina@
frettabladid.is.
● HÖNNUN Paul Loebach rekur hönnunarstúdíó í New York og
sérhæfir sig í viðarhúsgögnum. Hann blandar saman aldagömlum
hefðum í handverki og hátækniframleiðslu.
Við hönnun grænu innskotsborðanna sótti hann innblástur til
bandaríska sértrúarsafnaðarins „Shakers“ og hefðar þeirra: að nýta
hvern hlut til hins ýtrasta og að hver hlutur og húsgagn hafi fleiri en
einn notkunarmöguleika. Borðin nýtast sem borð, tröppur og skemlar.
● heimili&hönnun
G
aldurinn við snyrtilegt heimili er skipulag og yfirsýn. Að
hver hlutur eigi sinn stað þannig að aldrei liggi neitt eins og
hráviði um allt. Frágangurinn kemur af sjálfu sér ef skipu-
lagið er gott.
Ég hef alltaf séð fyrir mér að heimili mitt geti verið eins og þau
sem maður sér í blöðum. Öllu snyrtilega raðað og fersk blóm í vasa
á borði. Ég hef staðið í þeirri trú að ég hafi þessa náðargáfu sem
þarf til að komast á síður lífstílsblaðanna fyrir snyrtilegt heimili.
Segi í hverju einasta atvinnuviðtali að ég sé mjög skipulögð, hafi
góða yfirsýn. Enda hef ég mjög gaman af því að raða. Ég raða í lita-
röð, stærðarröð eða hvaða röð sem er. Eins geri ég lista. Skrifa niður
það sem þarf að kaupa í búðinni og það sem þarf að pakka niður í
töskur fyrir ferðalög. Skrifa niður þau verkefni sem liggja fyrir og
strika svo vandlega yfir þegar verki er lokið.
Planlegg bókstaflega allt sem þarf að gera.
Þannig hef ég haldið að ég hafi fullkomin tök á
aðstæðum á heimili mínu.
„Úff, hér er allt í drasli!“ sagði svo litla
skottan einn morguninn þegar við komum
fram. Og það var rétt. Þótt hún státi aðeins
af tveimur árum þá blöskraði henni ástand-
ið. Eldhúsborðið hlaðið blöðum og dóti, dót og
drasl í gluggakistum, leikföng úti um allt gólf
og ófrágenginn þvottur í sófanum. Yfirhafn-
ir sem ekki rötuðu á snagana lágu yfir stólbak
í stofunni og kassar sem átti eftir að taka upp
úr eftir flutningana í haust, stóðu enn uppi við
vegg. Ég varð alveg hissa. Vissi ekki betur en
ég hefði skrifað þessi atriði á lista fyrir löngu.
Ég gróf mig niður gegnum hrúguna á skrifborðinu mínu og fann
hvern listann á fætur öðrum. Þeir voru allir þétt skrifaðir en ekki
búið að strika yfir nema örfá atriði. Hvernig gat þetta gerst? Ég
fann kippi fara yfir andlitið og skjálfhent reyndi ég að raða listunum
upp til að fá yfirsýn yfir stöðuna. Á hverju væri best að byrja, þvott-
inum, pappírsfjallinu, leikföngunum, yfirhöfnunum? Ég vissi ekki
mitt rjúkandi ráð. Eftir nokkur andartök og niðurtalningu frá tíu í
huganum náði ég tökum á sjálfri mér. Ég settist einbeitt við skrif-
borðið og ruddi draslinu til hliðar. Safnaði listunum eldsnöggt saman
og hóf að skrifa einn allsherjarlista.
Ég fann öryggið koma yfir mig við hvert atriði sem ég kom niður
á blað og brosti að vitleysunni í sjálfri mér. Auðvitað hef ég fulla
stjórn á ástandinu heima hjá mér, þetta snýst bara um skipulag.
Inni í eldhúsi heyrði ég svo í litlu skottunni fá sér kornflex og sturta
úr öllum pakkanum yfir borðið. Ég bætti því á listann án þess að
blikna.
Skipulag og yfirsýn
„Ég fann kippi fara
yfir andlitið og
skjálfhent reyndi
ég að raða
listunum upp til að
fá yfirsýn yfir
stöðuna. Á hverju
væri best að byrja,
þvottinum,
pappírsfjallinu,
leikföngunum,
yfirhöfnunum? “
„Ef einhver myndi taka til í her-
berginu þá held ég að mér myndu
bara fallast hendur. Ég trúi á reið-
una í óreiðunni,“ segir Pálmi Gunn-
arsson tónlistarmaður um her-
bergi niðri í kjallara sem hann held-
ur talsvert upp á. „Ég kalla það
skúmaskotið. Hér er ég með tölv-
una mína og vinn alla mína vinnu,
bæði í tónlist og skrifum. Ég leyfi
mér þó ekki að kalla þetta skrif-
stofu, þetta er bara svona hola þar
sem ég skrifa og dunda mér,“ segir
Pálmi sem kveðst ekki gera mikið
fyrir herbergið þrátt fyrir að eyða
löngum stundum þar inni. „Ég passa
mig bara á því að hafa opinn glugga
af og til, þannig að maður líði ekki
út af. Síðan er nánast eina skraut-
ið mitt uppi á töflu en einhvern tím-
ann þegar ég kom heim eftir langa
útiveru hafði litla dóttir mín skrif-
að voða fallega til pabba síns, ég
þurrka það ekki út.“
Annar eftirlætisstaður Pálma er
tónlistarhornið inni í stofu. „Þar er
ég með bassana mína við hliðina á
píanói sem er mikið notað af dætr-
um mínum. Inn í það horn skríð ég
oft til að pikka upp bassann og spila
pínulítið,“ segir Pálmi sem kveðst
vera afskaplega nægjusamur þegar
kemur að innanstokksmunum. „Mér
finnst gott að hafa eitthvað gott að
sitja í og síðan er ég sjónvarps- og
kvikmyndafíkill þannig að ég vil
hafa góðar græjur. Svo þarf ég að
hafa góða eldavél því ég er mikill
matkokkur. Ef þessir hlutir eru í
lagi þá er mér eiginlega alveg sama
um annað,“ segir Pálmi sem hefur
í nógu að snúast þessa dagana. „Ég
ásamt nokkrum vel völdum tónlist-
armönnum erum að fara að halda
tónleika á íslenskri helgi á Græn-
landi núna um helgina. Einnig spil-
um við á Alþjóðlegu tónlistarhátíð-
inni á Akureyri sem hefst 12. júní
en þar verða hljómsveitir alls stað-
ar að úr heiminum. Síðan er ég að
vinna að upptökum með Hrund Ósk
Árnadóttur en við stefnum að út-
gáfu disks á næstunni,“ segir Pálmi
að lokum. mþþ
Reiða í óreiðunni
● Pálmi Gunnarsson er með tónlistarhorn inni í stofu og fer þangað oft til að spila á
bassann. Einnig eyðir hann löngum stundum í skúmaskotinu sínu niðri í kjallara.
„Þetta er smáskot sem ég skelli hljóðfærunum mínum í og er voða gott að sækja í af og til,“ segir Pálmi Gunnarsson um tónlistar-
hornið sitt. HEIÐA/FRÉTTABLAÐIÐ
Danfoss stjórnbúnaður fyrir hitakerfi fæst í öllum helstu lagnaverslunum landsins
Vörn gegn brunaslysum frá Danfoss
Termix One tengigrind til hitunar á neysluvatni
Stillanlegt hitastig neysluvatns
Stórminnkar slysahættu af völdum heita neysluvatnsins
Jafn þrýstingur á heitu og köldu neysluvatni, lengir líftíma blöndunartækja
Léttari þrif, enginn kísill á flísum og hreinlætistækjum
Vönduð vara, lítill viðhaldskostnaður
Áralöng reynsla stjórnbúnaðar við íslenskar hitaveituaðstæður
Auðveld í uppsetningu
Snyrtileg hlíf fylgir
•
•
•
•
•
•
•
• www.stillumhitann.is
31. MAÍ 2008 LAUGARDAGUR2