Fréttablaðið - 31.05.2008, Page 12

12 31. maí 2008 LAUGARDAGUR
Edinborg
Beint flug
Innifalið: Flug og gisting á rómuðu
3* hóteli í miðborginni ásamt
morgunverði. Íslensk fararstjórn.
Nánar á expressferdir.is
eða í síma 5 900 100
59.900 kr.
Verð á mann í tvíbýli
2.–5. október
Fararstjóri:
Arnar Símonarson
F
í
t
o
n
/
S
Í
A
Í viðtali við bandaríska lögfræðinginn
og mannréttindafrömuðinn William
(Bill) J. Butler, sem birtist í blaðinu
í gær, var rangt farið með eftirnafn
hans. Hann var sagður heita Burton,
og leiðréttist það hér með.
LEIÐRÉTT
SAMFÉLAGSMÁL Á fimmta hundrað kvenna komu
saman á Bifröst á fimmtudag og í gær á ráðstefn-
unni Tengslanet IV - völd til kvenna. Yfirskrift
ráðstefnunnar var „Konur og réttlæti“ og flutt voru
erindi meðal annars um kvenorkuna í atvinnulífinu,
rétthugsun, nýjar leikreglur í þágu réttlætis og
lífsbaráttu fjölskyldnanna.
Judith Resnik, prófessor við Yale Law School í
Bandaríkjunum, var aðalfyrirlesari Tengslanetsins.
Hún hefur sem fræðimaður stefnt að því að hafa
áhrif á hugmyndir um réttarríkið og réttarfram-
kvæmdina. Resnik sagði að margt hefði breyst og
miklu hefði verið áorkað varðandi jafnrétti kynj-
anna, konur ættu nú miklu stærri hlut í réttarkerf-
inu en áður. Konur hefðu náð frábærum árangri og
væru nú á öllum sviðum dómskerfisins, þær væru
dómarar, saksóknarar, verjendur og vitni. Ræða
þyrfti hvaða lausnir gæfu mestan árangur fyrir
konur.
Resnik telur að opnir dómstólar skipti miklu máli
fyrir þróunina. Miklu skipti hvernig kerfið virki
fyrir konur og karla á hverju svæði fyrir sig með
réttlæti í huga. „Konan getur ekki breytt kerfinu ein
því að það er bæði ósanngjarnt og óhagsýnt og of
mikil byrði fyrir nokkra konu að bera ábyrgð á ein.
Konur verða að vinna í hópum að því að bæta
ástandið.“ - ghs
Tengslanet kvenna haldið í fjórða sinn á Bifröst:
Yfir 400 konur ræddu réttlæti
ÖRYGGISMÁL Hafnarstjórnir skil-
greindra neyðarhafna telja eðli-
legt að stóru hafnirnar á landinu
takist á hendur þá ábyrgð að þjóna
sem neyðarhöfn. Sá fyrirvari er
þó settur að enginn vafi leiki á því
að ríkið beri allan kostnað vegna
aðgerða vegna skipa í neyð. Í til-
lögum starfshóps Siglingastofn-
unar um neyðarhafnir er mælt
með að Umhverfisstofnun ábyrgist
greiðslu slíks kostnaðar. Hafnar-
yfirvöld telja mikilvægt að hafa
aðkomu að ákvörðunartöku um
hvort skip í neyð verði fært til
þeirra hafna sem skilgreindar
hafa verið.
Steinþór Pétursson, fram-
kvæmdastjóri Fjarðabyggða-
hafna, segir að ef tillögur Sigl-
ingastofnunar um neyðarhafnir
verði að veruleika þá verði það að
vera tryggt að ríkið beri allan
kostnað sem fylgir kaupum á bún-
aði og vegna móttöku skipa í neyð.
„Það hefur viljað brenna við að
menn lendi í þrasi um fjárhags-
lega ábyrgð og þetta er það sem
við viljum að sé alveg á hreinu. Að
ljóst sé að hafnirnar séu ekki að
taka á sig kostnað sem er annarra
að bera og er ríkisins í þessu
tilfelli.“
Már Sveinbjörnsson, hafnar-
stjóri Hafnarfjarðarhafnar, tekur
undir þetta sjónarmið. „Við viljum
að það sé tryggt að höfnunum sé
tryggt skaðleysi af því að taka við
og afgreiða skip í neyð.“ Már segir
að mjög erfitt sé í alþjóðlegu laga-
umhverfi að sækja bætur til trygg-
ingafélaga. „Þeir hafa her lög-
fræðinga í kringum sig og eru
snillingar í að koma sér undan því
að greiða bætur og því verður
ríkið að taka þessar skuldbinding-
ar á sig gagnvart öðrum í alþjóða-
samfélaginu.“
Þekkt er að skipum hafi verið
vísað frá ströndum Evrópuríkja
þegar hætta er á mengunarslysi.
Eftir því sem næst verður komist
virðist hvergi hafa komið til tals
hérlendis að hafna því að viðkom-
andi höfn tækist þá ábyrgð á hend-
ur að þjóna sem neyðarhöfn.
Helga Jónsdóttir, bæjarstjóri í
Fjarðabyggð, segir að ef slys
verður eða vá ber að höndum þá
geti enginn skorast undan því að
veita sína hjálp. „Það hljóta allir
að leggja sitt að mörkum þar sem
staðarkostir eru bestir. Það er
óhugsandi að fara í vörn fyrir
sjálfan sig en það var rætt að
ákveðin hætta fylgir því að takast
á við þetta hlutverk.“
Stjórn Hafnarsambands Íslands
mun fjalla um greinargerð og til-
lögur starfshóps um neyðarhafnir
og skipaafdrep í byrjun júní.
svavar@frettabladid.is
Fjárhagsleg ábyrgð
ríkisins verði tryggð
Hafnarstjórnir skilgreindra neyðarhafna vilja að tryggt sé í lögum að ríkið beri
allan kostnað vegna móttöku skipa. Tillögur Siglingastofnunar gera ráð fyrir
því að Umhverfisstofnun ábyrgist greiðslu og ríkissjóður kaupi og reki búnað.
VESTMANNAEYJAHÖFN Ein af sex skilgreindum neyðarhöfnum. Engin önnur höfn
getur veitt nauðstöddu skipi fyrir Suðurlandi viðtöku. FRÉTTABLAÐIÐ/ÓSKAR
DÓMSMÁL Tuttugu og þriggja ára
karlmaður hefur játað fyrir dómi
að hafa slegið öryggisvörð í
höfuðið með glerflösku fyrir utan
10-11 í Austurstræti í apríl.
Ákæra fyrir stórfellda líkams-
árás var þingfest í héraðsdómi.
Öryggisvörðurinn hlaut
lífshættulega áverka af árásinni
og lá á gjörgæsludeild dögum
saman. Hann höfuðkúpubrotnaði
við höggið auk þess sem stór
slagæð í heilahimnu fór í sundur
sem olli því að það blæddi
lífshættulega inn á heila hans.
Nokkuð hefur verið um ryskingar
manna við öryggisverði í verslun-
inni upp á síðkastið. - sh
Sló öryggisvörð með flösku:
Ákærður fyrir
árás við 10-11
10-11 Í AUSTURSTRÆTI Öryggisverðinum
var vart hugað líf dagana eftir árásina.
FRÉTTABLAÐIÐ / VALLI
TENGSLANET Á BIFRÖST Á fimmta hundrað konur komu saman
á Birfröst í gær og á fimmtudag á ráðstefnunni Tengslanet IV.
naráðstefna.
MENNING Íslenska kammersveitin DNA nýtur þess
heiðurs að spila á tónleikum í konungshöllinni í
Varsjá í dag því hún vann til verðlauna í alþjóðlegri
tónlistarkeppni í Póllandi nú í vikunni. Einungis
bestu hljóðfæraleikarar keppninnar koma fram í
höllinni og þar mun DNA leika nýja útsetningu Atla
Heimis Sveinssonar á Sofðu unga ástin mín.
Nafnið DNA hefur ekkert með erfðaefni að gera
heldur er það sótt í upphafsstafi þeirra sem sveitina
skipa, Daníels Hannesar Pálssonar, fjórtán ára, sem
leikur á píanó, Nínu Leu Jónsdóttur, þrettán ára,
sem leikur á fiðlu, og sellóleikarans Antons Björns
Sigmarssonar sem er á þrettánda ári. Öll hafa þau
lært við Suzukiskólann frá því í bernsku, Daníel og
Nína frá þriggja ára aldri og Anton frá fimm ára.
DNA-sveitina stofnuðu þau fyrir fjórum árum og
hafa spilað í henni undir leiðsögn tónlistarkennarans
Evu Tosik sem er pólsk.
Í gær voru ungmennin í heimsókn á fæðingarstað
pólska tónskáldsins Chopin með tilheyrandi fræðslu.
- gun
DNA-kammersveitin vann til verðlauna í alþjóðlegri tónlistarkeppni í Póllandi:
Íslensk ungmenni í konungshöll
DNA-KAMMERSVEITIN Sveitina skipa þau Nína Lea Jónsdóttir,
Anton Björn Sigmarsson og Daníel Hannes Pálsson. Kennari
þeirra er hin pólska Eva Tosik. FRÉTTABLAÐIÐ/VALLI
Neyðarhafnir verði: Helguvíkur-
höfn, Hafnarfjarðarhöfn, Ísafjarðar-
höfn, Akureyrarhöfn, Reyðarfjarðar-
höfn og Vestmannaeyjahöfn.
Skipaafdrep verði: Í Hvalfirði, í
Dýrafirði, í Ísafjarðardjúpi, í Eyjafirði,
Reyðarfirði og við Vestmannaeyjar.
NEYÐARHAFNIR OG SKIPAAFDREP
FÓLK Fjórtandi árgangur Sjó-
mannadagsblaðs Austurlands er
kominn út og er blaðið tæpar 90
síður að stærð,
prýtt vel á
annað hundrað
ljósmynda.
Meðal efnis í
blaðinu er
ítarleg frásögn
frá því er
Hafrún NK
fórst í aftaka-
veðri á miðjum
Norðfirði. Um borð voru tveir
menn; annar fórst en hinn náði með
þrautseigju að bjarga sér með því
að hanga á bauju.
Guðni Ágústsson alþingismaður
segir frá kynnum sínum af
Austfirðingum og Kristinn V.
Jóhannsson rifjar upp þegar
norðfirskir sjómenn tóku þátt í
átökum við Breta í fyrsta þorska-
stríðinu fyrir hálfri öld.
Hjálmar Vilhjálmsson fiskifræð-
ingur ritar ítarlega grein um áhrif
hlýnunar sjávar á nytjastofna við
Ísland. Ritstjóri sjómannablaðsins
er Kristján J. Kristjánsson frá
Norðfirði. - shá
Sjómannadagsblað í 14. sinn:
Fjölbreytt efni
um líf sjómanna
SKÓLINN BÚINN Úkraínskur unglingur
fagnar því að sumarleyfið er hafið
með því að kæla sig í gosbrunni í
Kænugarði. NORDICPHOTOS/AFP
Margra ára bið lokið
Félagsmálaráðuneytið hefur sent
fjármálaráðuneytinu bréf og óskað
eftir heimild til að bjóða út byggingu
hjúkrunarheimilis við Boðaþing í
Kópavogi. Bæjarráð Kópavogs segist
fagna þessu bréfi sem beðið hafi
verið eftir í mörg ár.
KÓPAVOGUR
REYÐARFJÖRÐUR Starfsmaður í
álveri Alcoa-Fjarðaáls á Reyðar-
firði brotnaði á þremur rifjum
auk þess sem lunga mannsins féll
saman í vinnuslysi í álverinu
skömmu fyrir miðnætti á
föstudagskvöldið.
Starfsmaðurinn var að vinna
við deglulok uppi á vagni sem
tengdur var lyftara. Svo virðist
sem vagninn hafi verið hreyfður
til með þeim afleiðingum að lokið
slóst í manninn sem féll við. Var
hann fluttur til aðhlynningar á
fjórðungssjúkrahúsið á Nes-
kaupsstað. Málið er til rannsókn-
ar hjá lögreglunni á Eskifirði. - ovd
Slys í álveri Alcoa-Fjarðaáls:
Rifbeinsbrot og
samfallið lunga
MENNTUN Samstarfssamningur um
þróunarverkefnið Jafnréttis-
fræðslu í leik- og grunnskólum
var undirritaður á leikskólanum
Hörðuvöllum í Hafnarfirði fyrir
skemmstu. Tilgangur verkefnis-
ins er að foreldrar, kennarar og
ráðgjafar, sem eiga að ráðleggja
ungmennum varðandi menntun
og störf, séu færir um að aðstoða
ungt fólk við að öðlast framtíð
undir merkjum jafnréttis.
Aðilar að verkefninu eru
Félags- og tryggingamálaráðu-
neytið, Jafnréttisstofa og
Jafnréttisráð, Reykjavíkurborg,
Hafnarfjarðarbær, Kópavogsbær
og Akureyrarbær. - kg
Jafnréttisfræðsla í skólum:
Fræðast um
jafnréttismál