Fréttablaðið - 31.05.2008, Qupperneq 35

][
Sjóræningjahúsið á Patreks-
firði opnað um helgina.
Sjóræningjahúsið er byggt á frá-
sögnum af komu strandræningja á
svæðið á seinni hluta sextándu
aldar. Í sumar verður sýningin í
texta og myndaformi en Ólafur
Engilbertsson, sagnfræðingur og
sýningarhönnuður, hannaði sýn-
inguna og Halldór Baldursson
myndskreytti.
Í framhaldinu á að setja upp
upplifunarsýningu með fígúrum í
búningum sem hægt verður að
ganga í gegnum. Einnig er hægt
að kaupa sér kaffi og með því.
Alda Davíðsdóttir, forstöðukona
Sjóræningjahússins, hefur haft
umsjón með undirbúningsvinn-
unni frá upphafi en Sjóræningja-
húsið er hennar hugmynd.
„Undirbúningurinn hefur geng-
ið mjög vel og vinir og kunningjar
óeigingjarnir á að eyða helgunum
í að aðstoða okkur,“ segir Alda en
lokið er við að gera upp hluta hús-
næðisins sem hýsir sýninguna í
sumar. Hún segir möguleikana
óþrjótandi í sjóræningjaþemanu
og er þegar komin í viðræður við
leikfélagið á staðnum um skemmti-
legar uppákomur í sumar. Einnig
er hún í viðræðum við handverks-
fólk í sveitarfélaginu um gripi
fyrir sýninguna.
„Mig langar til þess að íbúar á
svæðinu hérna geti haft atvinnu í
kringum Sjóræningjahúsið. Aðal-
atriðið er svo líka að þetta sé
gaman og gestir geti tekið þátt.“
Enginn aðgangseyrir verður á
sýninguna í sumar en nánar má
lesa um Sjóræningjahúsið á vef-
síðunni, www.sjoraeningjahusid.
is heida@frettabladid.is
Sjóræningjarnir koma
Forsprakkar Skjaldborgarhátíðarinnar
fengu óuppgerða rýmið lánað um hvíta-
sunnuhelgina og verða jafnvel haldnir
tónleikar þar í sumar.
Alda Davíðsdóttir framkvæmdastýra fyrir
utan sýningarhúsnæðið.
MYND/HAFDÍS ÓSK GÍSLADÓTTIR
Stefnt er á að selja minjagripi og muni eftir handverksfólk úr sveitarfélaginu auk
fjöldaframleiddra hluta. MYND/HAFDÍS ÓSK GÍSLADÓTTIR
París er kölluð borg ástarinnar. Hví ekki að drífa
sig til Frakklands í sumar, annaðhvort með ástinni
eða bara til að hressa upp á frönskukunnáttuna?
Handhægur ferðafélagi og hollur matur
ICELAND EXPRESS ER FYRSTA LÁGGJALDAFLUGFÉLAGIÐ Í EVRÓPU SEM BÝÐUR
UPP Á AFÞREYINGARKERFI UM BORÐ Í VÉLUM SÍNUM.
Iceland Express kynnti, á blaðamannafundi í Berlín í vikunni, nýtt afþreying-
arkerfi og aukið framboð á mat í vélum sínum. Afþreyingarkerfið kallar fé-
lagið ferðafélagann og í honum má finna úrval kvikmynda, sjónvarpsþátta,
barnaefnis og tölvuleikja. Iceland Express er fyrsta lággjaldaflugfélagið í Evr-
ópu sem býður slíka þjónustu um borð.
Matthías Imsland, forstjóri félagsins, sagði á blaðamannafundinum, sem
íslenskum fréttamönnum var boðið á, að búnaðurinn væri hluti af þeirri
ímyndarherferð sem félagið fór af stað með í fyrra. „Rekstur félagsins hefur
gengið mjög vel og með þessu viljum við skerpa á áherslum okkar.“
Innan nokkurra vikna verður hægt að panta ferðafélagann um leið og flug-
miða en hann er nú fáanlegur um borð. Rík áhersla er lögð á að bjóða
upp á íslenskt efni eins og Stelpurnar, Svínasúpuna og Strákana. Þá verða
dönsku sjónvarpsþættirnir Klovn í spilaranum, Hollywoodmyndir og ýmis-
legt fleira.
Auk ferðafélagans eru barna-
box og matur frá Ávaxtabíln-
um meðal nýjunga um borð.
„Við gerðum ítarlega könn-
un á óskum viðskiptavina og
kom í ljós að flestir vildu holl-
an og heilsusamlegan mat án
viðbætts sykurs og aukaefna,“
sagði Matthías. - ve
Á hjóli öll þriðjudagskvöld
FÓLKI BÝÐST AÐ FARA Í HJÓLREIÐAFERÐIR MEÐ ÍSLENSKA FJALLAHJÓLA-
KLÚBBNUM ÖLL ÞRIÐJUDAGSKVÖLD KLUKKAN 20
Ef þú veist ekki hvað þú átt að gera næsta þriðjudagskvöld er upplagt að
mæta á hjólakvöld hjá Íslenska fjallahjólaklúbbnum. Alla þriðjudaga klukk-
an 20 býðst fólki að mæta á stoppistöðina í Mjódd og fara í hjólreiða-
túr með félaginu. Allir eru velkomnir í ferðirnar en þyngd ferðanna er höfð
þannig að allir geti verið með og eru þátttakendur allt frá 7 ára krökk-
um upp í fullorðna einstaklinga. Yfirleitt er hjólað í einn og hálfan til tvo
klukkutíma, 10 til 15 kílómetra að jafnaði.
Búið er að setja niður allar ferðir sumarsins en
meðal annars verður farið að Úlfarsfelli, Gróttu,
Elliðaárvatni og 1. júlí verður breytt aðeins
út af vananum og mætt að Viðeyjarferju
og síðan verður hjólað úti í Viðey. Nán-
ari upplýsingar er að finna á heimasíðu
klúbbsins, www.fjallahjolaklubburinn.
is. - mþþ
KAUPMANNAHÖFN – LA VILLA
Heimagisting á besta stað í bænum.
Býður alla Íslendinga velkomna.
Geymið auglýsinguna.
www.lavilla.dk. S.0045 3297 5530. GSM. 0045 2848 8905
BÍLALEIGUBÍLAR
SUMARHÚS Í DANMÖRKU
Sumarhús
Útvegum sumarhús í
Danmörku af öllum stærðum
Fjölbreyttar upplýsingar á
www.fylkir.is
LALANDIA - Rødby
Lágmarksleiga 2 dagar.
LALANDIA - Billund
Nýtt frábært orlofshúsahverfi
rétt við Legoland.
Ódýrari bílaleigubílar
fyrir Íslendinga.
Bílar frá dkr. 1.975.- pr. viku.
Innifalið í verði;
ótakmarkaður akstur, allar
tryggingar, engin sjálfsábyrgð.
( Afgr.gjöld á flugvöllum).
Höfum allar stærðir bíla, 5 – 7
manna og minibus 9 manna og
rútur með eða án bílstjóra.
Veiðikortið veitir aðgang að rúmlega 30
vatnasvæðum vítt og breitt um landið fyrir aðeins
5000 kr.–Og þú velur hvar og hvenær þú veiðir!
Frí heimsending þegar verslað er beint á www.veidikortid.is
Fleiri veiðisvæði!