Fréttablaðið - 31.05.2008, Síða 102

62 31. maí 2008 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
PERSÓNAN
LÁRÉTT 2. vera með, 6. drykkur, 8.
meðal, 9. sníkjudýr, 11. tveir eins,
12. afspurn, 14. fet, 16. tveir eins, 17.
knæpa, 18. drulla, 20. klaki, 21. fimur.
LÓÐRÉTT 1. kaups, 3. verkfæri, 4.
sumbl, 5. þróttur, 7. lævís, 10. stykki,
13. struns, 15. aflast, 16. kóf, 19. slá.
Anita Briem
Aldur: 26 ára
Starf: Leik-
kona
Fjölskylda:
Einhleyp og
barnlaus
Foreldrar:
Gunnlaugur
Briem
trommuleik-
ari og Erna
Þórarinsdóttir
söngkona.
Búseta: Los Angeles
Stjörnumerki: Tvíburi
Anita Briem leikur í spennuþátta-
röðinni The Evidence sem SkjárEinn
tekur til sýninga í júní. Hún leikur
einnig á móti Brendan Fraser í sum-
armyndinni Journey to the Center of
the Earth 3D sem verður frumsýnd
í júlí.
LÁRÉTT: 2. hafa, 6. öl, 8. lyf, 9. lús,
11. ll, 12. umtal, 14. skref, 16. kk, 17.
krá, 18. aur, 20. ís, 21. frár.
LÓÐRÉTT: 1. sölu, 3. al, 4. fyllerí, 5.
afl, 7. lúmskur, 10. stk, 13. ark, 15.
fást, 16. kaf, 19. rá.
„Ég er sagður hamfaravænn útvarpsmaður,“ segir
Þorgeir Ástvaldsson á Bylgjunni sem hefur nánast
undantekningalaust setið við hljóðnemann þegar
miklar náttúruhamfarir hafa gengið yfir. Nýjasta
dæmið er jarðskjálftinn mikli á Suðurlandi. „Þegar
ósköpin dundu yfir hugsaði maður: „Nei, ekki einu
sinni enn.“ Ekki það að ég teldi eitthvað eftir mér að
segja satt og rétt frá og leita upplýsinga heldur frekar
þetta andrúmsloft sem maður er að vinna við í beinni
útsendingu og snertir marga,“ segir hann.
Þorgeir var í beinni útsendingu niðri við Reykja-
víkurhöfn 17. júní þegar síðasti Suðurlandsskjálfti
gekk yfir árið 2000 og rúmu ári síðar, 11. september,
var hann einnig í útsendingu þegar hryðjuverkaárás-
irnar á Bandaríkin voru gerðar. Þorgeir var jafn-
framt að störfum þegar snjóflóðin í Súðavík og á
Flateyri gengu yfir. „Þetta eru einhver örlög að vera
oft til staðar þegar þetta hefur dunið yfir á minni
útvarpsævi. Gárungar hafa sagt að ef ég yrði látinn
hætta yrðu menn nokkuð öruggir en ég finn aldrei
meira til skyldu minnar við hljóðnemann en ef
eitthvað bjátar á af þessu tagi,“ segir hann. „En þetta
er ekkert auðvelt. Maður þarf að tileinka sér ákveðna
hluttekningu og vanda sig mjög vel því auðvitað er
fólk viðkvæmt.“
Búast má við að þessi helgi verði hamfaralaus með
öllu því Þorgeir er á leiðinni í pílagrímsför til Liver-
pool ásamt 85 manna hópi frá Íslandi. „Þetta verður
nostalgíuferð minnar ævi,“ segir hann, greinilega
farinn að brosa á nýjan leik eftir nýjustu hamfarirnar.
- fb
Hamfaravænn útvarpsmaður
ÞORGEIR ÁSTVALDSSON Þorgeir situr jafnan við hljóðnemann
þegar náttúruhamfarir ganga yfir.
Skólavörðustígurinn hefur
um hríð verið sundur-
grafinn og til viðgerða.
Það breytir ekki því að
Eggert feldskeri og
aðrir kaupmenn við
götuna láta sem ekkert
hafi í skorist og munu í dag
halda sinn árlega blómadag, en þá fá
allir sem þar fara um blóm og verður
allsherjar sumarstemmning þar.
Tónleikahaldarar sjá nú fram á
langan og kaldan vetur
með fárveikri krónu og 15
prósenta skatti sem stjórn-
völdum datt í hug að
leggja á þá listamenn
sem hingað koma til
að troða upp. Einn
sem var kominn á fremsta hlunn
með að mæta á Klakann til tón-
leikahalds var sjálfur Jean Michel
Jarre en hann hefur verið að fylgja
eftir meistaraverki sínu Oxygene
víðs vegar um Evrópu og allstaðar
troðið út úr dyrum. En í samráði við
tónleikahaldra íslenska var ákveðið
að slá hingaðkomu hans á frest þar
til ástandið lagast – hvenær sem
það verður nú.
Fólk sem statt var í Turn-
inum í Kópavogi þegar
jarðskjálftinn reið yfir
á fimmtudag var fljótt
að forða sér út enda
nötraði öll byggingin.
Einn upptekinn maður varð þó eftir
í líkamsræktarstöðinni World Class
sem er á 15. hæð. Það var popp-
stjarnan Páll Óskar Hjálmtýsson
sem hamaðist eins og óður maður
á hlaupabrettinu og varð einskis var.
Atli Fannar Bjarkason,
ritstjóri Mónitors, undirbýr nú
útgáfu síns fyrsta blaðs. Sést
hefur til hans að sniglast
í Austurbæ síðustu daga
þar sem hljómsveitin
Sigur Rós er við æfingar. Má því
búast við ítarlegu forsíðuviðtali við þá
drengi í Mónitor á næstu dögum.
-jbg/hdm
FRÉTTIR AF FÓLKI
„Það eru skemmdir á húsinu. Gólf-
in eru skökk og töluvert mikið af
sprungum,“ segir Gunnar Ólason
söngvari og gítarleikari Skítamór-
als. Jarðskjálftinn sem skók Suð-
urland á fimmtudaginn hefur ekki
farið framhjá nokkrum manni.
Mörg hús skemmdust og innan-
stokksmunir köstuðust til og eyði-
lögðust. Á Suðurlandi býr popp-
araelíta Íslands og fór hún ekki
varhluta af áhrifum jarðskjálft-
ans. Gunnar Ólason býr í húsi sem
byggt var árið 1945. Það skemmd-
ist sem fyrr segir og sama má
segja um innbúið. „Jú, jú, það
hrundu þarna hillur og allt sem
gat farið það fór,“ segir hann.
Gunnar flutti í húsið í janúar og
var nýlega búinn að koma sér
almennilega fyrir. Gunnar segir
erfitt að átta sig á hve mikið tjónið
er en eftir er að meta það. Hann og
kona hans gistu að heiman aðfara-
nótt föstudagsins. „Við áttum sem
betur fer í önnur hús að venda,“
segir Gunnar. „Maður finnur hvað
maður er lítill og varnarlaus gagn-
vart náttúruöflunum þegar svona
ríður yfir.“
Ingólfur Þórarinsson, betur
þekktur sem Ingó úr Veðurguðun-
um, er búsettur hjá foreldrum
sínum á Selfossi. „Ég sat frammi
við tölvuborðið þegar allt byrjaði
að hristast,“ segir Ingó. „Það er
undir burðarvegg svo ég ýtti stóln-
um bara upp að veggnum og horfði
á innbúið kastast til. Ég beið bara
eftir að jörðin myndi opnast.“
Hann segir innbúið mjög illa farið.
„Eldhúsið er eins og eftir sprengju-
árás. Ég þurfti að lyfta hillu frá
hurðinni til að komast inn í her-
bergið mitt. Ef ég hefði verið þar
inni hefði ég fengið hillur og skápa
yfir mig,“ segir hann. Ingó segir
að allt gler úr innbúinu, glös og
annað slíkt, hafi brotnað. „Ég held
að Ikea græði svolítið á þessu,“
segir hann í léttum dúr. Hann líkir
ástandinu í bænum eftir skjálft-
ann við þáttinn Jericho. „Það var
bara umferðarteppa og allir flaut-
andi.“ Ingó gisti í Reykjavík eftir
skjálftann enda
þurfti hann
að spila í
Ólafsvík
um kvöld-
ið.
Þórir Gunnarsson er bassaleik-
ari Á móti sól. „Ég var bara í
Kömbunum og fann að bíllinn fór
að hristast,“ segir Þórir. Hann
segir innbúið sitt hafa sloppið
nokkuð vel. „Já, það kom nú bara
ótrúlega vel út, auðvitað var allt
hrunið úr hillum en það skemmd-
ist ekki mikið,“ segir hann. Hita-
lögnin í húsinu rofnaði svo það
var engin kvöldsturta hjá bassa-
leikaranum knáa. Þórir, sem á
konu og tvö börn, taldi þó
öruggast að fjölskyldan
svæfi öll í sama herbergi
nóttina eftir skjálftann.
soli@frettabladid.is
GUNNI ÓLA: „MAÐUR ER LÍTILL GAGNVART NÁTTÚRUÖFLUNUM“
Suðurlandsskjálfti skók
heimili popplandsliðsins
GÓLFIN SKÖKK OG SPRUNGUR Í VEGGJUM Sprunga er eftir miðjum stofuveggnum í
húsi Gunnars Ólasonar í Skítamóral. Hann og kona hans gistu ekki í húsi sínu eftir
skjálftann. FRÉTTABLAÐID/GKS
„Menn eru að velta fyrir sér næstu
skrefum og eru að skoða þetta út
frá miðasölunni. Hvað Íslendingar
gera á allra næstu dögum. Hvort
þeir drífi sig í að kaupa miða. En
það er bara mánuður í þetta,”
segir tónleikahaldarinn Guðbjart-
ur Finnbjörnsson.
Óvíst, og reyndar ólíklegt, er að
verði af tónleikum Pauls Simon,
sem fyrirhugaðir eru í Laugar-
dalshöll 1. júlí. Guðbjartur er í
sambandi við umboðsmann Sim-
ons og má segja að boltinn sé hjá
Paul Simon sjálfum núna. Guð-
bjartur sjálfur er hissa á Íslend-
ingum að taka ekki betur á móti
þessum mikla listamanni en miða-
sala hefur verið afar dræm og taki
hún ekki verulegan kipp verða
tónleikarnir að öllum líkindum
slegnir af. Nema Simon hreinlega
vilji koma til Íslands – nánast í
æfingaferð og sem túristi.
Tónleikar hans á Íslandi eru þeir
fyrstu í tónleikaför hans um Evr-
ópu og hefur selst vel á alla tón-
leikana nema hér á landi. Miðasal-
an er Guðbjarti mikil vonbrigði en
hann segir ýmislegt spila þar inn í.
Tónleikar Simons voru síðastir í
röð þeirra sem kynntir voru til
sögunnar í sumar áður en gengið
gaf sig: Dylan, Fogerty, Clapton
sem allir mega heita að höfði til
sama markhópsins. Sem dæmi um
breyttar aðstæður má nefna að
fyrir nokkrum árum héldu Stebbi
og Eyvi tónleika þar sem þeir
sungu þekktustu lög Simon &
Gartfunkel og seldust miðar upp.
Það seldist sem sagt meira á
„cover“-útgáfuna en „orginalinn“
núna. Tónleikahaldarar íslenskir
sjá ekki fram á líflegt tónleika-
hald á næstunni.
Þar ráði óvænt-
ur fimmtán
prósenta
skattur yfir-
valda miklu
og lágt gengi
krónunnar.
- jbg
Tónleikar Pauls Simon líklega slegnir af
PAUL SIMON Óvíst er hvort tónleikar
með Paul Simon verða haldnir í Laugar-
dalshöll í sumar.
BASSA-ÞÓRIR Fann jarðskjálft-
ann í Kömbunum. Komst ekki
í sturtu um kvöldið.
REYKJAVÍK: Ármúla 11 - Sími 568-1500
AKUREYRI: Lónsbakka - Sími 461-1070
Snúrustaurar
INGÓ
Segir
ástandið í
bænum hafa
verið eins og í
Jericho.
GUÐBJARTUR FINN-
BJÖRNSSON Guðbjart-
ur hvetur Íslendinga
til að kaupa sér miða
á Paul Simon.
VEISTU SVARIÐ
Svör við spurningum á síðu 8
1 Kaupmannahöfn.
2 6,3 á Richter.
3 Haukum.