Fréttablaðið - 01.06.2008, Side 24

JÓHANNES HAUKUR
JÓHANNESSON
LEIKARI
„Ég hef bara einu
sinni farið á
sólarströnd og það
var með kór
Flensborgarskólans
í kórferðalag til
Algarve á Portúgal
árið 1998. Þetta var
einhvers konar
kóramót og ég man
að ég og mínir félag-
ar vorum aðallega
að hugsa um barinn.
Við kunnum bara okkar nótur og sungum þegar við
áttum að synja en héngum á barnum og á ströndinni
þess milli.
Þetta var mikið ævintýri því ég var átján ára í
minni fyrstu sólarlandaferð, en það sat ekkert eftir.
Þó að þetta hafi verið gaman á sínum tíma heillaði
þetta mig ekki og ég vil miklu frekar fara á áhuga-
verða staði og skoða það sem tengist menningunni á
staðnum. Ég hef ekkert farið á sólarströnd síðan, þó
svo að ég hafi oft farið til útlanda, en í sumar ætla
ég á Inkaslóðir til Bólivíu og Perú með konunni og er
mjög spenntur fyrir því.“
JÓHANNES FELIXSON
BAKARI
„Ein uppáhalds
sólarlandaferðin mín
var fyrir um það bil
níu árum, þegar ég
fór með konunni
minni í fyrsta sinn til
Ítalíu. Það var
draumalandið okkar
beggja, bæði út af
fegurðinni en
aðallega út af
matnum. Við völdum
okkur að fara í smábæinn Viareggio í Toscana-
héraði á vesturströndinni, því við vildum vera
svolítið ein á báti. Það voru engir Íslendingar þarna
og bærinn var alveg ekta ítalskur, með pínulítilli
gullinni sandströnd og maður naut þess að fá sér
pasta og hvítvín í hádeginu.
Við fórum reyndar á eitt veitingahús þar sem ég
ákvað að panta mér dýrasta réttinn á matseðlinum,
sem ég geri stundum þegar ég botna ekkert í því
hvað er á boðstólum. Það reyndist svo vera heill
fiskur með beinum, haus og hala og ég varð fyrir
miklum vonbrigðum því hann var bæði dýr og
ógeðslegur. Annars er Ítalía svona fyrirheitna landið
sem hefur allt upp á að bjóða, fallegar strendur og
góðan mat – hvað þarf maður meira?“
HEIÐA ÓLAFSDÓTTIR
SÖNGKONA
„Uppáhalds strandarfríið mitt var
þegar ég fór í menntaskólaferð með
Versló til Ítalíu, á strönd sem heitir
Brindisi. Þá bjó ég í tvær vikur hjá
ítalskri fjölskyldu og kynntist
heimilislífinu og matarmenning-
unni, sem mér fannst miklu
áhugaverðara en hefðbundið
sólarlandafrí.
Ströndin er steinaströnd, þakin
hvítum steinum inni í vík sem er
umvafin fjöllum. Þetta er ekki
fjölfarinn ferðamannastaður og
Ítalirnir fara gjarnan sjálfir þangað í frí, svo maður var ekki undir
stöðugu áreiti sölumanna og McDonald’s-auglýsinga. Mér fannst þetta
mun afslappaðra og fallegra en þessar Benidorm-strandir þar sem
túrisminn er alveg búinn að ná yfirhöndinni, þó svo að það sé alltaf
dásamlegt að komast á strönd.“
EDDA BJÖRG EYJÓLFSDÓTTIR
LEIKKONA
„Ein uppáhalds sólarlandaferðin
mín var þegar við fjölskyldan
fórum til Grikklands. Fyrstu
vikuna vorum við í Hania og
keyrðum meðal annars yfir á
strönd sem heitir Elafonisi og er
friðuð. Hún er alveg hvít og það er
hægt að vaða langt út í án þess að
fölblár sjórinn nái hærra en upp að
hnjám. Það er án efa ein fallegasta
strönd sem ég hef séð.
Við sigldum svo yfir á litlu
eyjuna Naxos með viðkomu á
Santorini. Það vorum við á æðis-
legri strönd, með hvítum sandi, þægilegri golu og volgum sjó. Maður
gat borðað undir stóru tré, gríska jógúrt með hunangi og ferska ávexti.
Við gistum á mjög fínu hóteli stutt frá ströndinni sem ég fann á
iescape.com og þar var svona „panoramic“ sundlaug, eins og maður
gæti synt beint út á haf. Svo var hægt að keyra upp í fjöllin og skoða
marmaranámur og grískar fornminjar. Við borðuðum meðal annars á
skemmtilegum veitingastað í fjöllunum sem var rekinn af grískri
fjölskyldu og fengum ekta grískan mat.“
STEINUNN KNÚTSDÓTTIR
LEIKSTJÓRI
„Ég fór til Sardiníu í fyrra og það
var alveg æðislegt. Við prófuðum
margar mismunandi strendur við
eyjuna og fórum til dæmis á
paradísarströndina þar sem bæði
er sandur og klettar. Þar var hægt
að snorkla og svo voru dýfingar-
menn að kasta sér marga metra
niður af klettunum í sjóinn. Við
bjuggum í bæ sem heitir Alghero og þar var stutt í langa sandströnd
sem við gengum oft eftir. Sjórinn við eyjuna er blár og fallegur og sjá
mátti varðturna frá stríðinu sem prýddu sjónlínuna, svo þetta var bara
algjör draumur. Við vorum fjölskyldan með þrjú börn, átta, tíu og
sautján ára, og elskuðum þetta öll jafn mikið.“
8 FERÐALÖG
BESTU
STRENDURNAR
Sóldýrkendur fara nú að fl ykkjast á strendur Evrópu
og af nógu er að taka, frá glamúr Rívíerunnar og
afskekktum ítölskum eyjum upp í barstemningu og
djamm á Spánarströndum. Ferðalög fékk nokkra
þjóðþekkta einstaklinga til að deila besta strandfríinu
með sér.