Fréttablaðið - 11.06.2008, Blaðsíða 2

2 11. júní 2008 MIÐVIKUDAGUR
Ólafur Skúlason
biskup látinn
Herra Ólafur Skúlason biskup
lést á mánudag, 78 ára að aldri.
Ólafur
fæddist í
Birtingaholti
í Hruna-
manna-
hreppi 29.
desember
1929, sonur
hjónanna
Sigríðar
Ágústsdóttur og Skúla
Oddleifssonar. Hann lauk prófi
frá guðfræðideild HÍ árið
1955. Ólafur starfaði meðal
annars sem prestur í Norður-
Dakota í Bandaríkjunum og
þjónaði við Bústaðasókn í
aldarfjórðung. Árið 1989 var
Ólafur kjörinn biskup og
gegndi þeirri stöðu til ársins
1997. Hann var sæmdur
stórkrossi hinnar íslensku
fálkaorðu árið 1992.
Eftirlifandi eiginkona Ólafs
er Ebba Guðrún Brynhildur
Sigurðardóttir. Eiga þau þrjú
börn og sjö barnabörn.
flugfelag.is
Aðeins eitt símtal í 570 3400 og málið er afgreitt.
Sækjum og sendum
– hratt og örugglega
á hagstæðu verði.
REYKJAVÍK
AKUREYRI
EGILSSTAÐIR
FÆREYJARVESTMANNAEYJAR
ÍSAFJÖRÐUR
GRÆNLAND
VOPNAFJÖRÐUR
ÞÓRSHÖFN
GRÍMSEY
NARSARSSUAQ
KULUSUK
CONSTABLE POINT
NUUK
Til/frá Reykjavík
Akureyri 8-12 ferðir á dag
Egilsstaðir 5-7 ferðir á dag
Ísafjörður 2-3 ferðir á dag
Vestmannaeyjar 2-3 ferðir á dag
Þorleifur, varstu þarna milli
Stormskers og Báru?
„Nei, eiginlega frekar milli Storm-
skers og Sibbu.“
Hjónin Þorleifur Ásgeirsson og Sigurbjörg
Pétursdóttir unnu nótt í Lennon-svítunni
í happdrættisvinning í Liverpool-för
hundrað Íslendinga á vegum FTT. Sverrir
Stormsker dvaldi næturlangt með hjón-
unum í svítunni.
FJÖLMIÐLAR Umboðsmaður barna,
Margrét María Sigurðardóttir,
lýsir vonbrigðum sínum með Ríkis-
útvarpið varðandi auglýsingu sem
birtist í hálfleik Evrópukeppninn-
ar í fótbolta á
mánudaginn.
Auglýsingin,
sem var fyrsta
auglýsing í
leikhléi, er
frá skyndi-
bitakeðjunni
McDonald‘s. Í
henni kemur
fram að með
barnaboxum
fylgi spjöld
með myndum af stjörnum
Evrópumótsins.
Í útvarpslögum er kveðið á um
að í auglýsingum megi hvorki
„hvetja börn til þess að kaupa vöru
eða þjónustu með því að notfæra
sér reynsluleysi þeirra eða trú-
girni“ né „hvetja börn til þess að
telja foreldra sína eða aðra á að
kaupa vöru eða þjónustu sem aug-
lýst er“.
Margrét segir að hún „geri
ákveðnar gæðakröfur til Ríkis-
útvarpsins sem birting auglýsingar-
innar standi ekki undir.“ Við það
bætir hún að ekki fari á milli mála
að auglýsingu um barnabox sé
beint að börnum.
Magnús Ögmundsson fram-
kvæmdastjóri Lystar ehf. segist
„ekki sjá að þessi auglýsing brjóti
í bága við lögin“. Þegar haft var
samband við Einar Loga Vignisson
hjá auglýsingadeild Ríkisútvarps-
ins var fátt um svör og neitaði
hann að láta hafa nokkuð eftir sér
um málið.
Talsmaður neytenda, Gísli
Tryggvason, sagði birtingu aug-
lýsingarinnar „vera fullt tilefni til
að koma á heildarsátt á milli hags-
munaaðila eins og auglýsinga-
miðla, auglýsenda, framleiðenda,
almannasamtaka og ekki síst neyt-
enda“. - hþj
Umboðsmaður barna vonsvikinn yfir auglýsingum í Sjónvarpinu
Augljóslega beint að börnum
UMBOÐS-
MAÐUR BARNA
Margrét María
Sigurðardóttir.
BARNABOXIN AUGLÝST Framkvæmda-
stjóri Lystar ehf. segir auglýsingarnar
löglegar.
FÓLK María Celeste Bravo Herrera
er tíu ára og hefur ekki hitt
argentínskan pabba sinn í eitt og
hálft ár. Til stóð að hann kæmi til
landsins í byrjun sumars og dveldi
hér með dóttur sinni yfir sumar-
tímann. Hann hefur hins vegar
setið fastur á Spáni í um tvær
vikur þar sem tafir hafa orðið á
útgáfu atvinnu- og dvalarleyfis
honum til handa.
„Henni finnst skrítið að pabbi
hennar megi ekki koma til
Íslands,“ segir Eyja Líf Sævars-
dóttir, móðir
Maríu, sem seg-
ist hafa staðið í
eilífu stappi við
Útlendinga-
stofnun undan-
farin ár vegna
þess hversu
örðugt hefur
reynst fyrir
barns föður
hennar að kom-
ast til landsins. „Það er alltaf eins
og maður sé að reyna að fá gefins
líffæri hjá þeim.“
Faðirinn, Pablo Bravo Herrera,
hefur komið til landsins alls átta
sinnum á síðustu ellefu árum.
Áður bjó hann hér í fimm ár. Hann
hefur jafnan starfað hér til að
geta borgað Íslandsferðirnar,
enda eru þær dýrar á argentínsku
verðlagi.
Hingað til hefur yfirleitt tekið
um tvo mánuði fyrir Pablo að fá
atvinnu- og dvalarleyfi, en í þetta
sinn fékk Eyja tilkynningu frá
Útlendingastofnun um að saka-
vottorð hans hefði verið sent í
upprunakönnun og því yrðu tafir
á útgáfu leyfisins.
Eyja undrast að skyndilega
þurfi að kanna bakgrunn manns
sem hafi komið hingað margoft og
öll gögn liggi fyrir um. „Maðurinn
ætti frekar að fá orðu frá þjóðinni
fyrir að hugsa svona vel um
hennar ríkisborgara,“ segir hún.
María ætlar með föður sínum
til Argentínu um mitt sumar og
setjast þar á skólabekk í hálft ár.
Útlit er fyrir að Pablo fái hins
vegar ekki atvinnu- og dvalarleyfi
fyrr en eftir að skólinn ytra hefst
og því þarf hann líklega að koma
hingað fljótlega sem ferðamaður.
Hann verður þá af laununum sem
hann ætlaði að nota til að greiða
ferðina.
Eyja bendir á að íslenska ríkið
hefði hag af að fá manninn til
landsins, þar sem hann myndi þá
greiða hér skatt og þar að auki
meðlag sem ríkið greiðir Eyju
annars. Eyja telur að verið sé að
brjóta mannréttindi á dóttur henn-
ar. „Yfirvöld eiga að greiða leið-
ina fyrir foreldra að vera með
börnum sínum,“ segir hún.
Margrét María Sigurðardóttir,
umboðsmaður barna, vildi ekki
tjá sig um málið sem slíkt en benti
á sjöundu grein barnasáttmála
Sameinuðu þjóðanna um að börn
eigi rétt á því að þekkja foreldra
sína og njóta umönnunar þeirra.
Engin svör fengust frá Útlend-
ingastofnun vegna málsins í gær.
stigur@frettabladid.is
Pabbi fastur á Spáni
Tíu ára stúlka bíður eftir að hitta föður sinn í fyrsta sinn í eitt og hálft ár. Upp-
runakönnun á sakavottorði hans tefur útgáfu dvalarleyfis, þrátt fyrir að hann
hafi dvalið hér margsinnis áður. „Mannréttindabrot,“ segir móðir stúlkunnar.
BÍÐA EFTIR PABBA Eyja Líf hefur að eigin sögn þurft að standa í eilífu stappi við
Útlendingastofnun undanfarin ár. Maríu finnst skrítið að pabbi fái ekki að koma til
Íslands. FRÉTTABLAÐIÐ/STEFÁN
PABLO BRAVO
HERRERA
AKUREYRI „Þetta er pólitík í sinni
verstu mynd,“ segir Sigurður
Matthíasson, eigandi Svefns og
heilsu, sem nýlega komst yfir
samkomulag sem Akureyrarbær
gerði við Smáratorg ehf. um
stækkun verslunarmiðstöðvarinn-
ar Glerártorgs á Akureyri.
Akureyrarbær beitti eignar-
námi svo af stækkun verslunar-
miðstöðvarinnar gæti orðið. Meðal
eigna sem teknar voru er hús sem
hýsti verslanir Sigurðar; Svefn og
heilsu og Húsgögnin heim. Sigurð-
ur segist hafa átt um fjögur þús-
und fermetra verslunar- og lager-
húsnæði auk lóða á því sem hann
kallar dýrmætasta verslunar-
svæði Akureyrar. Bærinn hafi
tekið lóðirnar eignarnámi og
afhent þær samkeppnisaðila hans.
Sigurður segist ætla aftur með
málið í dóm því samkomulagið
hafi ekki verið opinbert þegar
bætur fyrir eignarnám voru
ákveðnar. „Þá var litið svo á að
Akureyrarbær stæði fyrir þessum
framkvæmdum en það er greini-
legt á þessu samkomulagi að
einkaaðili stóð á bak við þetta.“
„Eignarnám er alltaf þrauta-
lending“, segir Sigrún Björg
Jakobs dóttir, bæjarstjóri á Akur-
eyri. Hún segir þau hjá Akureyrar-
bæ hafa gert sitt ítrasta til að
semja svo ekki þyrfti að koma til
eignarnáms. „Ég skil vel gremju
Sigurðar yfir þessu. Hann rak
ágætis verslun en til þessa hefði
ekki þurft að koma hefði hann vilj-
að semja við okkur.“ - ovd
Eigandi Svefns og heilsu er afar ósáttur við vinnubrögð Akureyrarbæjar:
Eignarnám fyrir einkaaðila
VERSLUNARMIÐSTÖÐIN GLERÁRTORG
Akureyrarbær beitti eignarnámi vegna
stækkunar á verslunarmiðstöðinni.
FRÉTTABLAÐIÐ/KRISTJÁN
SKOTLAND, AP Bandaríski auðkýf-
ingurinn Donald Trump kom fyrir
rétt í Skotlandi í gær vegna
áforma sinna um að byggja
lúxusgolfvöll í landinu.
Trump vill byggja „heimsins
besta golfvöll“ um 19 kílómetra
frá Aberdeen. Þar eiga einnig að
vera lúxusíbúðir og hótel. Hluti
vallarins á að rísa á svæði þar
sem er sjaldgæft dýralíf.
Umhverfisverndarsinnar hafa því
mótmælt áformunum harðlega.
Ferðaþjónustuaðilar og Alex
Salmond, fyrsti ráðherra skosku
heimastjórnarinnar, eru hins
vegar fylgjandi framkvæmdinni.
- þeb
Trump fyrir rétti í Skotlandi:
Ver áform um
lúxusgolfvöll
VIÐSKIPTI Úrvalsvísitalan hefur
ekki verið lægri síðan um miðjan
október árið 2005.
Úrvalsvísitalan lækkaði um
1,99 prósent í Kauphöll Íslands í
gær og stóð í 4.512 stigum í lok
dags. Til samanburðar fór
vísitalan hæst í 9.016 stig þann
18. júlí síðast liðinn. Lækkunin á
tæpu ári nemur 49,6 prósentum.
Frá áramótum hefur úrvalsvísi-
talan hins vegar lækkað um 29
prósent.
Lækkun úrvalsvísitölunnar nú
er meiri en þegar netbólan sprakk
um síðustu aldamót. Lækkunin
nam þá 47,2 prósentum á einu og
hálfu ári. - bþa
Lækkun í Kauphöll Íslands:
Vísitalan ekki
lægri í tæp 3 ár
SÚDAN Súdönsk farþegaflugvél
brotnaði í tvennt og varð alelda
eftir að henni hlekktist á í
lendingu á flugvellinum í
Khartoum, höfuðborg Súdans,
síðdegis í gær.
Talið er að 203 menn hafi verið
í vélinni þegar hún rann út af
flugbrautinni í lendingu í
þrumuveðri sem gekk yfir
Khartoum í gær. Súdanskir
fjölmiðlar segja að yfir 100
manns hafi látist í slysinu. Þá er
haft eftir yfirvöldum í Súdan að
flugvélin sé í eigu Sudan Airways
og að hún hafi verið að koma frá
Amman í Jórdaníu. - ovd
Yfir hundrað manns látnir:
Mannskætt
flugslys í Súdan
FLUGVÉLIN ALELDA Súdanska sjónvarpið
sýndi björgunarmenn berjast við eldinn
í flugvélinni. NORDICPHOTOS/AFP
TRÚMÁL Prestastefna hófst
klukkan sex í gær með messu í
Dómkirkjunni í Reykjavík.
Um 130 prestar og djáknar eru
skráðir til þátttöku á prestastefnu
en fundirnir fara fram í Selja-
kirkju í Reykjavík. Aðalefni
prestastefnu eru samþykktir um
innri málefni kirkjunnar. Þessar
samþykktir snúa að framkvæmd
mála, svo sem skírn og fermingu,
sem Þjóðkirkjan fékk sjálf fullt
forræði yfir með lögum um
Kirkjuráð árið 1932. Prestastefnu
lýkur á morgun. - ovd
Prestastefna hófst í gær:
Ræða innri mál
kirkjunnar
SPURNING DAGSINS