Fréttablaðið - 11.06.2008, Blaðsíða 8
11. júní 2008 MIÐVIKUDAGUR
Hanna Birna Kristjáns-
dóttir sest í stól borgar-
stjóra í mars næstkomandi.
Hún telur það vel geta
verið pólitíska áhættu að
taka við oddvitastöðunni af
Vilhjálmi Þ. Vilhjálmssyni
en telur það þess virði.
Ert þú ekki að taka áhættu með
þína pólitísku framtíð, að taka
við sem oddviti á erfiðustu tímum
sem Sjálfstæðisflokkurinn hefur
upplifað í Reykjavík?
„Það má vel vera, en ég er
reiðubúin að taka þá áhættu.
Maður nær aldrei árangri án þess
að taka áhættu og ef við náum
betri árangri í Reykjavík og fyrir
Reykvíkinga, þá er sú áhætta
sannarlega þess virði. Góðum
árangri í stjórnmálum fylgir
oftar en ekki áhætta og mér datt
aldrei í hug að skorast undan því
að taka þetta að mér.“
Fylgi Sjálfstæðisflokksins í
Reykjavík er í sögulegri lægð.
Hvernig ætlar þú að vinna traust
borgarbúa til baka?
„Ég legg alla áherslu á að endur-
vinna það traust sem við virð-
umst að einhverju leyti hafa glat-
að. Hópurinn fer nú algjörlega
samstíga inn í síðari hluta kjör-
tímabilsins og saman ætlum við
að skila góðum árangri.“
Gísli Marteinn og Júlíus Vífill
hafa sóst eftir að verða oddvitar
flokksins. Getið þið unnið saman
að því að byggja flokkinn upp að
nýju?
„Sannarlega, enda stóð allur
borgarstjórnarhópurinn að þess-
ari ákvörðun. Ég er þakklát fyrir
stuðning félaga minna og hlakka
mikið til að fá tækifæri til að
leiða hópinn í gegnum mikla
áskorun.“
Í hverju voru grundvallar mistök
ykkar fólgin í þessum hrunadansi
sem borgarpólitíkin er búin að
vera síðastliðin tvö ár?
„Þetta er búinn að vera langur
tími og ég held að við öll sem sitj-
um í borgarstjórn Reykjavíkur
höfum gert ákveðin mistök. Þau
hafa aðallega falist í skorti á upp-
lýsingastreymi. Af því verðum
við að læra og við munum gera
það.“
Væri staða borgarstjórnar-
flokksins í Reykjavík betri í dag
ef Vilhjálmur hefði stigið niður
fyrr?
„Allar stórar ákvarðanir þurfa
sinn tíma og mestu skiptir að far-
sæl niðurstaða er fengin.“
Það hefur verið fullyrt að þú
hafir meðvitað hundsað fjölmiðla
á meðan erfið mál voru til umfjöll-
unar innan borgarkerfisins og það
sé ekki síst þess vegna sem þú
nýtur yfirburðafylgis í skoðana-
könnunum. Hvað segir þú um
þessa umsögn?
„Ég vona nú að ég sé frekar
dæmd af verkum mínum og
orðum, en því sem ég hef ekki
sagt eða ekki gert. Ég veit ekki
betur en fjölmiðlar hafi sakað
okkur öll í borgarstjórnarflokki
Sjálfstæðisflokksins um að við
værum ekki nægilega iðin við að
svara þeim. Ég hef reynt eftir
fremsta megni að vera í góðu
sambandi við fjölmiðla. Eflaust
get ég þó gert betur í þeim efnum
en ég hef þó litið á það sem frum-
skyldu mína að sinna störfum
mínum sem borgarfulltrúi og
stundum hefur það án efa komið í
veg fyrir að öllum beiðnum um
viðtöl hafi verið hægt að svara.“
Munt þú sem framtíðarborgar-
stjóri berjast fyrir því að flug-
völlur inn fari úr Vatnsmýrinni?
„Ég mun virða að öllu leyti mál-
efnasamning núverandi meiri-
hluta um að ákvörðun um þetta
verði ekki tekin á þessu kjörtíma-
bili. Til lengri framtíðar tel ég
hins vegar mikilvægt að skoða
aðra staðsetningu fyrir innan-
landsflugvöll.“
Hvernig sérð þú fyrir þér þróun
byggðarinnar í Reykjavík? Á til
dæmis að halda áfram með áætl-
anir um byggð í Geldinganesi, eða
á að þétta borgina innan frá með
flutningi flugvallarins úr Vatns-
mýrinni?
„Meginverkefnið er að fólk í
borginni hafi gott val um búsetu.
Sumir velja að búa í úthverfum
en aðrir miðsvæðis. Ég held að
við þurfum jafnvægi þarna á
milli. Það er hins vegar ljóst að
kostirnir til búsetu miðsvæðis í
Reykjavík hafa ekki verið nægi-
lega miklir. Fókusinn liggur því
þar að miklu leyti, til dæmis í
Örfirisey. Við eigum að nýta það
svæði og jaðarsvæðin í Vatns-
mýrinni.“
En hvað um Geldinganesið?
„Við höfum þegar sett í gang
vinnu við framtíðarskipulag á
Geldinganesi, þótt ólíklegt verði
að teljast að þar verði byggt á
allra næstu misserum, sérstak-
lega með hliðsjón af uppbygging-
unni í Úlfarsárdal og því hvernig
ástandið er í efnahagslífinu.“
Hvað með Sundabraut? Úti-
lokar þú leið Vegagerðarinnar?
„Það er full samstaða innan
borgarstjórnar að fara ganga-
leiðina. Við erum öll sammála um
að það sé besta leiðin og viljum
þannig fara aðra leið en Vega-
gerðin hefur lagt til.“
Hver er afstaða þín til húsa-
friðunar? Stendur húsafriðun í
vegi fyrir eðlilegri þróun verslunar
og þjónustu við Laugaveg?
„Nei, húsafriðun og uppbygg-
ing geta farið ágætlega saman og
eiga að gera það í borg eins og
Reykjavík. Við erum að sjá mörg
dæmi um það í skipulagi mið-
borgarinnar að verið er að nýta
kosti þess að byggja en varðveita
um leið. Þetta er hægt með
nútíma arkitektúr og þeirri hugs-
un að tengja þetta saman og ég
held að það sé vel hægt. Ég held
hins vegar að við ættum að fara
úr þeim farvegi að tala alltaf um
friðun einstakra húsa og tala
frekar um borgar- og hverfis-
vernd. Ég held að það sé farsælli
leið en að fókusera alltaf á ein-
stök hús.“
Hver er munurinn á REI og
Landsvirkjun Power, Hydrokraft
Invest, sem Landsvirkjun á til
helminga á móti Landsbankan-
um, og RARIK orkuþróun ehf.?
„Munurinn felst að mestu leyti
í þeim aðferðum sem notaðar
hafa verið við stofnun fyrirtækj-
anna og hugmyndunum sem hafa
verið til umræðu um vöxt þeirra
og viðgang. Mikilvægt er að sem
best pólitísk sátt náist um verk-
efni OR og ég treysti stjórninni
vel til þess. Ég er þeirrar skoðun-
ar að opinber fyrirtæki eigi að
einbeita sér að grunnþjónustu við
landsmenn. Ég tel það aðalatriði
og vil að í þeim anda sé unnið að
þeim verkefnum sem undir þessi
fyrirtæki falla.“
Munt þú endurnýja meirihluta-
samstarfið við Ólaf F. Magnússon
ef sú staða kemur upp eftir næstu
kosningar?
„Það er eitthvað sem við ræðum
þegar að því kemur.“
Hver er þinn óskaflokkur til að
mynda meirihluta í Reykjavik
eftir næstu kosningar?
„Óskastaðan er auðvitað sú að
Sjálfstæðisflokkurinn fái svo
góða kosningu að vangaveltur um
hugsanlega samstarfsaðila séu
óþarfar. “
Hvert verður þitt fyrsta verk
sem borgarstjóri 22. mars næst-
komandi?
„Að vinna að þeim stefnumál-
um sem þessi meirihluti hefur
sett sér og sjálfstæðismenn hafa
staðið fyrir. Við náðum góðum
árangri í upphafi kjörtímabilsins
og ætlum okkur að gera enn betur
nú. Við erum með metnaðar fullan
málefnasamning og viljum ná
árangri í anda hans. Þar skipta
mestu aukin gæði í allri þjónustu
og umgjörð borgarinnar.“
Mörg sóknarfæri
HANNA BIRNA Sem nýr oddviti Sjálfstæðisflokksins í Reykjavík kvíðir Hanna Birna í engu að vinna að því risaverkefni að
stjórna Reykjavíkurborg. Hún telur sóknarfærin óteljandi og hyggst nýta sér þau. FRÉTTABLAÐIÐ/ARNÞÓR
FRÉTTAVIÐTAL: Hanna Birna Kristjánsdóttir
FRÉTTAVIÐTAL
SVAVAR HÁVARÐSSON
svavar@frettabladid.is