Fréttablaðið - 11.06.2008, Blaðsíða 28

11. JÚNÍ 2008 MIÐVIKUDAGUR12 ● fréttablaðið ● í sumarskapi
Reiðskólinn Faxaból býður
upp á skemmtileg reiðnám-
skeið fyrir börn á grunnskóla-
aldri í sumar.
„Við kennum krökkunum meðal
annars á reiðtygi, heiti á líkams-
hlutum hestsins, hestalitina, sér-
stöðu íslenska hestsins og gang-
tegundir hans. Verklega kennslan
gengur út á að ná jafnvægi á hest-
inum, sitja rétt, læra að teyma og
umgangast hestinn og svo undir-
stöðuatriði í stjórnun hans,“ segir
Þóra Þrastardóttir, einn eigenda
og kennari við Reiðskólann Faxa-
ból.
Þóra og eiginmaður hennar
Tómas Ragnarsson stofnuðu Faxa-
ból 2000 og er þetta annað árið sem
skólinn er starfræktur í Reiðhöll-
inni í Víðidal. Faxaból er fyrst og
fremst sumarskóli, þar sem kennd
eru tveggja vikna námskeið bæði
fyrir byrjendur og þá sem lengra
eru komnir á aldursbilinu sex til
fimmtán ára. Þátttakendum er
raðað á námskeiðin eftir getu og
þeir látnir fá verkefni sem efla
sjálfstraust og færni í íþróttinni.
„Við förum aðeins eftir getu barn-
anna og leggjum áherslu á að
allir fái verkefni við hæfi. Fjögur
getustig eru í boði á hverju nám-
skeiði og reynt að halda hópunum
litlum til að allir geti fengið þá að-
stoð sem þeir þurfa. Hver hópur
er með sama kennarann og fastan
aðstoðarmann allt námskeiðið, en
um átta fastir kennarar starfa við
reiðskólann.“
Faxaból sér nemendum fyrir
reiðtygi, hjálmum og hestum en
reiðskólinn er með sextíu hross.
„Hestarnir eru til fyrirmyndar,
þægilegir í umgengni og hlýðnir,
og sumir þeirra hafa verið með
skólanum frá upphafi,“ segir Þóra
og bætir við að aðstaðan sé til fyrir-
myndar. Mikið sé af skemmtileg-
um reiðleiðum í Víðidal og stutt
inn á reiðvelli til æfinga. „Vegna
þess hversu stór og góð aðstaðan
okkar er hérna í Víðidalnum höld-
um við líka stórar sýningar í lok
hvers námskeiðs.“ Þar fá nem-
endurnir viðurkenningarskjal og
verðlaunapening fyrir frammi-
stöðu.
„Aðsókn á reiðnámskeiðin
okkur hefur verið góð og má segja
að við stækkum ár hvert,“ bendir
Þóra á. „Við hjónin höfum verið
viðloðandi hestamennsku í mörg
ár og nú er öll fjölskyldan í þessu.
Okkar líf er bara hestur,“ segir
hún og hlær.
Enn er laust pláss á nokkur
námskeið í sumar. Þeir sem hafa
áhuga geta fengið nánari upplýs-
ingar á heimasíðu skólans www.
faxabol.is. - kka
Þóra Þrastardóttir hefur áralanga reynslu af reiðkennslu. FRETTABLAÐIÐ/GVA
Verkefni við allra hæfi
Tónlistarhátíðin Bræðslan verður haldin á Borgarfirði eystri
laugar daginn 26. júlí. Þetta er í fjórða sinn sem hátíðin fer fram
en hún hefur verið vel sótt frá upphafi.
Undanfarin ár hafa þar komið fram tónlist-
armenn eins og Emilíana Torrini, Lay Low,
Belle & Sebastian og Megas og Senuþjófarn-
ir. Flytjendur eru ekki af verri endanum í ár.
Írski tónlistarmaðurinn Damien Rice mun
heiðra gesti með nærveru sinni, en hann
hefur átt talsverðri velgengni að fagna
hérlendis. Þá munu færeyska söngkon-
an Eivör Pálsdóttir og rokkstjarnan
Magni flytja lög, en sá síðarnefndi er
jafnframt Bræðslustjóri í ár.
Nánar um hátíðina á www.midi.is.
- mmr
Hátíð í síldarskúr
Magni Ásgeirsson er Bræðslustjóri þetta árið en flytur jafnframt lög á hátíðinni.
FRÉTTABLAÐIÐ/HRÖNN
Eivör Pálsdóttir
söngkona.