Fréttablaðið - 26.07.2008, Blaðsíða 50

30 26. júlí 2008 LAUGARDAGUR
FRJÁLSAR Allt besta frjálsíþrótta-
fólk landsins mun keppa um 37
Íslandsmeistaratitla á 82. meist-
aramóti Íslands sem fram fer á
Laugardalsvelli um helgina.
Ein mest spennandi keppni helg-
arinnar er sú fyrsta sem er
sleggjukast kvenna. „Þetta verður
bara ein aðalkeppni meistaramóts-
ins. Það er líka það skemmtilega
við þetta að þær koma allar hvort
úr sínu félagi,“ segir Pétur Guð-
mundsson, Íslandsmethafi í kúlu-
varpi og þjálfari Söndru Péturs-
dóttur.
„Þessar þrjár eiga allar eftir að
bæta sig mikið næstu árin og þá
sérstaklega Sandra. Hún er búin
að lyfta hjá mér í tvö ár og er að
styrkjast og svo hefur hún leitað
aðstoðar til Noregs þar sem er
maður sem hjálpar henni með
tæknina með mér,“ segir Pétur
Hann er ánægður með að stelp-
urnar komist aðeins í sviðsljósið
því hann telur að þær geti breytt
ímynd sleggjukastsins hér á
landi.
„Það hefur loðað við sleggju-
kastara að þeir þurfi að vera ægi-
lega stórir og miklir og feitir en
þessar þrjár eru það ekki. Þetta
eru bara nettar stelpur og þjálfun-
arfræðin í dag er orðin öðruvísi en
hún var. Áður voru bara þessir
stóru teknir inn í kastgreinarnar
en nú er þetta öðruvísi hugsað,“
segir Pétur.
Það er ekki úr vegi að líta aðeins
nánar á hverjar þessar þrjár stelp-
ur eru sem eru að breyta sleggju-
kasti kvenna á Íslandi.
Kristbjörg Helga Ingvarsdóttir
er 23 ára og keppir fyrir FH. Hún
á best 49,82 metra sem hún náði á
tólfta Coca-Cola móti FH 18. júlí
síðastliðinn. „Það tekur svolítið á
að undirbúa sig fyrir þessa
keppni,“ játar Kristbjörg. Hún
varð Íslandsmeistari í fyrra þegar
hún kastaði 47,76 metra sem er
mótsmet.
„Ég var lengi ein fyrst en svo
komu þær á eftir og það er mikil
breyting á sleggjukastinu núna.
Ég fór út í sleggjukastið 2005, er
búin að vera í frjálsum síðan ég
var krakki og var líka í kúluvarpi
lengi,“ segir Kristbjörg.
Aðalheiður María Vigfúsdóttir
er 26 ára og keppir fyrir Breiða-
blik. Aðalheiður átti Íslandsmetið
þar til í sumar en bætti sinn besta
árangur og var aðeins tólf senti-
metrum frá Íslandsmetinu á móti í
vikunni.
„Það er mikið kappsmál að kom-
ast yfir 50 metrana og við erum
komnar alveg ótrúlega nálægt því.
Það dregur mann áfram hvað þær
eru að standa sig vel. Vonandi
förum við bara allar yfir 50 metr-
ana,“ segir Aðalheiður.
Sandra Pétursdóttir er aðeins 19
ára en hún keppir fyrir ÍR og
hefur slegið í gegn í sumar. Sandra
tvíbætti Íslandsmetið 3. júlí síð-
astliðinn og var þá aðeins þremur
sentimetrum frá því að fara yfir
50 metrana.
„Ég ætla að vera fyrst yfir 50
metrana,“ segir Sandra sem segist
hafa verið örlítið svekkt þegar
metkastið hennar var svona
nálægt því að fara yfir 50 metr-
ana.
„Ég var orðin svo þreytt á að
vera allaf á eftir þeim og enda allt-
af í þriðja sætinu. Nú ætlaði ég
bara að taka þetta. Þær fengu allt
í einu smá spark í rassinn á síð-
ustu mótum,“ segir Sandra hress.
Meistaramót Íslands er fyrst og
fremst einstaklingskeppni og
verður keppt um Íslandsmeistara-
titla í 19 keppnisgreinum karla og
18 keppnisgreinum kvenna á mót-
inu. Þá er einnig keppt um Íslands-
meistaratitil félagsliða á mótinu,
bæði í karla- og kvennaflokki, sem
og í heildarstigakeppni beggja
kynja. Sleggjukast kvenna hefst
klukkan 12.00 í dag en mótið fer
fram milli tólf og fjögur bæði í
dag og á morgun. ooj@frettabladid.is
Hver kastar fyrst yfir 50 metrana?
Sandra Pétursdóttir, Aðalheiður María Vigfúsdóttir og Kristbjörg Helga Ingvarsdóttir hafa allar bætt sig í
sleggjukastinu á þessu ári og berjast um sigurinn á meistaramótinu í frjálsum íþróttum um helgina.
GLÆSILEGAR Sandra
Pétursdóttir, Aðalheið-
ur María Vigfúsdóttir
og Kristbjörg Helga
Ingvarsdóttir munda
hér sleggjurnar sínar.
FRÉTTABLBÐAIÐ/ANTON
FÓTBOLTI Sænska úrvalsdeildin í
knattspyrnu er hálfnuð. Það er
Kalmar sem vermir toppsætið,
fjórum stigum á undan Elfsborg.
Ellefu Íslendingar spila í deild-
inni. Sá sem þykir spila best er í
félaginu sem er í neðsta sætinu,
Garðar Gunnlaugsson.
Það er sænska dagblaðið Afton-
bladet sem gefur leikmönnum ein-
kunnir. Garðar er með einkunnina
2,6 fyrir leikina en Gunnar Þór
Gunnarsson, liðsfélagi hans, er
neðstur Íslendinganna með 1,7.
Hannes Þ. Sigurðsson hefur þó
skorað flest mörk okkar manna,
fjögur talsins í fimmtán leikjum
fyrir Sundsvall. Hann er með ein-
kunnina 1,9.
Jóhann B. Guðmundsson sem gekk
í raðir Keflvíkinga í vikunni er
þriðji neðstur en næstneðstur er
Ragnar Sigurðsson. Hann þykir
greinilega ekki hafa náð að fylgja
eftir frábæru tímabili sínu í fyrra
með Gautaborg.
- hþh
Dagblaðið Aftonbladet gefur leikmönnum í sænsku úrvalsdeildinni einkunnir:
Garðar efstur Íslendinga í Svíþjóð
EINKUNNIR ÍSLENDINGA
1. Garðar Gunnlaugsson 2,6
(Norrköping)
2-3. Ari Freyr Skúlason 2,5
(Sundsvall )
2-3. Ólafur Ingi Skúlason 2,5
(Helsingborg)
4. Helgi Valur Daníelsson 2,4
(Elfsborg)
5. Sverrir Garðarsson 2,2
(Sundsvall )
6-9. Eyjólfur Héðinsson 1,9
(GAIS)
6-9. Hannes Þ. Sigurðsson 1,9
(Sundsvall)
6-9. Hjálmar Jónsson 1,9
(IFK Gautaborg)
6-9. Jóhann B. Guðmundsson 1,8
(GAIS)
10. Ragnar Sigurðsson 1,8
(IFK Gautaborg)
11. Gunnar Þór Gunnarsson 1,7
(Norrköping)
BESTUR Garðar þykir standa sig
best Íslendinganna í Svíþjóð.
Hann leikur samt með botnliði
Norrköping. FRÉTTABLAÐIÐ/SCANPIX
FÓTBOLTI Dregið var í undanúrslit-
um karla og kvenna í VISA-
bikarnum gær.
Blikar, sem hafa slegið út
Íslandsmeistara Vals og topplið
Keflavíkur, mæta KR-ingum en
svo skemmtilega vill til að
kvennalið félaganna mætast
einnig í undanúrslitunum.
Karlalið KR er eina karlaliðið,
sem er eftir í keppni, sem hefur
orðið bikarmeistari. Blikar og
KR-konur mætast annað árið í röð
í undanúrslitunum en í fyrra vann
KR 7-3 og tryggði sér síðan
bikarmeistaratitilinn.
Hinn leikurinn hjá körlunum er
endurtekning frá því í fyrra
þegar Fjölnismenn, þá í 1. deild,
slógu út Fylki og komust í
bikarúrslitin í fyrsta skiptið. Nú
fá Fylkismenn tækifæri til að
hefnda.
Hinn leikurinn hjá konunum er
á milli Stjörnunnar og Íslands-
meistara Vals. - óój
Undanúrslit VISA-bikarsins:
Tvíhöfði hjá KR
og Breiðabliki
SAMA OG Í FYRRA? KR-konur fengu
Blika einnig í undanúrslitum þegar þær
unnu bikarinn í fyrra. FRÉTTABLAÐIÐ/DANÍEL
FÓTBOLTI Knattspyrnusamband
Íslands hefur ákveðið að bjóða
öllum þjálfurum liðanna í
Landsbankadeild kvenna til að
heimsækja Finnland og kynna sér
knattspyrnu kvenna þar í landi.
Fyrr á þessu ári setti Knatt-
spyrnusamband Evrópu (UEFA) á
laggirnar svokallað UEFA Study
Group Scheme, eða vettvangs-
verkefni, sem felur í sér að
knattspyrnusambönd í Evrópu
geta sótt um styrk frá UEFA til að
heimsækja önnur knattspyrnu-
sambönd í álfunni með það fyrir
augum að kynna sér starfsemi
þar í landi.
Haldið er út til Finnlands
þriðjudaginn 25. nóvember og
komið heim föstudaginn 28.
nóvember. Þá hefur einnig verið
ákveðið að fara með hóp til Sviss
dagana 3.-6. nóvember til að
kynna sér þjálfun barna og
unglinga en skipulagning þeirrar
ferðar er á byrjunarstigi. - óój
Þjálfarar í kvennadeildinni:
Öllum boðið til
Finnlands
FRÓÐLEG FERÐ Þorkell Máni Pétursson
er á leið til Finnlands eins og hinir níu
þjálfararnir í Landsbankadeild kvenna.
FRÉTTABLAÐIÐ/VALLI
Hlaupadrottningin Silja Úlfarsdóttir keppir á sínu síðasta
móti á Meistaramóti Íslands í dag og á morgun.
„Ég er orðin gjörsamlega bensínlaus og tankurinn er bara
tómur,“ segir Silja í dálítið döprum tón. „Ég var búin að
ímynda mér það að fara á Ólympíuleikana og hætta eftir
þá þannig að ég er að hætta aðeins fyrr en ég vildi,“
segir Silja sem að venju mun taka þátt í mörgum
greinum á Meistaramótinu.
„Ég ætla að hlaupa 100, 200, 400 og bæði
boðhlaupin,“ segir Silja og það má auðveldlega
greina vonbrigðin að hafa ekki náð lágmark-
inu í 400 metra grindahlaupinu fyrir Ólymp-
íuleikana. „Ég er bara ekki búin að komast á
strik síðan að ég lenti í ofþjálfuninni í fyrra. Ég
þrjóskaðist við að ná þessu og átti bæði góða
og slæma daga en svo small grindin aldrei hjá mér í
sumar,“ segir Silja og hún var búin að fórna miklu. „Ég
lagði svo rosalega mikið í þetta, bæði fjármagn og
mikla vinnu,“ segir Silja.
Silja varð fjórfaldur Íslandsmeistari á síðasta ári og vann þá öll þrjú
spretthlaupin auk þess að tryggja sér sigur í 400 metra grindahlaupi.
Hún hefur ekki tölu á Íslandsmeistaratitlunum en hún er búin að
taka þátt í meistaramótinu í um áratug.
„Ég var eitthvað að reyna að telja þetta saman á dögunum en fann
það ekki út. Ég veit bara að ég hef orðið bikarmeistari fimmtíu
sinnum þannig að ætli ég hafi ekki orðið yfir fimmtíu sinnum
Íslandsmeistari,“ segir Silja og gerir grín að því að það sé nú
ekkert auðvelt að koma öllum þessum verðlaunapeningum
og bikurum fyrir. Hún ætlar sér að bæta einhverjum við um
helgina. „Auðvitað væri gaman að ná að bæta við einhverj-
um titlum,“ segir Silja vongóð.
Hún býst þó ekki við neinni sérstakri kveðjuathöfn í lok móts
á sunnudag en þó að hún hafi ekki tölu á sigrunum sjálf þá
er hér á ferðinni einn sigursælasta frjálsíþróttakona Íslands frá
upphafi.
„Ég reikna ekki með því en það væri ekkert leiðinlegt,“ segir Silja
sem er ekki hætt afskiptum af frjálsum því hún ætlar að þjálfa hjá
FH og hjálpa til við að búa til framtíðarstjörnur félagsins.
FRJÁLSÍÞRÓTTAKONAN SILJA ÚLFARSDÓTTIR: KEPPIR Á SÍNU SÍÐASTA MEISTARAMÓTI UM HELGINA
Ég er orðin gjörsamlega bensínlaus
> Sex marka tap fyrir Spánverjum
Íslenska landsliðið í handbolta tapaði í fyrsta leik sínum
á æfingamóti í Frakklandi í gær fyrir Spánverjum. Leikar
enduðu 38-32 fyrir Spáni sem var 17-14 yfir í hálfleik.
Snorri Steinn Guðjónsson var markahæstur í íslenska
liðinu með sjö mörk, Alexander Petersson skoraði sex og
Logi Geirsson og Róbert Gunnarsson fimm. Næstir voru
Ólafur Stefánsson (4), Guðjón
Valur Sigurðsson (3), og Sigfús
Sigurðsson (1). Birkir Ívar Guð-
mundsson skoraði eitt mark yfir
allan völlinn úr markinu. Ísland
mætir Frökkum í dag.
sport@frettabladid.is