Fréttablaðið - 14.08.2008, Blaðsíða 27

[ ]
Námsgagnakaup fylgja gjarn-
an skólabyrjun barna á yngstu
skólastigum en í sumum skól-
um er þeim þó séð fyrir öllum
helstu nauðsynjum.
Börn sem eru að hefja skólagöngu
sína leggja ásamt foreldrum
sínum gjarnan leið sína í bókabúð
til að festa kaup á skólatösku,
pennaveski og hinum ýmsu náms-
gögnum.
Þeirri búðarferð fylgir oft mikil
spenna og er ekki óalgengt að
afraksturinn sé Spiderman eða
Barbie-taska og jafnvel þriggja
hæða pennaveski í stíl með öllum
mögulegum pennum, litum og
fylgihlutum. Í sumum skólum er
þó sérstakur bekkjarsjóður sem
foreldrar greiða í og sjá þá kenn-
arar um að kaupa allt sem börnin
þurfa fyrir utan töskuna. Það
hefur tíðkast í Vesturbæjarskóla
um áratugaskeið og gefið góða
raun.
„Foreldrar greiða fjögur þús-
und krónur fyrir árið og inni í því
eru öll námsgögn sem skólinn
útvegar ekki eins og stílabækur,
möppur, blýantar, strokleður, ydd-
arar og fleira,“ segir Hanna Guð-
björg Birgisdóttir, aðstoðarskóla-
stjóri Vesturbæjarskóla. „Þetta
hefur gefist mjög vel og er ávinn-
ingurinn margþættur. Fyrirkomu-
lagið dregur meðal annars úr sam-
anburði, kennir börnunum
samábyrgð og er að öllum líkind-
um mun ódýrara fyrir foreldra.“
Hanna segir eins konar penna-
bar vera í kennslustofum sem
börnin samnýta. Þar er öllum
gögnunum raðað og sækja börnin
sér þau eftir þörfum. „Þannig læra
þau að hugsa vel um eigur sínar og
annarra. Þau sem sitja saman á
borði eru svo gjarnan með skál á
borðinu með yddara og öðru sem
gott er að hafa við höndina,“ segir
Hanna.
Hún segir upphæðina sem for-
eldrarnir greiða óverulega saman-
borið við þau fjárútlát sem gjarn-
an fylgja skólabyrjun. „Við
kaupum eingöngu það sem þarf og
aldrei neitt aukalega, en foreldr-
um hættir held ég til að kaupa
ýmislegt fleira sem yngstu börnin
hafa lítil not fyrir. Við bönnum þó
engum að koma með pennaveski
og eins getur verið gaman að eiga
slíkt heimavið.“
Fleiri skólar hafa komið sér upp
sams konar bekkjarsjóðskerfi þó
blæbrigðamunur sé á einstaka
útfærslum. Í Austurbæjarskóla
þurfa börnin sem dæmi hvorki að
koma með pennaveski né stíla-
bækur. vera@frettabladid.is
Dregið úr samanburði
Hanna Guðbjörg Birgisdóttir, aðstoðarskólastjóri Vesturbæjarskóla, segir fyrirkomulagið þar á bæ draga úr samanburði og kenna
börnum samábyrgð en þau samnýta til dæmis penna og strokleður. FRÉTTABLAÐIÐ/GVA
Endurskinsmerki þurfa að vera á fatnaði skólabarna.
Gott er að hafa merkin bæði á klæðnaði og á skólatöskunni.
Næstu daga fer fram Íslands-
mót barna, unglinga og ung-
menna í hestaíþróttum.
Það eru hestamannafélögin Fákur
og Sóti sem halda mótið á Víðivöll-
um í Víðidal í Reykjavík.
Fyrstu Íslandsmeistararnir verða
krýndir í kvöld en þá fer fram gæð-
ingaskeið. Einn helsti úrslitadagur-
inn er á sunnudaginn en þá fara
fram öll úrslit í hringvallagreinum.
Á föstudags- og laugardagskvöld-
ið verður diskótek. Leiktæki verða
fyrir börnin, hoppukastali og fleira
í Reiðhöllinni. Einnig verður teymt
undir yngstu kynslóðinni á laugar-
deginum og sunnudeginum á milli
14 og 15. - stp
Íslandsmót barna í
hestaíþróttum
Einn helsti úrslitadagurinn er á sunnudaginn en þá fara fram öll úrslit í hringvalla-
greinum. FRÉTTABLAÐIÐ/VILHELM
Í Myndlistaskólanum í Reykja-
vík er boðið upp á ýmis nám-
skeið fyrir börn á öllum aldri.
Meðal þess sem er á boðstólnum
er námskeið fyrir börn á aldrinum
þriggja til fimm ára.
Á námskeiðinu verður lögð
áhersla á hugmyndaauðgi barn-
anna og að þau fái sjálf að prófa og
fikta svolítið.
Markmið kennslunnar er að ýta
undir áhuga barnanna á eigin
umhverfi um leið og þau eru leidd
inn í heim listanna.
Skráning í námskeið Myndlista-
skólans í Reykjavík stendur yfir
en verðið á barna- og unglinga-
námskeiðunum er á bilinu 36.600
til 54.500.
Nánari upplýsingar má finna á
www.myndlistaskolinn.is. -mmf
Hugmyndir
barnanna
Í Myndlistaskólanum í Reykjavík geta
börn nýtt hugmyndaauðgi sína. Mynd úr
safni. FRÉTTABLAÐIÐ/E.ÓL
Holtasmára 1 • 201 Kópavogi • Sími 517 8500
       
         
      
Útsölunni lýkur á laugardaginn
enn meiri verðlækkun allt á að seljast
50-70% afsláttur