Fréttablaðið - 14.08.2008, Blaðsíða 56

36 14. ágúst 2008 FIMMTUDAGUR
sport@frettabladid.is
PEKING 2008 Árni Már Árnason
þreytir frumraun sína á Ólympíu-
leikum í dag er hann stingur sér til
sunds í 50 metra skriðsundi. Árni,
sem er tvítugur að aldri, er eðlilega
spenntur fyrir því að fá að taka þátt
í Ólympíuleikunum.
„Mér líður mjög vel og frábært
að vera hérna,“ segir Árni Már.
„Það er allt miklu flottara hér en ég
átti von á. Nú skil ég hvað fólk er að
tala um er það segir það vera draum
að komast á Ólympíuleika. Nú skil-
ur maður líka af hverju fólk puðar í
fjögur ár. Þetta er þess virði.“
Árni Már er unnusti Erlu Daggar
Haraldsdóttur sem einnig keppir á
leikunum. Þau skötuhjú halda til
Bandaríkjanna eftir Ólympíuleik-
ana þar sem þau ætla saman í
háskóla ásamt því að synda.
„Ég skráði mig í verkfræði og
mun svo synda samhliða náminu.
Við erum á leið til Virginíuríkis og
stoppum aðeins í tvo daga heima
áður en við förum út. Það er alger
draumur að geta blandað þessu
tvennu saman. Ég hef verið að fá
góðar upplýsingar frá öðrum sem
hafa gert slíkt hið sama og það láta
allir vel af þessu,“ sagði Árni en
hvaða takmörk hefur hann sett
sér?
„Að njóta þess að vera hérna. Ég
hef verið að bæta mig mikið í
sumar og vonandi toppa ég núna,“
sagði Árni en óttast hann ekkert
að verða stressaður? „Ég verð
örugglega stressaður en vonandi
gengur mér vel að höndla aðstæð-
urnar.“ - hbg
Árni Már Árnason er hamingjusamur í Peking:
Allt flottara en ég
átti von á
ÁRNI Ræðir hér við Söru Blake Bateman
og Jakob Jóhann Sveinsson á æfingu í
Peking. FRÉTTABLAÐIÐ/VILHELM
Íslandsmeistarar Vals hafa unnið sex af síðustu sjö
leikjum og gert eitt jafntefli. Það hefur skilað þeim
í titilbaráttuna á nýjan leik en þeir eru fjórum
stigum á eftir Keflavík. Valur vann Fjölni sem hefur
fatast flugið eftir góða byrjun.
FH trónir enn á toppnum, þegar aðeins sjö
umferðir eru eftir, eftir sigur á KR í stórleik
umferðarinnar. Leikurinn hafði allt, spennu, færi,
umdeild atvik og meira að segja rautt spjald.
Tvíburunum Arnari og Bjarka gengur illa á
Akranesi. Að vísu hefur liðið spilað betur en
það skilar sér ekki í neinum stigum. Þeir
hafa tapað öllum þremur leikjunum
hingað til, síðast gegn Keflvíkingum
sem skoruðu fjögur mörk gegn
þeim.
Sömu sögu er að
segja af HK, bata-
merki eru á leik
liðsins en lánleysið eltir Kópavogsbúa sem fengu á
sig mark í uppbótartíma gegn Fylki. Hitt Kópavogs-
liðið, Breiðablik, skoraði aftur á móti sjálft í upp-
bótartíma og bjargaði þar með stigi í Grindavík.
Þróttur og Fram gerðu jafntefli í Laugardals-
slagnum. Fram hefur ekki tapað í fjórum síðustu
leikjum.
15. UMFERÐ LANDSBANKADEILDAR KARLA: ÍSLANDSMEISTARARNIR SÆKJA Á
Tveggja hesta kapphlaup?
TÖLURNAR TALA
Flest skot: 18, Fjölnir og Keflav.
Flest skot á mark: 9, Kefl. og ÍA
Fæst skot: 6, HK
Hæsta með.ein.: 6,8 HK og Fram
Lægsta meðaleink.: 4,9 KR
Grófasta liðið: 16 brot, FH og ÍA
Prúðasta liðið: 9 brot, KR og Fram
Flestir áhorf.: KR-FH, 2.237
Fæstir áhorf.: HK-Fylkir, 743
Áhorfendur alls: 6.928
> Besti dómarinn: Jóhannes
Valgeirsson fékk hæstu einkunn
dómara í 15. umferð hjá Frétta-
blaðinu eða 8. Akureyringurinn
dæmdi leik KR og FH á KR-vellin-
um og leysti verkið með miklum
myndarbrag.
>Atvik umferðarinnar
Mörk í uppbótartíma í þremur leikjum. Breiðablik skoraði
í Grindavík, Þróttur jafnaði gegn Fram og Fylkir gegn HK.
Sérstaklega grátlegt fyrir botnlið HK.
>Ummæli umferðarinnar
„Gæðin hjá sumum leikmönnum eru alls ekki
nógu góð. Það er ekkert flóknara en það og
það er klúbbnum til skammar. Félög eins
og ÍA eiga ekki að sætta sig við miðlungs-
leikmenn. Það eru kannski hörð orð en
það er sannleikurinn. Nú þurfum við að
taka erfiðar ákvarðanir en við sáum í þess-
um leik hverjir eru tilbúnir og hverjir ekki,“
sagði Arnar Gunnlaugsson, annar þjálfara
ÍA, eftir tapið gegn Keflavík.
Landsbankadeild kvenna
Þór/KA-Fjölnir 5-0
1-0 Mateja Zver (3.), 2-0 Zver (24.), 3-0 Zver
(40.), 4-0 Rakel Hönnudóttir (45.), 5-0 Arna Sif
Ásgrímsdóttir (66.).
HK/Víkingur-Afturelding 1-0
1-0 Karen Sturludóttir (30.)
Stjarnan-KR 0-2
Hólmfríður Magnúsdóttir (28.), Hrefna Huld
Jóhannesdóttir (49.).
Fylkir-Breiðablik 2-3
1-0 Courtney Sobrero (23.), 1-1 Sara Björk
Gunnarsdóttir (55.), 2-1 Anna Björg Björnsdóttir
(58.), 2-2 Fanndís Friðriksdóttir (60.), 2-3 Harpa
Þorsteinsdóttir (71.).
EM-U18 í handbolta karla
Ísland-Frakkland 35-25 (13-13)
Mörk Íslands (skot): Aron Pálmarsson 8 (17),
Oddur Grétarsson 6 (11), Ólafur Guðmundsson
5 (6), Guðmundur Árni Ólafsson 5/2 (7/2),
Ragnar Jóhannsson 5 (11), Heimir Óli Heimisson
4 (5), Örn Ingi Bjarkason 2 (3).
Varin skot: Sigurður Arnarson 15 (40/1, 38%).
Ísland mætir Þýskalandi í undanúrslitum.
Meistaradeild Evr. forkeppni
Twente-Arsenal 0-2
0-1 William Gallas (63.), 0-2 Adebayor (82.)
Standard Liege-Liverpool 0-0
Barcelona-Wisla Krakow 4-0
Samuel Eto´o 2, Xavi, Thierry Henry
Eiður Smári Guðjohnsen var alan tímann á
varamannabekk Barcelona.
Brann-Marseille 0-1
Kristján Örn Sigurðsson og Ólafur Örn Bjarnason
léku allan leikinn fyrir Brann, Birkir Már Sævars-
son var í byrjunarliðinu og lék í 71 mínútu en
Gylfi Einarsson og Ármann Smári Björnsson voru
á varamannabekknum allan leikinn.
Juventus-Petrzalka 4-0
Mauro Camoranesi, Alessandro Del Piero, Giorgio
Chiellini og Nicola Legrottaglie.
Schalke-Atletico Madrid 1-0
Pander
Levski Sofia - BATE Borishov 0-1
Vladimir Rzhevsky
ÚRSLIT
FÓTBOLTI Keflvíkingar gefa ekkert
eftir í baráttunni um Íslandsmeist-
aratitilinn, hafa nú leikið sjö leiki í
röð án taps og hafa náð í 15 af 21
mögulegum stigum í þessum leikj-
um. Það má á stórum hluta þakka
skiptingum Kristjáns Guðmunds-
sonar þjálfara og góðum innkom-
um varamanna liðsins í lok leikja.
Patrik Redo hefur átt lykilinn-
komur af bekknum í síðustu leikj-
um Keflavíkur. Redo lagði upp
sigurmark Harðar Sveinssonar í
uppbótartíma gegn HK og skoraði
síðan tvö mörk í seinni hálfleik í 4-
1 sigri á ÍA um síðustu helgi. Redo
var valinn besti leikmaður 15.
umferðar hjá Fréttablaðinu.
„Stundum hefur maður heppn-
ina með sér og ég hef kannski ekki
haft hana oft með mér í sumar. Ég
er alltaf ánægður þegar við vinn-
um leikina. Sigrarnir skipta miklu
meira máli en mörkin mín. Ég er
samt vonandi búinn að brjóta ísinn
og vonandi fara mörkin að koma
hjá mér,“ sagði Redo sem hefur
skorað 4 mörk í Landsbankadeild-
inni. Redo er ekki með yfirlýsing-
ar um gengi liðsins frekar en aðrir
í Keflavík. „Við tökum bara einn
leik í einu og erum ekki að velta
því fyrir okkur hvernig mótið
endar. Við höfum gert það með
góðum árangri og velgengni liðs-
ins snýst mikið um það að það eru
allir að einbeita sér að því sem er í
gangi hverju sinni,“ segir Redo.
Patrik Redo náði sér ekki á strik
með Fram í fyrra en hefur blómstr-
að hjá Keflavík.
„Það er mjög gaman að spila
með Keflavík. Við erum með gott
lið, erum að standa okkur vel
þannig að það er lítið hægt að
kvarta. Ég er búinn að vera meira
og minna meiddur síðustu tvö ár
þannig að það er frábært að geta
spilað fótbolta á fullu á nýjan
leik,“ segir Redo og bætir við.
„Ég er reyni að leggja til liðsins
á margan hátt en það sem skiptir
liðið mestu er að ég komi með
orku og kraft inn í liðið og reyni að
nýta mér hraðann í fremstu víg-
línu. Ég get búið til færi úr engu
og hraðinn er minn mesti kostur,“
segir Redo og sú var svo sannar-
lega raunin í leiknum á móti ÍA.
„Ein af lykilástæðunum fyrir
því að okkur gengur svona vel er
að við erum með leikmenn á
bekknum sem geta komið inn og
breytt leikjum,“ segir Redo og það
sést vel á tölfræðinni, en alls hafa
varamenn Keflavíkur skorað átta
mörk í sumar eða tvöfalt fleiri en
næstu lið sem eru lið FH, Breiða-
bliks og Fylkis.
Redo veit samt ekki hvort að
hann fái að byrja í næsta leik. „Ég
vonast til að vera í byrjunarliðinu
í næsta leik því ég finn að ég er að
hitna. Ég verð samt ekkert súr eða
reiður ef ég byrja á bekknum því
þá verð ég bara að koma aftur inn
með sama krafti og í síðustu leikj-
um. Það eru 18 leikmenn í liðinu
og einhverjir verða augljóslega að
byrja á bekknum,“ sagði Redo að
lokum.
ooj@frettabladid.is
Hraðinn er minn mesti kostur
Patrik Redo er besti leikmaður 15. umferðar Landsbankadeildar karla. Hann kom inn á sem varamaður og
gerði út um leik liðsins uppi á Skaga. Varamenn Keflavíkur hafa skorað mörg dýrmæt mörk í sumar.
FÓTBOLTI Í kvöld fer fram einn
stærsti Evrópuleikur síðari ára á
Íslandi þegar FH mætir Aston
Villa á Laugardalsvelli. Villa varð
í sjötta sæti ensku úrvalsdeildar-
innar á síðasta tímabili og yfir-
vegaður þjálfari liðsins lagði
áherslu á að vanmeta ekki FH
þegar hann svaraði spurningum
blaðamanna í gær.
Martin O´Neill var spurður
spjörunum úr á meðan kollegi
hans hjá FH, Heimir Guðjónsson,
sat rólegur og fylgdist með fyrstu
fimmtán mínúturnar. Eðlilega
beindist athyglin að stjörnunum
frá Englandi en fjöldi blaðamanna
þarlendis frá fylgdi liðinu til
Íslands.
„Ég á ekki góðar minningar frá
Íslandi,“ sagði O´Neill sem kom
til Íslands árið 1977 og tapaði þá
með landsliði Norður-Íra. Hann
kvaðst ánægður með að spila í
Evrópukeppninni en viðurkenndi
að áherslan væri samt fyrst og
fremst á ensku úrvalsdeildina.
O´Neill sagði jafnframt að fyr-
irliði liðsins, Gareth Barry, hafi
óskað eftir því að koma með lið-
inu til Íslands. Komi hann við
sögu í leiknum er nær útilokað að
hann gangi í raðir Liverpool eins
og flest benti til fyrr í sumar.
Stjórinn sagði samt að framtíð
Barry væri óráðin.
„Við megum ekki vanmeta
neinn,“ sagði O´Neill, sem hefur
séð alla leiki með FH á DVD síðan
dregið var, á meðan Heimir sagði
möguleikana vera „mjög litla.“
Landsleiksumgjörð er í kring-
um leikinn en um 7.000 miðar
höfðu selst í gærkvöldi sam-
kvæmt upplýsingum frá KSÍ.
Undir 500 stuðningsmenn Villa
verða á leiknum en nokkurra
manna öryggisteymi fylgir stuðn-
ingsmönnunum sérstaklega til
landsins. Um 100 manns munu
starfa við gæslu á leiknum sem er
jafn mikið og á landsleikjum
Íslands. Búist er við því að nær
uppselt verði í öll 9.800 sætin á
Laugardalsvelli. - hþh
Martin O´Neill stjóri Aston Villa á ekki góðar minningar frá Íslandi:
Þurfum að vera varkárir
Zoran Stamenic (2)
Sinisa Kekic
Auðun Helga-
son (5)
Patrik Redo Jóhann Berg Guð-
mundsson (5)
Gunnar Már Guð-
mundsson (6)
Höskuldur
Eiríksson
Hólmar Örn
Rúnarsson (6)
Paul McShane
(3)
Davíð Þór Við-
arsson (2)
Ómar Jóhannsson
(2)
SPOSKUR Á SVIP Heimir Guðjónsson beið sallarólegur í fimmtán mínútur á meðan
kollegi hans hjá Aston Villa fékk alla athyglina. FRÉTTABLAÐIÐ/ANTON
FR
ÉT
TA
B
LA
Ð
IÐ
/A
N
TO
N
FLJÓTUR Patrik Redo er erfiður
við að eiga þegar hann kemst
á flug.