Fréttablaðið - 21.08.2008, Blaðsíða 68

48 21. ágúst 2008 FIMMTUDAGUR
folk@frettabladid.is
Efnt var til svokallaðrar tískuhátíðar
í Ástralíu á dögunum, þar sem al-
menningi gafst kostur á að kynna sér
strauma og stefnur í línum ástralskra
hönnuða fyrir vor og sumar 2008 til
2009, sem gengur einmitt í garð þeim
megin á hnettinum nú hvað úr hverju.
Hátíðin var haldin í fyrsta skiptið nú í
ár og mæltist afar vel fyrir, enda ekki á
hverjum degi sem almenningur fær aðgang
að þessum lokaða geira. Ástralskt sumar
virðist eiga sitthvað skylt með íslenskum
vetri, því ekki má betur sjá en að þessar flíkur
myndu fara vel hér á landi líka.
TÍSKUHÁTÍÐ
Í SYDNEY
Þessi hönnun Trimapee myndi
sóma sér alveg jafn vel á
Laugaveginum og í Sydney.
Flottur kragi á einföldum kjól
gerir heilmikið fyrir útlitið hjá
Kirrily Johnston.
Grátt og svart
er alltaf flott
saman eins og
þessi kjóll og
stutti leðurjakki
frá Gary Bigeni
eru dæmi um.
Þessi klæðnaður
frá Konstantina
Mittas virðist vera
undir áhrifum
sveitastemningar
hausttískunnar.
Töff vesti við
svart pils hjá
Silence Is
Golden.
Ágætis haust-
búningur í
formi legg-
ings, kjóls og
stutts vestis
frá Kirrily
Johnston.
N
O
R
D
IC
PH
O
TO
S/
G
ET
TY
Útgáfutónleikar Esju eru á Nasa
í kvöld. Esja er ástríðubarn
Krumma, Hrafns Björgvinsson-
ar, og Daníels Ágústs Haralds-
sonar, en plata þeirra kom út í
síðustu viku.
„Við tókum plötuna mestmegn-
is upp á þremur dögum með
Kidda í Hjálmum, þeim mikla
galdramanni. Allt sem hann
snertir verður að gulli, eða það
höldum við. Þetta er svona blús-
að rokk, sem við Krummi höfum
miklar mætur á, en það sem við
höfum verið að gera í okkar
sköpun hingað til hefur verið af
öðrum toga. Núna erum við bara
að fá útrás fyrir ástríðuna fyrir
þessari tegund tónlistar,“ segir
Daníel Ágúst.
Með þeim félögum spila Frosti
Runólfsson, Halldór Björnsson
og Bjarni Sigurðsson. Andrea
Jónsdóttir þeytir skífum fyrir og
eftir tónleikana. Ókeypis er inn á
tónleikana, sem hefjast klukkan
tíu. „Við viljum ekki að fólk hafi
neina afsökun fyrir því að sjá
okkur ekki,“ segir Daníel. - kbs
Esja hörð og mjúk
NÝ HLIÐ Krummi og Daníel Ágúst
opna dyrnar á Nasa og bjóða fólki
blúsað rokk. MYND/JÓNATAN GRÉTARSSON
> VISSIR ÞÚ?
Nú er hægt að lifa sig inn í líf
Amy Winehouse með því að
spila tölvuleikinn Escape from
Rehab, eða Flóttinn úr meðferð,
á netinu. Hin vansæla söngkona
tekst á við Batman, Hulk, Carrie
Bradshaw með hár og krakkpíp-
ur að vopni. Leiknum lýkur
með því að Amy bjargar
eiginmanni sínum, Blake,
úr fangelsi.
Britney Spears virðist vera að koma
sér á réttan kjöl að nýju, eftir að
hafa tapað forræði yfir sonum
sínum tveimur fyrr á árinu auk
þess að vera svipt sjálfræði.
Hennar nýjasta ráð til að
endurheimta drengina, er að
hleypa tökuliði sjónvarpsstöðv-
arinnar MTV inn á heimili sitt.
Þrátt fyrir óánægju fjölskyldu
hennar, og Kevins Federline,
hefur hún ákveðið að leyfa MTV
að fylgjast með sér reyna að
draga feril sinn upp úr holræsinu
í von um að það gefi betri mynd
af henni og hjálpi henni að vinna
forræði að nýju. Heimildarmenn
segja að pabbi hennar, Jamie
Spears, sé henni ævareiður fyrir
vikið. Hann hefur nýlega sagt
Britney undirförula og stjórn-
sama, auk þess sem hann
virðist halda með Kevin
Federline í forræðisdeilunni.
Móðir hennar, Lynne, er
sögð gera allt hvað hún
getur til að fá hana til að
hætta við, enda hrædd um
að söngkonan segi og sýni
of mikið og minnki þar með
slúðurgildi bókarinnar sem
Lynne hefur skrifað um
dóttur sína.
Líf Britneyjar hefur
engan veginn verið dans
á rósum undanfarið og
hafa fjölmiðlar velt sér
upp úr hörmungunum sem
hafa dunið á henni. Þrátt
fyrir allt virðist Britney
ekki af baki dottin, en hún hefur
einbeitt sér að nýrri ímynd og
nýrri plötu upp á síðkastið.
Það er því vonandi að
þátturinn gangi vel og verði
ekki, eins og vinir Britneyj-
ar óttast, mesta sjónvarps-
slys sögunnar, líkt og
raunveruleikaþáttur
hennar og Kevins hérna
um árið.
HELDUR ÓTRAUÐ ÁFRAM
Britney gerir raunveru-
leikaþátt í von um að fá
syni sína aftur.
Britney sýnir MTV líf sitt á ný
Við leitum að duglegu starfsfólki í verslanir okkar.
Við leggjum mikið upp úr því að starfsfólki okkar
líði vel í vinnunni og rekum öflugt félagslíf. Einnig
nýtur starfsfólk fjölda fríðinda.
Umsækjendur þurfa að vera orðnir 18 ára.
Umsækjendur fylli út umsókn á www.10-11.is eða
hafi samband við verslunarstjóra í næstu verslun.
Skemmtileg vinna með
skemmtilegu fólki