Fréttablaðið - 12.09.2008, Blaðsíða 58
38 12. september 2008 FÖSTUDAGUR
sport@frettabladid.is
Handknattleikskappinn og silfurdrengurinn Róbert Gunnars-
son kom í talsvert breytt umhverfi hjá Gummersbach eftir
Ólympíuleikana. Hinir þrír Íslendingarnir eru allir horfnir á braut
og Róbert einn eftir. Guðjón Valur Sigurðsson gekk í raðir Rhein
Neckar Löwen, Sverre Jakobsson fór til HK og Alfreð Gíslason
tók við stjórnartaumunum hjá meistaraliði Kiel.
„Þetta eru eðlilega talsverð viðbrigði. Verst af öllu var
samt að missa Alfreð frá okkur enda frábær þjálfari. Nýi
þjálfarinn sem kemur frá Bosníu er talsvert öðruvísi
þjálfari en Alfreð. Frekar mikið af gamla skólanum og
hann lætur okkur æfa mikið og þess utan lengi. Það
liggur við að maður megi hreinlega þakka fyrir að
sjá fjölskylduna,“ sagði Róbert léttur þar sem hann
var farinn út að borða með fjölskyldunni.
Gummersbach tapaði naumlega fyrir Flensburg á
útivelli á miðvikudaginn. Miðað við þann leik verður
Gummersbach í efri hluta deildarinnar enda að spila
fínan handbolta og þar á meðal Róbert sem fór mikinn í
leiknum.
„Við köstuðum sigrinum frá okkur. Það var alveg ferlegt. Annars
lítur þetta ágætlega út hjá okkur. Alfreð var búinn að versla vel
inn áður en hann fór og við erum með hörkumannskap,“ sagði
Róbert, sem er að klára samninginn sinn við Gummersbach í
vetur og hefur ekki tekið neina ákvörðun um framhaldið.
„Ég er bara nýkominn hingað í þetta nýja og breytta
umhverfi. Ég mun taka mér drjúgan tíma í að skoða
málin áður en ég tek einhverja ákvörðun um framhald-
ið. Við höfum komið okkur vel fyrir hér í Köln og því
kemur vel til greina að spila áfram með Gummers-
bach,“ sagði Róbert. Engar samningaviðræður hafa
átt sér stað um framhald en nýr þjálfari liðsins tekur
eflaust ákvarðanir um slíkt þegar hann hefur verið
einhvern tíma í starfinu.
„Ég get eflaust fengið nýjan samning hér vilji ég
það. Gummersbach er eitt af fimm til sex bestu lið-
unum í deildinni og það er alveg klárt að ég ætla ekki
að fara í lakara lið hér í Þýskalandi,“ sagði Róbert, sem
útilokar ekki að fara til Spánar eða aftur til Danmerkur.
RÓBERT GUNNARSSON: EINI ÍSLENDINGURINN Í GUMMERSBACH SAKNAR FÉLAGA SINNA NOKKUÐ
Verst af öllu var að missa Alfreð frá okkur
FÓTBOLTI Það vakti talsvert mikla
athygli að landsliðsmaðurinn
Grétar Rafn Steinsson skyldi
gagnrýna KSÍ eftir tap Íslands
gegn Skotum. Hann sagði í viðtöl-
um að umgjörðin í kringum lands-
liðið mætti vera fagmannlegri en
nefndi engin dæmi máli sínu til
stuðnings.
Það vildi hann heldur ekki gera
í gær þegar Fréttablaðið innti
hann eftir svörum við því hvert
hann væri nákvæmlega að fara
með gagnrýni sinni.
„Ég ætla ekkert að tjá mig frek-
ar um þetta. Ég vildi koma boltan-
um af stað og svo þarf að fara yfir
þessa hluti. Við eigum eftir að
ræða þetta betur og það er nægur
tími til að laga þessa hluti fyrir
næstu leiki. Annars kemur það
öðru fólki ekkert við hvað það er
sem þarf að laga,“ sagði Grétar
Rafn, sem þó sá ástæðu til þess að
hleypa málinu í loftið en kaus að
fara aðeins með hálfkveðnar
vísur.
Fréttablaðið hafði samband við
nokkra leikmenn landsliðsins í
kjölfarið og spurði þá að því hvort
þeir vissu hvað Grétar væri að
tala um. Enginn þeirra sem Frétta-
blaðið ræddi við hafði hugmynd
um hvað Grétar væri að tala um.
Einn minntist þess þó að hafa séð
Grétar í hrókasamræðum við
Gunnar Gylfason, yfirmann lands-
liðsmála, í matartíma daginn fyrir
leik. Gat hann sér þess til að þeir
hefðu verið að ræða þau mál sem
Grétar vitnar til.
Landsliðsmennirnir sem Frétta-
blaðið ræddi við höfðu þess utan
ekki yfir neinu að kvarta er varð-
ar umgjörð í kringum landsliðið
og furðuðu sig því nokkuð á því að
Grétar væri að gagnrýna.
Sögðu að vel færi um þá er þeir
væru undir verndarvæng KSÍ og
að allur aðbúnaður væri í fínu lagi.
Þeir hefðu þar af leiðandi ekki
hugmynd um hvað Grétar væri að
tala um.
Ólafur Jóhannesson landsliðs-
þjálfari hafði heldur ekki hug-
mynd um hvert Grétar Rafn væri
að fara. Hann hefði þó leitað svara
við því hvað væri í gangi en hefði
ekki enn fengið svör.
„Ég fæ eflaust skýrslu frá ein-
hverjum fljótlega um það hvað sé
í gangi. Annars veit ég ekkert
hvað Grétar er að tala um og hef
ekki enn heyrt í honum með málið.
Mun þó væntanlega heyra í honum
fljótlega,“ sagði Ólafur við Frétta-
blaðið í gær en hann hefur ekkert
nema gott að segja um þá umgjörð
sem KSÍ skapar landsliðinu.
„Ég get sagt það að umgjörðin í
kringum landsliðið er algjörlega
frábær og það er ekki yfir neinu
að kvarta. Það er nákvæmlega allt
gert fyrir okkur sem hægt er að
gera og við fáum allt sem við biðj-
um um. Það er fjöldi manna sem
stendur utan við liðið og þar eru
allir að vinna frábæra vinnu,“
sagði Ólafur. henry@frettabladid.is
Kemur fólki ekkert við
Grétar Rafn Steinsson vill ekkert segja til um hvaða hluti þurfi að laga í um-
gjörðinni hjá KSÍ. Leikmenn og landsliðsþjálfari hafa ekki hugmynd um hvað
Grétar er að tala um. Þjálfarinn segir umgjörðina hjá KSÍ vera frábæra.
ENGIN RÖK OG ENGIN DÆMI Grétar Rafn Steinsson vill ekkert segja hvað sé
nákvæmlega að í umgjörðinni hjá KSÍ í kringum landsliðið. FRÉTTABLAÐIÐ/ANTON
FÓTBOLTI Jamie Carragher fer
ekki beint mjúkum höndum um
mennina sem borga launin hans í
ævisögu sinni. Carragher segir í
bókinni að honum verði stundum
flökurt að fylgjast með því
hvernig Tom Hicks og George
Gillett svíkja loforð og gera allt
til þess að græða á félaginu.
„Við seldum Liverpool til
tveggja miskunnarlausra
viðskiptajöfra sem sáu Liverpool
sem tækifæri til þess að græða
peninga,“ segir Carragher en
talið er að hvor þeirra sé búinn að
græða um 100 milljónir punda á
fjárfestingunni.
Bandaríkjamennirnir hafa ekki
staðið við loforð um nýjan
leikvang og ekki sett þá peninga í
leikmannakaup sem talað var um.
„Þeir ætluðu greinilega ekki að
kasta á glæ peningunum sem þeir
höfðu unnið sér inn á fimmtíu
árum. Þeir keyptu Liverpool því
plön um byggingu nýs leikvangs
gáfu þeim tækifæri til að græða
ógrynni peninga,“ segir
Carragher meðal annars. - hbg
Carra um eigendur Liverpool:
Vilja græða á
félaginu
CARRAGHER Ekki hrifinn af vinnuveit-
endum sínum. NORDIC PHOTOS/GETTY IMAGES
FÓTBOLTI Theo Walcott er eftirlæti
Englendinga eftir að hann skoraði
frábæra þrennu gegn Króötum.
Walcott er aðeins nítján ára og
varð yngsti leikmaður sögunnar
til þess að skora þrennu með
enska landsliðinu.
Stjórinn hans hjá Arsenal,
Arsene Wenger, reyndi að draga
aðeins úr væntingum Englend-
inga til Walcotts í gær og benti á
að hann myndi ekki skora þrennu
í hverjum leik.
„Það sem gerðist verður að líta
á sem undantekningu frá
reglunni, þetta var einstakt og
mun ekki gerast í hverjum leik.
Jafnvel 25 eða 26 ára leikmenn
skora aðeins þrennu einu sinni á
landsliðsferlinum,“ sagði Wenger.
- hbg
Wenger um Walcott:
Þetta var
einstakt
ÍÞRÓTTIR FATLAÐRA Eyþór Þrastar-
son stórbætti árangur sinn í 400
metra skriðsundi á Ólympíuleik-
um fatlaðra í gærmorgun og lauk
keppni í áttunda sæti, sem er
frábær árangur hjá Eyþóri.
Hinn sautján ára gamli Eyþór
keppir í flokki S-11 sem er
skipaður alblindum keppendum.
Eyþór synti á tímanum 5:11,54
mínútum í undanrásum, sem er
mikil persónuleg bæting, en í
úrslitasundinu synti hann á
tímanum 5:15,63 mínútum. - óþ
Ólympíuleikar fatlaðra:
Eyþór áttundi
FRÁBÆR Hinn sautján ára Eyþór lenti í
áttunda sæti í 400 metra skriðsundi á
ÓL fatlaðra. MYND/JÓN BJÖRN ÓLAFSSON
og þú gefur
1.000 kr.
og þú gefur
3.000 kr.
og þú gefur
5.000 kr.
Hringdu núna:
904 1000 I 904 3000 I 904 5000
Taktu þátt í landssöfnun sem miðar að því að
lækning finnist við mænuskaða. Það gefur fjölda
fólks um heim allan von um að ganga á ný.
> 1. deildin í kvöld, kveðjuleikur Hlyns
Næstsíðasta umferð 1. deildar karla í fótbolta fer fram í
kvöld kl. 18. Baráttan á toppi og botni deildarinnar er hörð
en ÍBV getur endanlega tryggt sér sæti í Landsbankadeild
næsta sumar með sigri gegn KS/Leiftri á Siglufjarðarvelli.
Baráttan um annað sætið er gríðarlega hörð á milli Selfoss
og Stjörnunnar en Stjörnumenn eiga heimaleik gegn KA
og Selfyssingar útileik gegn Fjarðabyggð. Það
verður botnbaráttuslagur þegar Leiknismenn
taka á móti Njarðvík en Njarðvíkingar, sem eru
í fallsæti sem stendur, þurfa nauðsynlega
á sigri að halda í leiknum til að eygja von
um að halda sér í deildinni. Víkingsliðin frá
Reykjavík og Ólafsvík mætast í Ólafsvík og
Þór tekur svo á móti Haukum í kveðjuleik
Hlyns Birgissonar á Akureyri og frítt er á
völlinn að því tilefni.